2 तिमूतियूस 4:2 - जीवन को च्यानणो (सेकावाटी नया नियम की पोथ्या)

² परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

2 तिमूतियूस 4:2 Referans Kwoze

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

तितूस 2:15

तू अ सगळी बाता अधिकार क सागै तेरा सुणबाळानै सीखा, जुर्त पड़ै तो बाकै दकाल लगा अर जुर्त पड़ै तो हिमत बंधा। कोईकै सामैई तनै निचो नइ देखणो पड़ै।

1 तिमूतियूस 4:13

जद ताँई म थार कनै नइ आऊँ तू तेरो टेम अर तेरी मेनत मिनखानै नेम-कायदानै बाचर सुणाबा, बचन को हेलो पाड़बा अर सीखाबा म लगाजे।

दरसाव 3:19

म जिऊँ बी परेम करूं हूँ बानै दकालूं हूँ अर सूदारूँ हूँ। जणा मजबूत होज्या अर तौबा कर।

तितूस 1:13

आकै बारां म इ आदमी की गुवाई सची ह, इ ताँई तू बानै दकालर समजा जिऊँ बे बिस्वास म मजबूत होवीं।

2 तिमूतियूस 2:21

ज मिनख खुदनै बुरायाऊँ सुद करले जणा बो खास काम म आबाळो बणसी अर पबितर बणर खुदका मालिक परमेसर क काम आबाळो बणज्यावै ह। जिऊँ बो हर भला काम ताँई त्यार करेड़ो होसी।

गलातियो 6:6

जखा बचन की सीख सीखै ह, बिनै चाए क जखी चोखी चिजा बिकन ह, बो बानै आपका सीखाबाळा क सागै बांटै।

रोमीयो 12:12

आस म राजी रेह्ओ, पिड़ा म थ्यावस राखो, लगातार अरदास करता रेह्ओ।

2 तिमूतियूस 3:10

पण तू मेरी सीख, भेवार, अर जिंदगी ताँई मेरा मकसदनै मानै ह, तू मेरा बिस्वास, मेरा थ्यावस, मेरा प्यार-परेम, मेरी सेह्बा की सक्‍ति,

1 तिमूतियूस 5:20

जखा पाप करीं बाकै सगळा क सामै दकाल लगा जिऊँ दुसरा पाप करबाऊँ डरै।

कलुसीयो 1:25

थारै भला ताँई परमेसर मनै जखो हुकम दिओ हो, बि बजेऊँई म बिस्वास्या की बिस्वासी मंडळी को दास बणायो गयो हूँ। जिऊँ म परमेसर का चोखा समचार को भरपुरीऊँ हेलो पाड़ूँ।

रोमीयो 10:15

अर सुणाबाळानै बिना भेज्या बे कंय्यां सुणा सकीं हीं? जंय्यां क पबितर सास्तर म मंडेड़ो ह, “चोखा समचार को हेलो पाड़बाळा का पग कत्ता सोवणा हीं।”

भेजेड़ा चेला का काम 20:7

सपता का पेला दिन दितबारनै, म्हें एक सागै परबु की याद म रोटी खाबा ताँई भेळा होया। पोलुस जखो दुसरा दिन बठैऊँ जाबाळो हो बो बाऊँ बाता करी अर आदी रात ताँई बो बाऊँ बतळातो रिह्यो।

भेजेड़ा चेला का काम 16:13

यहूदिआ क अरामहाळा दिन म्हें आ सोचर नगरी का दरूजा क बारनै नदि किनारै गया की बठै कोई अरदास करबा की झघा होगी। म्हें बठै बेठगा अर बा लूगायाऊँ बतळाबा लागगा जखी बठै भेळी होरी ही।

लूका 9:60

जणा ईसु बोल्यो, “मरेड़ा मिनखानै बाका मरेड़ानै गाडबा दे। पण तू जा अर परमेसर का राज को हेलो पाड़।”

लूका 7:4

जणा बे आर ईसुऊँ सचा मनऊँ मिन्नत करी क, “म्हराज थे सुबेदार की मदद करो क्युं क बो इ जोगो ह।

1 थिसलूनिकी 5:20

परमेसर की खेबाळा की खयड़ी बातानै माड़ी मना जाणो।

लूका 7:23

भागहाळा ह बे जखा मेरै प बिस्वास करै ह।”

2 तिमूतियूस 2:25

अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

इबरानीआ 13:22

ओ मेरा लाडला बिस्वास्यो, म थारूँ अरदास करूं हूँ क थे आ हिमत बंधाबाळा बचना प चालो, क्युं क म थानै थोड़ीई बाता मांडी ह।

भेजेड़ा चेला का काम 28:16

अर जद म्हें रोम पुग्या जणा पोलुसनै एक सिपाईड़ा की निगरानी म खुलो रेह्बा की इजाजत मिलगी।

भेजेड़ा चेला का काम 13:5

अर बे बि टापू की सलमीस नगरी म पुगर बठै यहूदिआ की अरदास करबाळी झघा म परमेसर का बचन सुणाया, अर यहून्ना जिनै मरकुस बी बोलीं हीं, एक मददगार की जंय्यां बाकै सागै हो।

कलुसीयो 4:3

अर सागै की सागै म्हारै ताँई बी अरदास करो क परमेसर म्हानै मसी का भेदा को परचार करबा को मोको देवै। क्युं क परचार करबा क चलतई म जेळ म हूँ,

1 थिसलूनिकी 1:6

थे कळेस क बावजुद बी पबितर आत्मा का दियड़ा आनंद क सागै परमेसर का बचननै मानर म्हारी अर परबु की जंय्यां चालबाळा बणग्या।