2 थिसलूनिकी 2:17 - जीवन को च्यानणो (सेकावाटी नया नियम की पोथ्या)

¹⁷ बो था सगळानै चोखा कामा अर बचना म पक्को करै अर थारा हिया म हिमत बंधवावै।

2 थिसलूनिकी 2:17 Referans Kwoze

2 थिसलूनिकी 3:3

पण परबु बिस्वास जोगो ह। बोई थानै ताकत देसी अर सेतानऊँ बचासी।

1 थिसलूनिकी 3:13

बो थारा हियानै अंय्यां को पक्को करै क जद आपणो परबु ईसु सगळा पबितर दुता क सागै आसी जणा थे परम-पिता परमेसर क सामै पबितर अर निरदोस होवो।

यहूदा 1:24

परबु ईसु मसी की बजेऊँ आपानै बचाबाळा परमेसर की जे-जैकार हो। परमेसरई थानै बचा सकै ह, अर पापऊँ धो सकै ह। अर बोई ह जखो थानै आपकी मेमाभरी मोजूदगीऊँ राजी कर सकै ह अर खुद क सामै निरदोस खड़्यो कर सकै ह। जुगादऊँ इब ताँई अर आबाळा जुग-जुग ताँई मेमा, मान, ताकत अर अधिकार परमेसर कोई ह। अंय्यांई होवै।

कलुसीयो 2:7

अर जंय्यां थानै सीखायो गयो ह बंय्यांई थारी जड़ानै बिमै फिलार बढता जाओ। बिपै थारा जीवना की निम गेरो। अर बिस्वास म पक्का होर बिको धनेवाद करता रेह्ओ।

1 कुरन्थीयो 1:8

परबु ईसु मसी थानै आखीर ताँई मजबूत बणायो राखसी, जिऊँ थे आपणा परबु ईसु मसी क ओज्यु आबा का दिन म न्यायऊँ बच ज्याओ।

रोमीयो 15:13

थारै बिस्वास गेल थानै आस देबाळो परमेसर थानै सुक-स्यांती अर खुसीऊँ भर देवै। जिऊँ पबितर आत्मा की सक्‍तिऊँ थारी आस बढती जावै।

1 यहून्ना 3:18

ओ मेरा टाबरो, आपा बोली अर जबानऊँई प्यार-परेम नइ करां पण ओ प्यार-परेम करमाऊँ अर सचो होणो चाए।

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

2 कुरन्थीयो 1:21

बो परमेसरई ह जखो ईसु मसी की बजेऊँ थानै म्हानै सागै जो'ड़र पक्को कर्यो अर आपणो अभिसेक कर्यो ह।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

रोमीयो 1:11

मेरी बोळी इंछ्या ह क म थानै देखूँ, क्युं क म आत्मिक आसिरबाद थारै सागै बाटबो चाऊँ हूँ जिऊँ थानै ताकत मिलै।