2 तिमूतियूस 3:15 - जीवन को च्यानणो (सेकावाटी नया नियम की पोथ्या)

¹⁵ अर टाबरपुणाऊँई तू पबितर सास्तरनै जाणै ह जखो मसी ईसु म बिस्वास की बजेऊँ तनै छुटकारा ताँई बुदी दे सकै ह।

2 तिमूतियूस 3:15 Referans Kwoze

लूका 24:45

अर बो पबितर सास्तरनै समजाबा ताँई बाकी बुदी का पाट खोल दिआ।

लूका 24:27

अर बो बानै मूसाऊँ लेर सगळा परमेसर की खेबाळा की बे बाता खोलर बताई जखी पबितर सास्तर म बिकै बारां म मंडरी ह।

मत्ती 22:29

ईसु बाऊँ बोल्यो, “थे गळत हो। थे नइ तो सास्तरानै जाणो अर नइ परमेसर की सक्‍तिनै।

2 तिमूतियूस 1:5

म तेरा सचा बिस्वासनै बी याद करूं हूँ, पेल्या ओ बिस्वास तेरी नानी लोइस अर तेरी माँ उनिके म हो, अर म इ बात ताँई पक्को हूँ क, बोई बिस्वास तेरै म बी ह।

लूका 2:40

अर बो टाबरियो होळ्या-होळ्या सागेड़ो मोट्यार होगो अर बुदी म बढतो गयो अर बिपै परमेसर की दया ही।

रोमीयो 16:26

जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै।

भेजेड़ा चेला का काम 10:43

अर सगळा परमेसर की खेबाळा बिकै बारां म गुवाई दि ही की जखो बी बिपै बिस्वास करसी बिका पाप ईसु मसी क नाम म धुप ज्यासी।”

लूका 24:32

जणा बे आपसरी म बतळाबा लागगा, “बो गेला म जद आपणाऊँ बातचित कर्यो हो। अर आपानै सास्तर की बाता समजार्यो हो। बि टेम आपणा मन म जोस पैदा कोनी होर्यो हो के?”

भेजेड़ा चेला का काम 17:2

पोलुस आपकी बाण गेल बाऊँ मिलबा गयो अर बाऊँ यहूदिआ क तीन अरामहाळा दिन सास्तर का बचनानै लेर चरचा करी।

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”

भेजेड़ा चेला का काम 13:29

अर जद बे बिकै बारां म मंडेड़ी सगळी बातानै पूरी करली, जणा बे बिनै सुळीऊँ तळै उतार बिकी लासनै एक कबर क मांयनै धर दिआ।

2 पतरस 3:16

पोलुस आपकी सगळी चिठी म आ बाता किई चरचा करी ह, अर जामै कत्ती बाता तो अंय्यां की ह जानै समजबो ओखो ह। अज्ञानी अर जखा मजबूत कोनी बे मिनख बाको गळत मतबल लगार खुदनै नास करीं हीं। बे दुसरा सास्तर की सीखनै मानी हीं।

लूका 1:15

परमेसर की नजर्या म बो म्हान होसी अर बो अँगूरी अर नसिली चिजा कदैई कोनी पिसी, अर बो आपकी माँ का पेटऊँई पबितर आत्माऊँ भरेड़ो होसी।

यहून्ना 5:47

पण ज थे बिकी मांडेड़ी बाता प बिस्वास कोनी करो, जणा मेरी बाता प कंय्यां बिस्वास कर सको हो?”

भेजेड़ा चेला का काम 16:1

इकै पाछै पोलुस दिरबे अर लुस्तरा म गयो बठै बिनै तिमूतियूस नाम को एक चेलो मिल्यो जिकी माँ यहूदि बिस्वासण ही पण बिको बाप यूनानी हो।

भेजेड़ा चेला का काम 26:24

अंय्यां बोलर जद पोलुस खुदको बचाव करर्यो हो, जणा फेतूस जोरऊँ बोल्यो, “पोलुस! तू बावळो ह, तेरी घणी बिद्‍या तनै बावळो करै ह।”

रोमीयो 2:27

तू जिकी सुन्नत होईड़ी ह अर तेरै कनै मंडेड़ो नेम-कायदो बी ह इकै पाछै बी तू नेम-कायदा का नियमानै तोड़ै जणा जिकी कायाऊँ सुन्नत कोनी होईड़ी पण नेम-कायदा प चालै ह, बो तनै दोसी बतासी।

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

इफिसुस 6:4

टाबर-टिकरा हाळो, थारा टाबरानै झाळ मना दिवाओ पण बाका चाल-चलननै सई करबा अर बिस्वास म बढबा ताँई परबु की सीख देर बानै पाळो-पोसो।

1 तिमूतियूस 4:13

जद ताँई म थार कनै नइ आऊँ तू तेरो टेम अर तेरी मेनत मिनखानै नेम-कायदानै बाचर सुणाबा, बचन को हेलो पाड़बा अर सीखाबा म लगाजे।

2 तिमूतियूस 1:1

इ चिठीनै पोलुस मांडी, जखो परमेसर की इंछ्याऊँ मसी ईसु को भेजेड़ो चेलो ह, जिनै परमेसर बि जीवन को हेलो पाड़बा ताँई भेज्यो ह जिकै बारां म परमेसर आपणाऊँ मसी ईसु म देबा को बादो कर्यो ह।