2 थिसलूनिकी 2:7 - जीवन को च्यानणो (सेकावाटी नया नियम की पोथ्या)

⁷ पण परमेसर का सगळा नियम कायदानै तोड़बाळो ओला म तो हाल बी काम करर्यो ह, क्युं क अठै क्युं तो पक्काई ह, जखो बिनै इब बी चोड़ा म कोनी आबा देर्यो।

2 थिसलूनिकी 2:7 Referans Kwoze

1 यहून्ना 2:18

ओ मेरा टाबरो, जंय्यांकी थे जाणो हो क, आखरी घड़ी आगी ह अर मसी को बेरी बी आबाळो ह, अर आबाळो काँई ह जदकी मसी का बोळा बेरी आग्या हीं। इ बात की बजेऊँई आपा जाण सकां हां क आ आखरी घड़ी ह।

भेजेड़ा चेला का काम 20:29

अर म आ बी जाणू हूँ क मेरै जाबा क पाछै थारै मऊँ अंय्यां का खुखार ल्याळी आज्यासी जखा कोईबी लल्डीनै कोनी छोडसी।

1 यहून्ना 4:3

अर हरेक बा आत्मा जखी ईसु मसी क बारां म इ बातनै कोनी मानै बा परमेसर क कानिऊँ कोनी। बा मसी का बेरी की आत्मा ह, जिकै बारां म थे पेल्याऊँई सुण चुक्या हो क बो आबाळो ह। बो आबाळो के ह बो तो इब बी इ दुनिया मई ह।

दरसाव 17:7

जणा बो ईस्बर नगरी दुत मेरूँ बोल्यो, “तू ताजूब क्युं करै ह? म तनै इ लूगाई अर जि सात सीर अर दस सींग हाळा खुखार ज्यानबर प आ बेठी ह बिको भेद बतास्युं।

दरसाव 17:5

बिकै माथा प नाम मंडर्यो हो जखो एक भेद हो , सऊँ बडी नगरी बाबुल बेस्या अर सूगली चिजा की माँ

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

2 थिसलूनिकी 2:6

जणा थे तो इ बातनै जाणोई हो क बि परमेसर की खिलापत करबाळानै काँई बात ह, जखी बिनै इब ताँई आबाऊँ रोक राखी ह। क्युं क परमेसर बिकै आबा को टेम ते कर राख्यो ह।