2 थिसलूनिकी 3:13 - जीवन को च्यानणो (सेकावाटी नया नियम की पोथ्या)

¹³ ओ मेरा लाडला बिस्वास्यो, थे भला काम करबा ताँई कदैई हिमत मना हारज्यो।

2 थिसलूनिकी 3:13 Referans Kwoze

इबरानीआ 12:3

इ ताँई बिपै ध्यान द्‍यो, क्युं क बो पाप्याऊँ अंय्यां का विरोध सेलिआ जिऊँ क थे नइ थको अर नइ हार मानो।

2 कुरन्थीयो 4:1

म्हारै प परमेसर की दया होई जिऊँ म्हानै आ सेवा मिली ह, जणा म्हें हिमत कोनी हारां।

2 कुरन्थीयो 4:16

इ ताँई कदैई हिमत मना हारो, चाए आपणी बारली काया कमजोर होती जारी ह, पण आपणो मांयलो नित नयो होतो जार्यो ह।

दरसाव 2:3

तू थ्यावस राखै ह, अर मेरा नाम की बजेऊँ दुख भोगतो भोगतो बी थक्यो कोनी।

इबरानीआ 12:5

थे बि हिमत बंधाबाळा बचननै भूल बेठ्या हो, जखो थानै बेटो जाणर दिओ गयो हो: “ओ बेटा, परबु की सीखनै हळकी बात मना जाण, अर बिकी दकालऊँ कदैई निरास मना होजे।

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

लूका 18:1

जणा ईसु चेलानै आ बताबा ताँई की बे रोजकी अरदास करता रेह्‍वै। अर हिमत नइ छोडीं एक मिसाल दिनी:

फलिपी 1:9

थारो प्यार-परेम सचा ज्ञान अर सई समज क सागै बोळो-बोळो बढतो जावै इ ताँई म अरदास करूं हूँ।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

1 कुरन्थीयो 15:28

सक्यु परमेसर का बेटा क अधिकार तळै कर्या जाबा क पाछै, बो खुदनै पूरी-तर्या परमेसर क अधिकार क तळै कर देसी, परमेसर जखो बिनै ओ अधिकार दिओ ह। जणा पाछै परमेसर सगळी चिजा प पूरी-तर्या राज करसी।

2 थिसलूनिकी 3:15

पण बिनै बेरी मना जाणज्यो, पण सागे भाई-भाण जा'णर चेताओ।