2 तिमूतियूस 3:5 - जीवन को च्यानणो (सेकावाटी नया नियम की पोथ्या)

⁵ बे धारमिक्‍ता को दिखाओ तो करी हीं, पण परमेसर की सक्‍तिनै कोनी मानी। अंय्यां का मिनखाऊँ खुदनै दूर राख।

2 तिमूतियूस 3:5 Referans Kwoze

तितूस 1:16

बे खेवै ह, क म्हें परमेसरनै जाणा हां, पण बाका करम इ जोगा कोनी। बे सूगला अर बात नइ मानबाळा अर चोखा काम करबा क जोगा कोनी।

1 तिमूतियूस 5:8

पण ज कोई आपका रिस्तेदारा की, खासकर आपका घरहाळा की साळसमाळ नइ करै जणा बो बिस्वासऊँ मुकरगो ह अर बो एक बिस्वास नइ करबाळाऊँ बी भत्तर होगो ह।

मत्ती 7:15

“थे बा परमेसर की खेबाळाऊँ बचर रेहज्यो जखा झूठ बोलै ह! बे लल्डी की खोळ म पाड़ खाबाळा ल्याळी हीं।

तितूस 3:10

फूट गेरबाळा मिनखनै चिता अर ज बो एक बर म नइ मानै जणा बिनै दुसरकै चिता जद बो दुसरकै बी नइ मानै जणा बिऊँ किनारो करले।

2 तिमूतियूस 2:16

मिनखनै परमेसरऊँ दूर लेज्याबाळी दुनियादारी अर बकवास बाताऊँ खुदनै दूर राख।

2 तिमूतियूस 2:23

बकवास अर बेतुक की बाताऊँ खुदनै दूर राख क्युं क तू खुद जाणै ह अ बाता राड़-झगड़ा करावै ह।

1 तिमूतियूस 6:5

अर बा मिनखा म राड़ होवै ह जाकी मत्ती मारी गई ह, अर जखा सचऊँ दूर होगा हीं, बे सोचीं हीं क, परमेसर की सेवा धन कमाबा को सादन ह।

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

2 थिसलूनिकी 3:6

मेरा लाडला बिस्वास्यो, म्हें थानै परबु ईसु मसी म ओ आदेस देवां हां क, हरेक अंय्यां का बिस्वासी भाईड़ाऊँ नाकैई रेह्ज्यो जखो कामऊँ जी चुरावै ह। अर जखी सीख म्हें बिनै दिनी ह बिकै गेल कोनी चालै।

2 थिसलूनिकी 3:14

ज कोई म्हारी इ चिठी म मांडेड़ी बातानै कोनी मानै बापै निगा राखो अर बाका संगराऊँ दूरई रह्यो जिऊँ बाको सीर निचो होज्यावै।

1 तिमूतियूस 4:7

पण खुदनै, नइ खेबा जोगी बा क्हाणी-कथाऊँ परै राख, जामै परमेसर कोनी पण खुदनै परमेसर की भगती म लगायो राख।

1 तिमूतियूस 4:8

काया की कसरतऊँ तो चिनोसोई फाईदो होवै, पण परमेसर की भगती तो सगळी बाता म फाईदो करै ह। क्युं क आज अर आबाळा जीवन का सगळा आसिरबादा की जामनी भगती प टिकरी ह।