2 थिसलूनिकी 2:3 - जीवन को च्यानणो (सेकावाटी नया नियम की पोथ्या)

³ क्युंबी हो, बाकी बाताऊँ मना भेक जाज्यो। क्युं क आ बात जद ताँई पूरी कोनी होवै जद ताँई परमेसर को बिरोद करबाळा सगळा मिनख चोड़ा म नइ आज्यावीं, सागै की सागै आबी जरूरी ह क बो एक मिनख परगट होसी जखो परमेसर का सगळा नियम कायदानै तोड़सी जिकी सजा नरक म जुग-जुग ताँई ह।

2 थिसलूनिकी 2:3 Referans Kwoze

1 यहून्ना 2:18

ओ मेरा टाबरो, जंय्यांकी थे जाणो हो क, आखरी घड़ी आगी ह अर मसी को बेरी बी आबाळो ह, अर आबाळो काँई ह जदकी मसी का बोळा बेरी आग्या हीं। इ बात की बजेऊँई आपा जाण सकां हां क आ आखरी घड़ी ह।

इफिसुस 5:6

कोईबी थानै बेकार की बाताऊँ धोको नइ देदे; क्युं क आ कामा की बजेऊँ परमेसर को परकोप बिका हुकमानै नइ मानबाळा प पड़ै ह।

यहून्ना 17:12

जद म बाकै सागै हो म थारा बि नाम की सक्‍तिऊँ जखो थे मनै दिआ हा बानै बचायो। बामैऊँ कोईबी नास कोनी होयो सिवाय बि मिनख क जखो बि गेला प चाल्यो जखो नास कानि लेज्यावै ह, जिऊँ क सास्तर को आंक पूरो होवै।

दरसाव 17:8

जि खुखार ज्यानबरनै तू देख्यो ह, बो पेली हो इब कोनी पण बो जिंदो होर पताळऊँ ओज्यु आसी अर बिको नास होज्यासी। अर धरती प रेह्बाळा बे मिनख जाका नाम जुगादऊँई जीवन की पोथी म कोनी मांडेड़ा बे इ खुखार ज्यानबरनै देखर ताजूब करसी, क्युं क ओ पेला जिंदो हो पण इब कोनी पण बो आबाळो ह।

दरसाव 17:11

अर बो खुखार ज्यानबर जखो पेला जिंदो हो, पण इब कोनी, बो खुद आठूओ राजा ह ओ बा सात्यु राजा की जंय्यांई बुरो होसी अर, इको बी नास कर दिओ जासी।

1 कुरन्थीयो 6:9

के थे पक्काई कोनी जाणो क बुराई करबाळा मिनख परमेसर का राज का वारिस कोनी होसी? बावळा मना बणो! गंदा काम करबाळा, मूरतीपुजा करबाळा, कुकरमी, लुच्चा काम करबाळा अर लुच्चा-लफंगा,

1 यहून्ना 4:3

अर हरेक बा आत्मा जखी ईसु मसी क बारां म इ बातनै कोनी मानै बा परमेसर क कानिऊँ कोनी। बा मसी का बेरी की आत्मा ह, जिकै बारां म थे पेल्याऊँई सुण चुक्या हो क बो आबाळो ह। बो आबाळो के ह बो तो इब बी इ दुनिया मई ह।