2 थिसलूनिकी 3:7 - जीवन को च्यानणो (सेकावाटी नया नियम की पोथ्या)

⁷ थे खुद जाणो हो क थे म्हारी मिसाल प कंय्यां चाल सको हो, क्युं क जद म्हें थारै सागै हा जणा कमारई खाता हा,

2 थिसलूनिकी 3:7 Referans Kwoze

2 थिसलूनिकी 3:6

मेरा लाडला बिस्वास्यो, म्हें थानै परबु ईसु मसी म ओ आदेस देवां हां क, हरेक अंय्यां का बिस्वासी भाईड़ाऊँ नाकैई रेह्ज्यो जखो कामऊँ जी चुरावै ह। अर जखी सीख म्हें बिनै दिनी ह बिकै गेल कोनी चालै।

2 थिसलूनिकी 3:9

अंय्यां करबा क पिछै आ बात कोनी ही क थारै कनैऊँ म्हानै खाबा को हक कोनी हो; पण म्हें चावां हां क थे म्हानै देखर सीखो अर म्हारी जंय्यां जीओ।

1 कुरन्थीयो 4:16

इ ताँई म थारूँ अरदास करूं हूँ क थे मेरी सी चाल चालो।

1 कुरन्थीयो 11:1

म मसी की जंय्यां जीबा की कोसिस करूं हूँ, बंय्यांई थे बी करो।

फलिपी 3:17

मेरा लाडला बिस्वास्यो, मेरी जंय्यां की चाल चालो, अर बानै बी ध्यानऊँ देखो जखा अंय्यां किई चाल चालै ह जंय्यां की थे म्हारै म देखो हो।

तितूस 2:7

तू खुद बोई कर जखो चोखो ह, जिऊँ दुसरानै बेरो पड़ै की बानै कंय्यां को बरताव करबो चाए। तू तेरी सीख म ईमानदार अर खरो बण्यो रेह।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

1 थिसलूनिकी 2:10

थे खुद अर परमेसर इ बात का गुवा हो क थारै बिस्वास्या म म्हारो भेवार कंय्यां को पबितर, धारमिक अर बेदाग हो।

फलिपी 4:9

जोक्यु थे मेरी बाता अर कामाऊँ सीख्यो अर पायो ह बानै लागू कर्या करो जणा स्यांती देबाळो परमेसर थारै सागै रेह्सी।

1 पतरस 5:3

अर जखी बिस्वासी मंडळी थारी देखरेख म ह बिपै जोर मना जमायो। पण बा ताँई सीख बणो।

1 थिसलूनिकी 5:14

मेरा लाडला बिस्वास्यो, म्हें थानै समजावां हां क, जखा कामऊँ जी चुरावै ह बानै समजाओ, डरपोकानै हिमत बंधाओ, माड़ानै समाळो अर सगळा क सागै नरमाई बरतो।