2 तिमूतियूस 2:15 - जीवन को च्यानणो (सेकावाटी नया नियम की पोथ्या)

¹⁵ परमेसर की नजर्या म खुदनै काम करबाळो मिनख बणबा ताँई मेनत कर, जिऊँ तनै सरमिन्दो नइ होणो पड़ै, पण परमेसर क सच का बचनानै सई-सई सीखावै।

2 तिमूतियूस 2:15 Referans Kwoze

1 थिसलूनिकी 2:4

पण जंय्यां परमेसर म्हानै इ जोगो जा'णर चोखा समचारनै सुणाबा को काम सूप्यो ह, म्हें इनै बंय्यांई बतावां अर अंय्यां कर म्हें मिनखानै कोनी पण परमेसरनै जखो हियानै परखै ह राजी करां हां।

2 पतरस 1:10

ओ मेरा लाडला बिस्वास्यो, थे थारा बुलाया जाबानै, अर टाळ्या जाबानै पक्को करो। क्युं क ज थे अंय्यां करस्यो जणा कदैई आखळी कोनी खास्यो,

1 तिमूतियूस 4:6

ज तू भाईड़ानै अ हिदायत देसी जणा तू मसी ईसु को चोखो दास होसी। इऊँ ओ बेरो पड़ै क, आत्मिक रूपऊँ बिस्वास का बचन अर सची सीख तेरै मांयनै ह, जखी तू मानतो आयो ह।

2 कुरन्थीयो 10:18

क्युं क जखो खुदकी बडाई करै ह बा नइ पण जिकी परबु बडाई करै ह बा बडी बात ह।

2 कुरन्थीयो 5:9

इ ताँई म्हारा हिया की इंछ्या तो आ ह क चाए धरती प रेह्‍वां चाए ईस्बर नगरी म रेह्‍वां पण परमेसरनै भाता रेह्‍वां।

2 कुरन्थीयो 4:2

म्हें बेसरमी का काम कोनी करां। नइ तो म्हें कपट राखां हां अर नइ झूठी बातानै परमेसर की कर बतावां हां। पण परमेसर क सामै म्हें सच बोलर्या हां अर जखा सचा हीं बेई इ बातनै जाणी हीं।

2 पतरस 3:14

ओ लाडलो, थे आ बाता की आस देखो हो, जणा कोसिस करो क परमेसर की नजर्या म खरा, बेदाग अर स्यांतीऊँ रेह्बाळा बाजो।

गलातियो 1:10

के म मिनखाऊँ मंजुरी लेबो चाऊँ? मनै इकी जुर्त कोनी! जिकी मनै जुर्त ह बा परमेसर की मंजुरी ह! म मिनखानै राजी करबो कोनी चाऊँ ज म अंय्यां करबो चाऊँ जणा म मसी को सेवक कोनी।

2 पतरस 1:15

इ ताँई म पूरी कोसिस करूं हूँ, क मेरै मरबा क पाछै आ बातानै थे याद राखो।

इफिसुस 1:13

अर जद थे बिका सचा बचननै सुण्याक जखो थारा छुटकारा को चोखो समचार ह थे बी परमेसर का मिनख बणग्या, थे मसी प बिस्वास कर्या अर परमेसर थानै पबितर आत्मा जिकै ताँई बो करार कर्यो हो देर थार प मालकाना छाप लगादि।

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।

2 कुरन्थीयो 3:6

अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।

रोमीयो 14:18

जखो इ तरिकाऊँ मसी की सेवा करै ह, बिऊँ परमेसर राजी रेह्‍वै ह। अर मिनख बिकी ईज्जत करै ह।

इबरानीआ 4:11

जणा आओ आपा बि अराम हाळी झघा म बड़बा ताँई पूरी कोसिस करां, क्युं क कदै अंय्यां नइ होवै क आपणा बा बडका की जंय्यां परमेसर का हुकमानै नइ मानबा की बजेऊँ बि अराम हाळी झघा म जाबाऊँ चूक ज्यावां।

याकूब 1:18

बो आपकी इंछ्याऊँ आपानै सचाई का बचनऊँ पैदा कर्यो ह जिऊँ आपा बिकी बणाएड़ी सगळी सरस्टि म पेलो फळ होवां।

1 कुरन्थीयो 2:6

आपा परमेसर की आत्मा म पक्का मिनखानै इ ज्ञान क बारां म बतावां हां। पण ओ ज्ञान दुनिया अर इ दुनिया प राज करबाळी सक्‍ति को कोनी ह जखी नास होरी ही।

भेजेड़ा चेला का काम 2:22

“इजरायल का रेह्बाळो, ईसु नासरी क बारां म आ बचनानै सुणो। परमेसर ईसु क हाता सेलाणी-चमत्कार अर अचरजभर्या काम कर आ साबित कर्यो क बो परमेसर कानिऊँ थारै ताँई भेजेड़ो मिनख हो। जंय्यां की थे सगळा जाणो हो।

भेजेड़ा चेला का काम 20:27

क्युं क म परमेसर की सगळी इंछ्या थानै बता दिओ हूँ।

मत्ती 13:52

जणा ईसु बाऊँ खयो, “जत्ता बी सास्तरानै सीखाबाळा ज्ञानी परमेसर का राज का चेला बण्या हीं बे बि घर का मालिक की जंय्यां ह, जखो बक्साऊँ नई अर पुराणी चिजा निकाळै ह।”

रोमीयो 16:10

मसी म सचा अर खरा अपिलेसनै मेरो नमस्कार। अरिस्तोबुलुस का परवारनै नमस्कार।

लूका 12:42

आ बात सुणर ईसु बोल्यो, “समजदार अर बिस्वास जोगो दास कूण ह? जिनै बिको मालिक घर चलाबा अर दुसरा दासानै टेमुटेम रोटी-टुक देबा ताँई भंडारी बणावै ह।”

मरकुस 4:33

अंय्यां की मिसाल देर बो बानै बचन सुणाया करतो हो, अर बो बानै बाकी बुदी गेलई सीखातो हो।

रोमीयो 6:13

थारी काया का अंगानै अधरम का सादन होबा ताँई पाप क हाता म मना द्‍यो, पण मरेड़ा मऊँ जी उठबाळा की जंय्यां परमेसर क हाता म द्‍यो। अर थारी काया का अंगानै धरम का सादन होबा ताँई परमेसरनै सूप द्‍यो।

याकूब 1:12

बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।