2 तिमूतियूस 1:1 - जीवन को च्यानणो (सेकावाटी नया नियम की पोथ्या)

¹ इ चिठीनै पोलुस मांडी, जखो परमेसर की इंछ्याऊँ मसी ईसु को भेजेड़ो चेलो ह, जिनै परमेसर बि जीवन को हेलो पाड़बा ताँई भेज्यो ह जिकै बारां म परमेसर आपणाऊँ मसी ईसु म देबा को बादो कर्यो ह।

2 तिमूतियूस 1:1 Referans Kwoze

इबरानीआ 9:15

इ बजेऊँ मसी नया करार को बिचोलिओ ह जिऊँ जखा बुलाईड़ा हीं बानै बा बादो करेड़ी जुग-जुग ताँई की बापोत दि जावै। अर बा पापऊँ जखा पेलड़ा करार क तळै आता हा बाकी मर'र किमत चुकाई अर बानै अजाद कर्यो।

यहून्ना 17:3

अजर-अमर जीवन ओ ह क बे थानै, जखा इकलोता सचा परमेसर हो, अर ईसु मसीनै जाणै जिनै थे भेज्या हो।

2 कुरन्थीयो 1:1

आ चिठी परमेसर की इंछ्याऊँ म, मसी ईसु को भेजेड़ो चेलो पोलुस अर आपणो बिस्वासी भाई तिमूतियूस परमेसर की कुरन्थी नगरी की बिस्वासी मंडळी का मिनखानै अर अखाया का सगळा परमेसर का मिनखानै मांडां हां।

यहून्ना 10:28

म बानै अजर-अमर जीवन द्‍युँ हूँ, अर बे कदैई कोनी मरसी। बानै मेरूँ कोई कोनी खोस सकै।

तितूस 1:2

ओ सच अजर-अमर जीवन की आस बंधावै ह। जिको करार बिस्वास जोगो परमेसर जगत की सरूआतऊँ पेली कर दिओ हो।

इफिसुस 3:6

ओ भेद ओ ह क मसी का चोखा समचारनै मानबा की बजेऊँ गैर-यहूदि मिनख यहूदि मिनखा क सागै बापोती का हिस्सेदार होर, परमेसर का आसिरबाद म सामिल होगा; अर एकई काया का अंग अर मसी ईसु म करेड़ा बादा का हिस्सेदार होगा।

यहून्ना 6:40

क्युं क मेरा परम-पिता की इंछ्या आ ह क जखो बी बेटानै देखै ह। अर बिपै बिस्वास ल्यावै ह बिनै अजर-अमर जीवन मिलै, अर आखरी दिन म खुद बिनै जीवा देस्युँ।”

1 यहून्ना 2:25

अर मसी खुद आपानै अजर-अमर जीवन देबा को बादो कर्यो ह।

1 तिमूतियूस 6:19

अंय्यां कर बे खुद ताँई अंय्यां को धन भेळो करसी जखो आबाळा टेम ताँई एक मजबूत निम म्हेलसी। अर जणा बे बि जीवननै जीतबा जोगा होसी, जखो सचो ह।

2 कुरन्थीयो 1:20

क्युं क ईसु मसी म परमेसर का सगळा करार, हाँ म हीं अर आपा बी इ बजेऊँ खेवां हां क अंय्यांई होवै अर ओ परमेसर की मेमा ताँई होवै ह।

1 कुरन्थीयो 1:1

परमेसर की इंछ्या गेल मसी ईसु म भेजेड़ो चेलो होबा ताँई टाळ्यो गयो, म पोलुस जखो बिस्वासी भाईड़ा सोस्थिनेस की मददऊँ आ चिठी,

रोमीयो 6:23

क्युं क पाप की मजुरी तो मोत ह पण आपणा परबु मसी ईसु म परमेसर को बरदान अजर-अमर जीवन ह।

रोमीयो 5:21

जिऊँ जंय्यां मोत की बजेऊँ पाप राज कर्यो ठिक बंय्यांई आपणा परबु ईसु मसी क जरिए अजर-अमर जीवन ल्याबा ताँई परमेसर की दया धरमऊँ राज करै।

रोमीयो 1:1

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।

यहून्ना 6:54

जखो बी मेरो मास खावै अर मेरो लोय पिवै अजर-अमर जीवन बिको ह। अर आखरी दिन, म बिनै जीवास्युं।

यहून्ना 5:24

“म थारूँ सची बोलुँ हूँ, जखा मेरी सुणर मनै भेजबाळा प बिस्वास करीं हीं, अजर-अमर जीवन बाको ह अर बो मिनख सजाऊँ बचज्यासी। बो मोतऊँ पार होर जीवन म बड़गो ह।

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

गलातियो 3:28

जणा इब नइ तो कोई यहूदि रिह्यो अर नइ यूनानी, नइ गुलाम, नइ अजाद, नइ नर, नइ नारी, क्युं क थे सगळा मसी ईसु म एकई हो।

2 तिमूतियूस 1:9

बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।

2 तिमूतियूस 1:10

पण इब आपणा बचाबाळा मसी ईसु क आबा की बजेऊँ आपणा प परगट होयो ह। जखो चोखा समचार की बजेऊँ मोत को नास कर, अजर-अमर का जीवननै परगट कर्यो।

2 तिमूतियूस 1:13

जखा खरा बचन म तनै सीखायो हूँ बानै डटर थाम्यो रेह अर बानै बि बिस्वास अर परेम क सागै, जखा मसी ईसु म ह, खुद ताँई नमूनो बणार राख।

2 तिमूतियूस 2:1

परबु म मेरा बेटा तिमूतियूस, मसी ईसु म परमेसर जखी दया तेर प करी ह, बिकी बजेऊँ मजबूत बण्यो रेह।

2 तिमूतियूस 2:3

मसी ईसु का बफादार सिपाई की जंय्यां दुख म मेरो पाँतीवाळ बण।

2 तिमूतियूस 2:10

जणाई म टाळेड़ा मिनखा ताँई सक्यु भोगज्याऊँ हूँ जिऊँ बे बि जीवननै जखो मसी ईसु म ह, अर बिकै सागै जुग-जुग की मेमानै लीं।

2 तिमूतियूस 3:15

अर टाबरपुणाऊँई तू पबितर सास्तरनै जाणै ह जखो मसी ईसु म बिस्वास की बजेऊँ तनै छुटकारा ताँई बुदी दे सकै ह।

तितूस 1:4

तितूस, आपणा एकसा बिस्वास की बजेऊँ, तू सचमई मेरो बेटो ह। परम-पिता परमेसर अर आपानै बचाबाळो मसी ईसु तेरै प दया अर स्यांती राखै।