2 तिमूतियूस 2:12 - जीवन को च्यानणो (सेकावाटी नया नियम की पोथ्या)

¹² ज आपा थ्यावस क सागै दुख भोगस्यां, जणा आपा बिकै सागै राज बी करस्यां। ज आपा बिऊँ मुंडो फेरां, जणा बो बी आपणाऊँ मुंडो फेरसी।

2 तिमूतियूस 2:12 Referans Kwoze

रोमीयो 8:17

अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।

मत्ती 10:33

पण जखो बी मिनख मनै लोगा क सामै कोनी मानसी जणा म बी ईस्बर नगरी म रेह्बाळा परम-पिता क सामै बिनै कोनी मानस्युं।

दरसाव 20:4

जणा म क्युंक सिंघासन देख्या बापै क्युंक मिनख बेठ्या हा। बानै न्याय करबा को अधिकार दिओ गयो हो। अर म बा मिनखा की आत्मानै जाका सीर ईसु मसी की गुवाई देबा की बजेऊँ अर परमेसर को बचन सुणाबा की बजेऊँ काट्या गया ह, अर बा मिनखानै जखा बि खुखार ज्यानबर अर बिकी मूरतीनै कोनी धोक्या अर नइ बिका आंकनै आपकै माथा अर हात प लगाया हा देख्यो। बे ओज्यु जिंदा होगा अर एक हझार बरस ताँई मसी क सागै राज कर्या।

दरसाव 20:6

बे मिनख भागहाळा अर पबितर ह जखा पेला मर्या पाछै ओज्यु जिंदा होबा का भागी होसी। आ मिनखा प दुसरी मोत को कोई बस कोनी। पण अ मिनख परमेसर अर मसी का याजक होसी अर बिकै सागै एक हझार बरस ताँई राज करसी।

लूका 12:9

पण जखो मिनखा क सामै मनै कोनी मानसी। जणा म बी बिनै परमेसर का ईस्बर नगरी दुता क सामै कोनी अपणास्युं।

दरसाव 5:10

तू बानै एक राज अर परमेसर की सेवा करबा ताँई याजक बणायो ह, अर बे धरती प राज करसी।”

लूका 9:26

जखो बी, मिनखा क सामै मनै अर मेरा बचनानै मानबाऊँ सरम करसी, जणा मिनख को बेटो बी बाऊँ नातो राखबो आपकी बेजती मानसी जद बो पबितर ईस्बर नगरी दुता, आपका परम-पिता अर खुदकी मेमा म आसी।

दरसाव 2:13

म जाणू हूँ क, तू बठै रेह्‍वै ह जठै सेतान को सिंघासन ह। इकै वावजुद बी तू मेरै नाम प सचो बिस्वास करै ह। तेरी नगरी म सेतान को सिंघासन ह जठै मेरा बिस्वास जोगा दास अन्तिपासनै मार्यो गयो जणाबी तू मेर प बिस्वास करबो कोनी छोड्यो।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

फलिपी 1:28

थे थारा बेरीयाऊँ कंय्यांई कोनी डरो ओ बा ताँई इ बात को सबूत ह क बे हार ज्यासी अर थे जीत ज्यास्यो, क्युं क आ जे परमेसर थानै देवै ह।

मरकुस 8:38

ईसु बाऊँ बोल्यो, “जखो बी इ कुकरमी अर सचा परमेसरनै कोनी ध्यार बाळी पिडी मऊँ, मेरूँ अर मेरा बचनाऊँ मुंडो फेरसी जणा मिनख को बेटो बी जद बो पबितर ईस्बर नगरी दुता क सागै अर आपका परम-पिता की मेमा म आसी बो बी बा मिनखाऊँ मुंडो फेर लेसी।”

मत्ती 26:35

जणा पतरस खयो, “ज मनै थारै सागै ज्यान बी देणी पड़ी जणा बी म पिछै कोनी हटूँ।” अर बाकी का सगळा चेला बी अंय्यांई बोल्या।

दरसाव 3:8

म तेरा करमानै जाणू हूँ। म तेरै सामै एक दरूजो खोल्यो हूँ जिनै कोईबी कोनी जुड़ सकै। म जाणू हूँ क तेरै कनै थोड़ीई ताकत ह पण तू मेरा हुकमानै मान्यो ह, अर मेरो नाम लेबो कोनी छोड्यो।

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

मरकुस 10:33

ईसु बानै बोल्यो, “थे सुणो आपा यरूसलेम म जार्यां हां, मिनख का बेटानै धोकाऊँ पकड़र परधान याजका अर सास्तरानै सीखाबाळानै सूप दिओ ज्यासी। अर बे बिनै जानऊँ मारबा की सजा देर परमेसरनै नइ ध्यारबाळा मिनखा का हाता म सूप देसी।

मत्ती 26:75

जणा पतरसनै ईसु की खेईड़ी बा बात याद आई क, “मुरगा क बांग देबाऊँ पेल्या तू तीन बार मेर ताँई खेसी म इनै कोनी जाणू।” अर बो बारनै चलेगो अर पछाड़ा घा'लर रोबा लाग्यो।

दरसाव 1:6

अर आपानै अंय्यां की परजा अर याजक बणाया जखी परमेसर अर परम-पिता की सेवा करै। बिकी मेमा सदाई होवै! अंय्यांई होवै।

लूका 22:29

राज करबा ताँई म थानै बो हक देर्यो हूँ जखो मेरा परम-पिताऊँ मनै मिलेड़ो ह।

लूका 22:30

क्युं क मेरा राज म थे मेरी चोकी प खाई-पी करस्यो अर राजगद्‍या प बेठर इजरायल का बारा गोता को न्याय करस्यो।”

रोमीयो 5:17

ज बि एक मिनख आदम का पाप की बजेऊँ मोत को राज आयो। जणा परमेसर की दया अर बरदाननै मुकळाईऊँ लेबाळा बि एक मिनख ईसु मसी क जरिए जीवन प ओर बी बेसी राज करसी।

1 तिमूतियूस 5:8

पण ज कोई आपका रिस्तेदारा की, खासकर आपका घरहाळा की साळसमाळ नइ करै जणा बो बिस्वासऊँ मुकरगो ह अर बो एक बिस्वास नइ करबाळाऊँ बी भत्तर होगो ह।

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।

दरसाव 3:21

जखो जीतै ह, बिनै म मेरै दाया नाकै मेरा सिंघासन प बिठास्युं। जंय्यां म जित्यो अर मेरा परम-पिता क सागै बिका सिंघासन प बेठ्यो।