2 थिसलूनिकी 3:16 - जीवन को च्यानणो (सेकावाटी नया नियम की पोथ्या)

¹⁶ परबु जखो खुद स्यांती को दातार ह बो हर टेम थारै सागै रेह्‍वै अर थारा हर हाल म थानै स्यांती देवै।

2 थिसलूनिकी 3:16 Referans Kwoze

यहून्ना 16:33

“म अ बाता थारूँ इ ताँई बोल्यो क थानै स्यांती मिलै। जगत म तो थानै दुखई मिल्यो ह पण हिमत राखो म जगतनै जीत लिओ हूँ।”

यहून्ना 14:27

थानै चिंत्या अर डरबा की जुर्त कोनी, क्युं क म थानै स्यांती देस्युँ। आ इ दुनिया की स्यांती की जंय्यां की कोनी, आ बा स्यांती ह, जखी मई दे सकूँ हूँ।

मत्ती 1:23

“देखो, एक कुंआरी छोरी आसऊँ होसी अर एक बेटो जलमसी अर बिको नाम इम्मानुअल राख्यो ज्यासी बिको मतबल ह परमेसर म्हारै सागै ह।”

रोमीयो 15:33

स्यांती को परमेसर थारै सगळा क सागै रेह्‍वै। अंय्यांई होज्यावै।

रोमीयो 16:20

स्यांती देबाळो परमेसर तावळोई सेताननै थारा पगा तळै चिथवा देसी। आपणा परबु ईसु मसी की दया थार प बणी रेह्‍वै।

लूका 2:14

क, “ईस्बर नगरी म परमेसर की जे-जैकार हो अर धरती प बा मिनखानै स्यांती मिलै जिऊँ बो राजी ह।”

1 थिसलूनिकी 5:23

स्यांती देबाळो परमेसर खुदई थानै सूल पबितर करै। थारी आत्मा, पिराण अर काया आपणा परबु ईसु मसी क ओज्यु आबा का दिन ताँई बेदाग रेह्‍वै।

2 तिमूतियूस 4:22

परबु तेरी आत्मा क सागै रेह्‍वै। थारै सगळा प परमेसर की दया होती रेह्‍वै।

मत्ती 28:20

म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”

फिलेमोन 1:25

आपणा परबु ईसु मसी की दया थारै सगळा की आत्मा क सागै रेह्‍वै। अंय्यांई होवै!

इबरानीआ 13:20

स्यांती देबाळो परमेसर थानै हर भली बात म भर्योपूरो करै। जिऊँ थे बिकी इंछ्या पूरी करो, अर ईसु मसी क जरिए आपणै मांयनै बी काम करै जंय्यां क बिनै चोखो लागै। परमेसर, आपणा परबु ईसुनै नइ मिटबाळा नया करार का लोय क जरिए मोतऊँ ओज्यु जीवायो जखो लल्ड्या को म्हान गुवाळ्यो ह। परमेसर की मेमा जुग-जुग ताँई होती रेह्‍वै। अंय्यांई होवै।

इबरानीआ 7:2

अर अब्राहम बा सगळी चिजा मऊँ जखी बो राड़ म जीतर ल्यायो हो बाको दसवो हिस्सो बिनै दिओ। मिलिकीसिदक का नाम को पेलो मतबल “धारमिक्‍ता को राजा” होवै ह अर सलेम को राजा होबा की बजेऊँ बिका नाम को मतबल “स्यांती को राजा” बी ह।

2 कुरन्थीयो 13:11

ओ मेरा लाडला बिस्वास्यो, म आखीरक आ बोलां क सागै इ चिठीनै बंद करूं हूँ, राजी रेह्ओ, थारो भेवार बदलो, एक दुसरानै हिमत बंधाओ, स्यांती अर मेळमिलापऊँ रेह्ओ। जणा परमेसर जखो स्यांती अर परेम को दातार ह, बो थारै सागै रेह्सी।

1 कुरन्थीयो 14:33

क्युं क परमेसर गिचपिच करबाळो परमेसर कोनी पण स्यांती को परमेसर ह। जंय्यां की परमेसर का मिनखा की बिस्वासी मंडळ्या म देखां हां,

2 थिसलूनिकी 3:18

थारै सगळा प आपणा परबु ईसु मसी की दया होती रेह्‍वै।

इफिसुस 6:23

परम-पिता परमेसर अर परबु ईसु मसी, मसी भाई-भाणानै बिस्वास क सागै स्यांती अर प्यार-परेम देतो रेह्‍वै।

1 थिसलूनिकी 3:11

इब म्हारो परम-पिता परमेसर अर परबु ईसु खुदई अंय्यां को गेलो खोलै क म्हें थारूँ आर मिलां।