2 थिसलूनिकी 2:2 - जीवन को च्यानणो (सेकावाटी नया नियम की पोथ्या)

² ज थे कोईऊँ अंय्यां सुणो क परबु क ओज्यु आबा को दिन आग्यो ह जणा थे उकचुक मना होज्यो, नइ दरमई घबराज्यो। नइ कोई आत्माऊँ, नइ बोलऊँ नइ कोई लिखावटऊँ जखी म्हारी सी क्युना लागै जणा बी बिको बिस्वास मना करज्यो।

2 थिसलूनिकी 2:2 Referans Kwoze

मरकुस 13:7

अर जद थे राड़ अर लड़ायां की खबरा सुणो जणा मना डरज्यो, क्युं क आ बाता को होबो ते ह पण बा घड़ी नास की कोनी होसी।

2 थिसलूनिकी 3:17

चिठी का इ भाग म, म पोलुस, मेरै खुदका हातऊँ थानै जे मसी मांडूँ हूँ। अर अंय्यां चिठी का आखरी भाग म मेरै हात की लिखावटई तो मेरी चिठ्या की पिछाण ह, क आनै भेजबाळो मई हूँ।

लूका 21:9

राड़ अर बगावत की खबरा सुणर डरज्यो मना, क्युं क आ अंत की घड़ी कोनी होसी अर अ बाता तो पेली होणी जरूरी ह।”

1 थिसलूनिकी 4:15

परबु का सीखाया गेल म्हें थानै बतार्या हां क, बे जखा परबु का ओज्यु आबाळा दिन ताँई काया म जीवता रेह्सी बे बि दिन मर्या पाछै जी उठेड़ा मिनखाऊँ आगै कोनी होसी।

1 कुरन्थीयो 1:8

परबु ईसु मसी थानै आखीर ताँई मजबूत बणायो राखसी, जिऊँ थे आपणा परबु ईसु मसी क ओज्यु आबा का दिन म न्यायऊँ बच ज्याओ।

यहून्ना 14:1

ईसु आपका चेलाऊँ बोल्यो, “मन म चिंत्या कर उदास मना होवो , पण परमेसर अर मेर प बी बिस्वास करो।

लूका 21:19

थे पक्का रेहज्यो जिऊँ थे खुदनै बचास्यो।

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

1 थिसलूनिकी 3:3

जिऊँ परख्या जाबा की टेम थे हिमत नइ हारो। क्युं क थे खुद, इ बातनै जाणो हो क परमेसर की आई इंछ्या ह क आपा दुख की घड़ी म मजबूत बण्या रेह्‍वां

इफिसुस 5:6

कोईबी थानै बेकार की बाताऊँ धोको नइ देदे; क्युं क आ कामा की बजेऊँ परमेसर को परकोप बिका हुकमानै नइ मानबाळा प पड़ै ह।

2 थिसलूनिकी 2:15

इ ताँई मेरा लाडला बिस्वास्यो, बिस्वास म मजबूत रेह्ओ अर जखी सीख म्हें थानै बोलर नहिस चिठी म मांडर दिनी ह बापै चालता रेह्ओ।

1 थिसलूनिकी 5:2

क्युं क थे खुद, इ बातनै सूल जाणो हो क, परबु क ओज्यु आबा को दिन बंय्यां आसी जंय्यां रात म चाणचुक चोर आवै ह।

यहून्ना 14:27

थानै चिंत्या अर डरबा की जुर्त कोनी, क्युं क म थानै स्यांती देस्युँ। आ इ दुनिया की स्यांती की जंय्यां की कोनी, आ बा स्यांती ह, जखी मई दे सकूँ हूँ।

1 कुरन्थीयो 7:26

अर म सोचूँ हूँ क इ दुख की घड़ीनै देखता तो थारो बिना ब्या क रेह्बो चोखो ह।

1 कुरन्थीयो 14:32

परमेसर की खेबाळा की आत्मा खुद क बस म रेह्‍वै ह, जिऊँ बे आपका बोलबा की बारीनै उडिक सकीं।