2 तिमूतियूस 3:8 - जीवन को च्यानणो (सेकावाटी नया नियम की पोथ्या)

⁸ अ सीखाबाळा यन्नेस अर यमबरनेस की जंय्यां ह, जखा मूसा को बिरोद कर्यो हो। बंय्यांई अ बी सच को बिरोद करी हीं। अ अंय्यां का सीखाबाळा हीं जाकी मती मरगी ह अर बे बिस्वास म कोनी बण्या रेह सकीं।

2 तिमूतियूस 3:8 Referans Kwoze

दरसाव 2:20

क्युंबी हो पण इब बी तेर म एक कमी ह अर बा आ ह क, तू इजेबैल नाम की बि लूगाईनै तेरै बिचमै राखै ह, जखी खुदनै परमेसर की खेबाळी बतावै। अर आपकी सीखऊँ मेरा दासानै कुकरम करबा अर मूरत्या प चढाईड़ा चढावानै खाबा ताँई उकसावै ह।

1 तिमूतियूस 6:5

अर बा मिनखा म राड़ होवै ह जाकी मत्ती मारी गई ह, अर जखा सचऊँ दूर होगा हीं, बे सोचीं हीं क, परमेसर की सेवा धन कमाबा को सादन ह।

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

2 पतरस 2:14

बे सदाई बि कुकरमी लूगाई की तक म रेह्‍वै जिकै सागै अ कुकरम कर सकै। अर बे पाप कर्या बिना कोनी सकै। अ भोळा-भाळा मिनखानै भूळा-फुसळार आपकै सागै कर लेवीं हीं आको हियो लालची ह अ सराप की ओलाद हीं।

2 तिमूतियूस 4:15

तू बी बिऊँ समळर रेह्जे, क्युं क बो आपा जखो चोखो समचार सुणावां हां बिको बोळो बिरोद कर्यो ह।

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

1 तिमूतियूस 4:2

अर अ सीख झूठा पाखंडी मिनखा की बजेऊँ फेलसी, जाकी अन्तर-आत्मा मरेड़ी ह।

1 तिमूतियूस 1:19

बिस्वास अर साप अन्तर-आत्मा राख। क्युंक मिनख खुदकी अन्तर-आत्मा की कोनी सुणी, जिऊँ बे बिस्वासऊँ फिरगा।

रोमीयो 16:18

क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं।

दरसाव 2:6

पण तेर म एक बात ह क तू नीकुलीया का कामाऊँ नफरत करै ह जिऊँ म बी नफरत करूं हूँ।

1 यहून्ना 2:18

ओ मेरा टाबरो, जंय्यांकी थे जाणो हो क, आखरी घड़ी आगी ह अर मसी को बेरी बी आबाळो ह, अर आबाळो काँई ह जदकी मसी का बोळा बेरी आग्या हीं। इ बात की बजेऊँई आपा जाण सकां हां क आ आखरी घड़ी ह।

तितूस 1:10

क्युं क अठै सीर उठाबाळा, बकवास करबाळा अर धोको देबाळा बोळा मिनख हीं, खासकर बे जखा छुटकारा ताँई सुन्नत प जोर देवीं हीं।

रोमीयो 1:28

अर अठै ताँई बे परमेसरनै जाणबा को मोल कोनी जाण्या जणाई परमेसर बी बानै बाकी फालतु सोच प छोड दिओ, अर बे जखी नइ करनी चाए बे बाता करीं हीं।

भेजेड़ा चेला का काम 15:24

म्हारा काना म आ बात आई ह क म्हारै मऊँ क्युंक मिनख बठै थारै कनै आर थानै आपकी बाताऊँ घबरा दिआ अर भंगरा दिन्या। पण अंय्यां करबा ताँई म्हें तो बानै ओडायो कोनी जणाई तो