2 तिमूतियूस 2:8 - जीवन को च्यानणो (सेकावाटी नया नियम की पोथ्या)

⁸ जंय्यां की चोखा समचार म सीखायो गयो ह, म बंय्यांई परचार करूं हूँ क, दाऊद का कूणबा को ईसु मसी जखो मरेड़ा मऊँ जी उठ्यो बिपै तेरा हियानै लगा।

2 तिमूतियूस 2:8 Referans Kwoze

भेजेड़ा चेला का काम 2:24

पण परमेसर बिनै मोतऊँ ओज्यु जीवा दिओ क्युं क आ होय कोनी सकै ही क मोत बिकै जेवड़ो घाल्या राखती।

रोमीयो 2:16

अ बाता चोखा समचार गेल जिको म परचार करूं हूँ बि दिन होसी जि दिन परमेसर मसी ईसु क जरिए मिनखा की लुखेड़ी बाता को न्याय करसी।

2 थिसलूनिकी 2:14

परमेसर थानै चोखा समचार की बजेऊँ बुलायो ह, जिऊँ थे बी आपणा परबु ईसु मसी की मेमा म सामिल होवो। ओ बि चोखा समचार क जरिए होयो ह जिकी सीख म्हें थानै दिनी ही।

मत्ती 1:1

अब्राहम का बेटा, दाऊद का बेटा ईसु मसी ताँई की पिडी अंय्यां ह:

1 तिमूतियूस 2:7

अर इ गुवाईनै गैर-यहूदि मिनखानै सुणाबा ताँई म एक सचा बिस्वास की सीख देबाळो अर ईसु को भेजेड़ो चेलो बणायो गयो हूँ। जिऊँ म बिस्वास का समचार अर सच को हेलो पाड़ सकूँ। म झूठो कोनी हूँ म सच बोलर्यो हूँ।

1 कुरन्थीयो 15:4

अर बिनै कबर म धर दिओ गयो पण सास्तर म मांडेड़ो ह क बो तिजै दिन जी उठ्यो।

दरसाव 5:5

जणा बा बडका मऊँ एक मेरूँ बोल्यो, “रोवै मना! देख, उरै एक ह जखो ठेराईड़ो नार अर यहूदा का कूणबा मऊँ ह अर बो दाऊद को वंस ह। बो इ कागद अर इकी सात म्होरा की चेपीनै खोलबा ताँई जीत हासिल करली ह।”

1 तिमूतियूस 1:11

आ खरी सीख धने परम-परधान परमेसर की लिला का बि चोखा समचार क गेल ह जखो मनै दिओ गयो ह।

1 कुरन्थीयो 15:1

मेरा लाडला बिस्वास्यो, इब म थानै बि चोखा समचार की याद दिआऊँ जखो म थानै सुणायो हो। थे बिनै मान्या अर आज ताँई बिनै मानर्या बी हो।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

भेजेड़ा चेला का काम 13:23

इ मिनख क कूणबा मऊँई परमेसर आपका वादा गेल इजरायल का मिनखानै छुटाबाळा ईसुनै भेज्यो।

भेजेड़ा चेला का काम 2:30

बो एक परमेसर की खेबाळो हो। अर बो बि वादानै जाणतो हो जखो परमेसर बिकै सागै कर्यो हो। क परमेसर दाऊद का कूणबा मऊँ एकनै बिकी जंय्यां राजगद्दि प बिठासी।

लूका 24:46

अर बो बानै बोल्यो, “अ बेई बाता हीं जखी पबितर सास्तर म मंडेड़ी ह की, ‘मसी दुख भोगसी अर मर्या पाछै तीसरै दिन ओज्यु जी उठसी।’

2 तिमूतियूस 1:8

जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

2 तिमूतियूस 2:7

जोक्यु म बोलुँ हूँ बिपै गोर धर, क्युं क परबु तनै सगळी बातानै समजबा की बुदी देसी।