2 थिसलूनिकी 2:9 - जीवन को च्यानणो (सेकावाटी नया नियम की पोथ्या)

⁹ पण बिकै नास होबाऊँ पेली बो सेलाणी-चमत्कार अर ताजूब का काम दिखासी क्युं क बिमै सेतान की सक्‍ति होसी।

2 थिसलूनिकी 2:9 Referans Kwoze

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

इफिसुस 2:2

अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

2 कुरन्थीयो 11:3

पण मनै डर ह क्युं क कदै अंय्यां नइ होज्या क जंय्यां हवानै जखी धरती की सऊँ पेली नारी ही बिनै साँप चतराईऊँ भंगरा दिओ हो, बंय्यांई थारा हियानै नइ भंगरा दे जिमै मसी ताँई थारी खरी भगती अर ईमानदारी ह।

यहून्ना 4:48

इ बात प ईसु बिऊँ बोल्यो, “थारै मऊँ कोईबी जद ताँई चमत्कार अर ताजूब का काम नइ देखले, बिस्वास कोनी करो।”

मरकुस 13:22

थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी।

दरसाव 20:10

अर बि सेताननै जखो बानै भंगरातो हो बि तिजाब हाळा नरक का भबकता आग का कूंड म जिकै मांयनै बि खुखार ज्यानबर अर झूठा परमेसर की खेबाळानै गेर्यो गयो हो बिकै मांयनै गेर दिओ ज्यासी। अर बानै सदा-सदाई दिन-रात बिकै मांयनै तड़पायो जासी।

दरसाव 18:23

तेरै मांयनै दिआ को च्यानणो ओज्यु कदैई कोनी जगमगासी, अर नइ ओज्यु तेरै मांयनै, बिंद बिनणी को हेलो सुणबा म आसी। क्युं क तेरा लेणदेण करबाळा व्यापारी धरती का मुखिया हा। अर तेरा जादू टोणाऊँ, सगळा देसा का मिनखानै भटकायो गयो हो।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

2 तिमूतियूस 3:8

अ सीखाबाळा यन्नेस अर यमबरनेस की जंय्यां ह, जखा मूसा को बिरोद कर्यो हो। बंय्यांई अ बी सच को बिरोद करी हीं। अ अंय्यां का सीखाबाळा हीं जाकी मती मरगी ह अर बे बिस्वास म कोनी बण्या रेह सकीं।

2 कुरन्थीयो 11:14

आ ताजूब की बात कोनी ह क्युं क सेतान बी चमकबाळा ईस्बर नगरी दुता को रूप धारण कर सकै ह।

भेजेड़ा चेला का काम 13:10

अर बोल्यो, “सगळा छळ कपटऊँ भरेड़ा सेतान की ओलाद, भलाई का बेरी। तू परमेसर का सचा अर सिदा गेलानै तोड़बो मोड़बो कोनी छोडै के?”

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

यहून्ना 8:41

थे बोई करो हो जखो थारो बाप कर्यो।” बे बोल्या, “म्हें कुकरम की ओलाद कोनी, पण परमेसरई म्हारो सचो परम-पिता ह।”

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

दरसाव 12:17

जणा बो अजगर बि लूगाई प झाळ्या भर्यो, अर बो बि लूगाई का वंसजा प जखा परमेसर का हुकमानै मान्या करता हा अर ईसु मसी की गुवाई देता हा बाऊँ लड़बा ताँई निकळ्यो।

दरसाव 9:11

पताळ को दुत बापै राजा हो, बिको नाम इबरानी भासा म अबदोन अर यूनानी भासा म अपोल्यन ह। आ दोनू नामा को मतबल नास करबो ह।

मत्ती 4:10

जणा ईसु बिनै बोल्यो, “हे सेतान दूर भागज्या!” पबितर सास्तर म मांडेड़ो ह: “तू परबु परमेसर किई भगती करजे अर बिकिई सेवा करजे।”

मत्ती 12:22

लोग ईसु कनै एक मिनखनै ल्याया जिमै फेंट होईड़ी ही जिकी बजेऊँ बो आँदो अर गुँगो हो अर ईसु बिनै निरोगो कर दिओ जिकी बजेऊँ बो देखबा अर बोलबा लागगो।

याकूब 3:15

अंय्यां की बुदी ईस्बर नगरीऊँ कोनी आवै पण आ धरती की, मिनख सुभाव अर सेतान की बुदी होवै।

लूका 11:25

अर बा पाछी आवै जणा बो बिनै भार्यो-झाड़्यो अर जच्यो-जचायो लाधै।