2 थिसलूनिकी 3:8 - जीवन को च्यानणो (सेकावाटी नया नियम की पोथ्या)

⁸ अर कोईकिई फोकट की रोटी कोनी खाई; पण रात-दिन मेनत अर दुख उठार काम-धंधो करता हा, जिऊँ थार प बोज कोनी बण्या।

2 थिसलूनिकी 3:8 Referans Kwoze

मत्ती 6:11

थे आज म्हारी रोजकी रोटी म्हानै द्‍यो।

1 थिसलूनिकी 2:9

मेरा लाडला बिस्वास्यो, म्हें जाणा क थे म्हारी मेनतनै जखी म्हें थार ताँई करी अर दुखानै याद राखो हो। अर थानै पक्काई याद होगो क जद म्हें थानै परमेसर को चोखो समचार सुणार्या हा बि टेम का म्हारो पेट भरबा ताँई रात-दिन कंय्यां मेनत करी। क्युं क म्हें थार प म्हारो बोज कोनी लादबो चावा हा।

भेजेड़ा चेला का काम 18:3

अर बो बाकै सागै रेह्बा अर काम करबा लागगो क्युं क बाको एकसोई धंधो हो। बे तम्मू बणाबाळा हा।

1 थिसलूनिकी 4:11

थानै ध्यान रेह्‍वै, थे दुसरा क सागै मेळमिलापऊँ रेह्‍वो। थारो ध्यान थारा काम मई रेह्‍वै, अर खुद कमार खाओ बंय्यांई करो जंय्यां म्हें थानै आदेस दिआ हां,

इफिसुस 4:28

जखा चोरी करीं हीं बानै चोरी करनी छोडर भला कामा म मेनत कर खुद ताँई कमाणो चाए अर गरीबानै दान देणो चाए।

1 कुरन्थीयो 4:12

अर म्हें मेनत मजुरी कर खावां कमावां हां। अर ज म्हानै कोई दूरसिस देवै जणा म्हें बिनै आसिरबाद देवां हां। म्हानै सतायो जावै ह अर म्हें बरदास करां हां।

2 थिसलूनिकी 3:12

अंय्यां का मिनखानै परबु ईसु मसी म म्हें आदेस देवां हां अर समजावां हां क, बे हद म रेह्‍वै अर खुद कमार खावीं।

2 कुरन्थीयो 11:9

अर जद म थारै कनै हो जणा मनै कमी-घटी होई ही पण बि टेम बी म थार प कोई बोज कोनी गेर्यो। क्युं क मकीदुनियाऊँ मेरा बिस्वासी भाईड़ा आर मेरी सगळी जुर्ता पूरी करी। अर म हर बर खुदनै थार प बोज बणबाऊँ रोक्यो, अर आगै बी रोकस्युं।

भेजेड़ा चेला का काम 20:34

अर थानै आ बताबा की बी जुर्त कोनी क म मेरा आ हाताऊँई मेरी अर मेरा सात्या की जुर्त पूरी करी।

1 कुरन्थीयो 9:4

के म्हानै ओ हक कोनी क थे म्हारो पेट भरो?

2 कुरन्थीयो 11:27

पिड़ा अर बोळी मेनत करबा क पाछै बी बार-बार भूखो तिसायो रिह्यो जिऊँ म सोयो बी कोनी। अर बोळी बार तो दावा म बिना गाबा क धुजतो रिह्यो।