2 थिसलूनिकी 2:10 - जीवन को च्यानणो (सेकावाटी नया नियम की पोथ्या)

¹⁰ बो इ सक्‍तिनै बा मिनखानै भंगराबा ताँई काम म लेसी जखा नास होबाळा हीं। क्युं क बे छुटकारा करबाळा सचा चोखा समचारनै कोनी मानसी अर खुदनै परमेसरनै कोनी सूपसी जिऊँ क परमेसर बानै बाका पाप की सजाऊँ बचावै।

2 थिसलूनिकी 2:10 Referans Kwoze

1 कुरन्थीयो 1:18

मसी क सुळी भोगबा को समचार नास होबाळा मिनखा ताँई बकवास ह। पण आपणा ताँई जखा बचाया जार्या हां परमेसर की सक्‍ति ह।

2 पतरस 2:12

पण अ मिनख निरबुदी ज्यानबरा की जंय्यां हीं, जखा को जलम पकड़्या जाबा अर नास होबा ताँई होयो ह। अ मिनख जखी बाता क बारां म जाणैई कोनी बाकै बारां म दुसरा की बुराई करीं हीं, अर जंय्यां ज्यानबर मार्या जावीं हीं बंय्यांई अ मिनख बी मार्या ज्यासी।

1 कुरन्थीयो 16:22

अर ज कोई परबुऊँ परेम कोनी करै बिपै स्राप पड़ै ह। म्हारा परबु जी तावळा आवै ह!

रोमीयो 16:18

क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं।

2 कुरन्थीयो 11:15

इ ताँई आ कोई ताजूब की बात कोनी ह क बिका दास धरम का काम करबाळा मिनखा जंय्यां को भेस बणावै ह। पण आखीर म बाको नास बाकै काम गेल होसी।

1 तिमूतियूस 2:4

अर बो चावै क, धरती का सगळा मिनख बचज्यावीं अर बे सचनै जाणी।

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

2 कुरन्थीयो 2:15

जखा नास कर्या जावै अर बचाया जावीं हीं बाकै मांयनै आपा बि धूप की सुगंद की जंय्यां हां जखी मसी परमेसर क चढावै ह।

रोमीयो 10:1

मेरा लाडला बिस्वास्यो, मेरा मन की इंछ्या ह, जि ताँई म परमेसरऊँ अरदास करूं हूँ क इजरायली मिनख बचाया जावीं।

रोमीयो 6:17

पण परमेसर को गुण-एसान क, थे पाप का दास होबा क बावजुद बी, बि सीखनै हियाऊँ मान्या जखी थानै सूपी गई ह।

यहून्ना 5:34

पण इको ओ मतबल कोनी क म मेर ताँई मिनखा की गुवाई चाऊँ हूँ। पण अ बाता म इ ताँई बोलुँ हूँ क थे बच ज्याओ।

यहून्ना 3:17

परमेसर आपका बेटानै, जगत का मिनखानै सजा देबा को हुकम देबा ताँई कोनी भेज्यो। पण बानै बचाबा ताँई भेज्यो ह।

2 पतरस 2:18

क्युं क अ मिनख बा मिनखानै जखा पेल्या भटकेड़ा हा पण इबारई सई गेला प आया हीं, बाऊँ गुमान हाळी बाता कर बाकी बुरी इंछ्यानै जगावीं हीं। अर बानै गेलो भटकावै ह।

इबरानीआ 3:13

जद ताँई आज को दिन खुवावै ह रोजकी एक दुसरा की हिमत बंधाता रेहज्यो। जिऊँ थार मालो कोईसो बी पाप का धोका म आर आपका हियानै काठो नइ करै।

1 थिसलूनिकी 2:16

अर बे गैर-यहूदि मिनखानै छुटकारा को चोखो समचार सुणाबा ताँई आपानै रोकै ह। अंय्यां करबाऊँ बाकै पाप को घड़ो भरर्यो ह अर परमेसर को परकोप बापै आग्यो ह।

2 कुरन्थीयो 11:13

क्युं क अंय्यां का मिनख झूठ मई भेजेड़ा चेला बण्या बेठ्या हीं अर धोकाऊँ काम करीं हीं, अर मसी का भेजेड़ा चेला जंय्यां को भेस बणावीं हीं।

मत्ती 13:11

ईसु बाऊँ बोल्यो, “थानै तो ईस्बर नगरी राज का भेद को ज्ञान दिओ गयो ह पण बानै कोनी दिओ गयो।

2 थिसलूनिकी 2:12

अंय्यां बे सगळा जखा सच प बिस्वास कोनी कर्या अर कूगेला चालर मजा मारता हा बे सजा भोगसी।

2 थिसलूनिकी 2:13

पण परबु का लाडला बिस्वास्यो, थारै ताँई म्हानै सदाई परमेसर को धनेवाद करतो रेह्णो ह, क्युं क परमेसर खुदकी पबितर आत्मा की सक्‍तिऊँ थानै बचार बिका पबितर मिनख होबा अर छुटकारा का पेला फळ होबा ताँई पेल्याऊँ टाळ लिओ ह, क्युं क थे सच प बिस्वास कर्यो ह।