2 तिमूतियूस 4:18 - जीवन को च्यानणो (सेकावाटी नया नियम की पोथ्या)

¹⁸ अर परबु मनै सगळी बुरी बाताऊँ बचासी अर बचार ईस्बर नगरी राज म लेज्यासी। बिकी मेमा जुग-जुग होती रेह्‍वै। अंय्यांई होवै!

2 तिमूतियूस 4:18 Referans Kwoze

2 थिसलूनिकी 3:3

पण परबु बिस्वास जोगो ह। बोई थानै ताकत देसी अर सेतानऊँ बचासी।

मत्ती 6:13

अर थे म्हानै बिचासबा मना द्‍यो पण बुराईऊँ बचाओ।

1 पतरस 1:5

थे, जानै परमेसर थारै बिस्वास क जरिए आपकी ताकतऊँ बि छुटकारा ताँई बचावै ह जखो अंत घड़ी म परगट कर्यो ज्यासी।

1 थिसलूनिकी 5:23

स्यांती देबाळो परमेसर खुदई थानै सूल पबितर करै। थारी आत्मा, पिराण अर काया आपणा परबु ईसु मसी क ओज्यु आबा का दिन ताँई बेदाग रेह्‍वै।

2 तिमूतियूस 1:12

अर इ बजेऊँई म अ सगळा दुख उठाऊँ हूँ। पण म इ ताँई सरमिंदा कोनी, क्युं क म जाणू हूँ क, मेरो बिस्वास किमै ह, अर म इ बात ताँई पक्को हूँ क, जोक्यु बो मनै सूप्यो ह बिनै मसी क ओज्यु आबाळा दिन ताँई बचाबा को बळबूतो राखै ह।

2 कुरन्थीयो 1:10

अर बोई म्हानै बि दरदनाक मोतऊँ बचायो। अर इ टेम बी बोई म्हानै बचावै ह। क्युं क म्हें बिपैई आस लगा राखी ह इ ताँई आगै बी बोई म्हानै बचासी।

रोमीयो 11:36

क्युं क सगळा को रचबाळो बोई ह। बिऊँ सगळा हीं अर बे बी ताँई हीं। बिकी सदाई मेमा हो! अंय्यांई होवै।

मत्ती 13:43

पण धरमी मिनख परम-पिता का राज म सूरज की जंय्यां चमकसी। जिकै कान ह बो बानै खोलल्यो।

यहून्ना 17:15

म आ अरदास कोनी करूं क थे बानै इ धरतीऊँ उठाल्यो, पण म अरदास करूं हूँ थे बानै बुराईऊँ बचार राखो।

लूका 12:32

“मेरा छोटा रेवड़ डरै मना, थारो परम-पिता थानै आपको राज देबो चावै।

1 तिमूतियूस 6:16

बो एकलोई अजर-अमर ह! बो बि च्यानणा म बास करै ह जिकनै कोई कोनी पुग सकै। नइ कोई बिनै कदै देख्यो ह! अर नइ कोई कदै देख सकै। बिको मान-समान अर राज जुग-जुग होतो रेह्‍वै! अंय्यांई होवै।

1 कुरन्थीयो 10:13

अर थे कदै बी अंय्यां कोनी बिचास्या गया। जखो मिनखा क सेह्बाऊँ बारनै हो। अर परमेसर तो बिस्वास जोगो ह बो थानै थारी सक्‍तिऊँ बेत्ती बिचासबा कोनी दे, पण जद थे बिचास्या जाओ हो जणा बो बिचासबा क सागै-सागै थानै बचाव ताँई उपाय बी बतावै ह।

1 पतरस 5:11

परमेसर को राज जुग-जुग रेह्‍वै। अंय्यांई होवै।

1 तिमूतियूस 1:17

अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्‍वै। अंय्यांई होवै।

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

यहूदा 1:1

म, यहूदा जखो ईसु मसी को दास अर याकूब को भाई हूँ। आ चिठी थानै मांडूँ हूँ, जानै परम-पिता परमेसर बुलायो ह अर जिऊँ बो लाड करै ह, अर थानै जखानै ईसु मसी बचा राख्यो ह।

गलातियो 1:5

परमेसर की मेमा जुग-जुग होवै! अंय्यांई होवै।

रोमीयो 16:27

ईसु मसी क जरिए खाली बि एकई ज्ञान का सागर परमेसर की कदैई नइ मिटबाळा जुग ताँई मेमा हो। अंय्यांई होज्यावै!

लूका 22:29

राज करबा ताँई म थानै बो हक देर्यो हूँ जखो मेरा परम-पिताऊँ मनै मिलेड़ो ह।

लूका 11:4

म्हारा पापनै माफ करो, जंय्यां म्हें म्हारो बुरो करबाळानै माफ कर्या हा। अर म्हें बिचास्या नइ जावां इ बातऊँ बचाओ।”

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

1 कुरन्थीयो 15:50

मेरा लाडला बिस्वास्यो, म थानै बताऊँ हूँ क आपणी आ काया जखी मास अर लोयऊँ बणेड़ी ह परमेसर का राज म कोनी जा सकै। अर ना नसबर काया अमर होसी।

2 तिमूतियूस 4:1

मसी ईसु जखो राजा क रूप म आसी अर सगळा जीवता अर मरेड़ा को न्याय करसी बिनै अर परमेसरनै गुवा मानर म तनै आदेस देऊँ हूँ,

इबरानीआ 11:16

पण बानै तो चोखा देस की चाह ही जखो ईस्बर नगरी ह, इ ताँई परमेसर बाको परमेसर बाजबाऊँ कोनी सरमावै, अर परमेसर बा ताँई एक नगरी त्यार करमाली ह।

इबरानीआ 12:22

पण थे तो सिओन डूँगर, जीवता परमेसर की नगरी, अर ईस्बर नगरी का यरूसलेम कनै आग्या हो। थे तो हझारो-हझारो ईस्बर नगरी दुता की राजी करबाळी बिस्वासी मंडळी कनै आग्या हो,

2 पतरस 1:11

अर ज थे इ रीत गेल चालस्यो जणा एक दिन पक्काई आपणा परबु अर छुटकारो देबाळा ईसु मसी का अजर-अमर राज म जास्यो।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!