2 तिमूतियूस 4:16 - जीवन को च्यानणो (सेकावाटी नया नियम की पोथ्या)

¹⁶ जद पेली बर कचेरी म मनै लेर गया, जणा मेरा बचाव म मेरो सागो कोई कोनी दिओ, पण सगळा का सगळा मनै तज दिआ। ज हो सकै तो परमेसर बाऊँ इको हिसाब नइ लेवै।

2 तिमूतियूस 4:16 Referans Kwoze

भेजेड़ा चेला का काम 7:60

इकै पाछै बो गोडावाणी पड़्यो अर जोरऊँ बोल्यो, “परबु ओ पाप आपै मना मंढो।” आ खेर बो पिराण तज दिआ।

यहून्ना 16:32

सुणो टेम आर्यो ह आर्यो के ह आगो जद थे सगळा तीनतेरा होज्यास्यो। थे सगळा मनै एकलो छोडर आप-आप क घरा चल्या जास्यो पण म एकलो कोनी हूँ मेरो परम-पिता मेरै सागै ह।

मरकुस 14:50

ईसु का चेला बिनै छोडर भागगा।

1 पतरस 3:15

पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

2 तिमूतियूस 4:10

क्युं क देमास तो इ दुनियादारी का मो म पड़र मनै छोडर थिसलूनिकी नगरी चलेगो ह, करेसकन्स गलातिया अर तितूस दलमतिया नगरी चलेगो।

2 तिमूतियूस 1:15

तू जाणै ह क, एसिया दिसावर का रेह्बाळा सगळा मेरूँ मुंडो फेर लिआ ह, जिमै फूगिलुस अर हरमुगनेस बी सामिल ह।

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

2 कुरन्थीयो 7:11

थेई बताओ जखो दुख परमेसर थानै दिओ बिकी बजेऊँ थे कत्ता राजी हो, थे बात का खरा, गळत की भीड़ नइ लेबाळा, परमेसर क डर म रेह्बाळा, म्हारूँ मिलबा की लगन राखबाळा, हिमत राखबाळा अर पापी को न्याय चुकाबाळा होगा। थे अंय्यां कर सगळी बाता म आ दिखा दिआ हो, क थे पबितर हो।

1 कुरन्थीयो 9:3

अर जखा मिनख मेरी जाच पड़ताळ करबो चावीं हीं बा ताँई मेरो जुबाब ह।

भेजेड़ा चेला का काम 25:16

जणा म बाऊँ बोल्यो, रोम्या म ओ चलन कोनी की कोईनै बी बिकी बात सुण्या पेली अर जद ताँई बिपै दोस मंढबाळानै बिकै आमै-सामै कोनी कर्यो जा, सजा ताँई सूप दे।

भेजेड़ा चेला का काम 22:1

“यहूदि भाईड़ो, अर बडको मेरो पक्ष बी सुणो।”

लूका 12:11

जद थानै पकड़र अरदास करबाळी झघा का परधान क सामै नहिस राजा अर अधिकारीया क सामै लेज्यावै। बि टेम थे चिंत्या मना करज्यो की थानै थारा बचाव म काँई बोलबो ह?

1 कुरन्थीयो 13:5

अर बो बुरी चाल कोनी चालै, अर खुदकी भलाई बी कोनी चावै, तावळोसो झाळ्या कोनी भरै, अर नइ बुराई को बदलो बुराईऊँ देवै।

2 तिमूतियूस 4:15

तू बी बिऊँ समळर रेह्जे, क्युं क बो आपा जखो चोखो समचार सुणावां हां बिको बोळो बिरोद कर्यो ह।