2 थिसलूनिकी 1:5 - जीवन को च्यानणो (सेकावाटी नया नियम की पोथ्या)

⁵ अ सगळी बाता परमेसर क सचा न्याय को साप सबूत ह। अ बाता थानै परमेसर का राज का जोगा बणावै, जि परमेसर का राज ताँई थे दुख बी भोगर्या हो।

2 थिसलूनिकी 1:5 Referans Kwoze

फलिपी 1:28

थे थारा बेरीयाऊँ कंय्यांई कोनी डरो ओ बा ताँई इ बात को सबूत ह क बे हार ज्यासी अर थे जीत ज्यास्यो, क्युं क आ जे परमेसर थानै देवै ह।

भेजेड़ा चेला का काम 14:22

अर चेलानै समजाता अर हिमत बंधाता हा क, “बिस्वास म बण्या रेह्ओ अर परमेसर का राज म बड़बा ताँई आपानै बोळा दुख भोगणा पड़सी।”

दरसाव 19:2

बाको न्याय सदाई सचो ह, क्युं क बे बि बेस्या को न्याय कर्या हीं, जखी धरती का मिनखानै कुकरम करवाती, अर बानै बिगाड़ती ही, अर बो बिऊँ आपका दासा का लोय को बदलो लिओ ह।”

लूका 20:35

पण बे मिनख जखा मरेड़ा मऊँ ओज्यु जी उठबा क जोगा हीं आबाळा जुग म बाकी ब्या सादि कोनी होसी।

2 तिमूतियूस 2:12

ज आपा थ्यावस क सागै दुख भोगस्यां, जणा आपा बिकै सागै राज बी करस्यां। ज आपा बिऊँ मुंडो फेरां, जणा बो बी आपणाऊँ मुंडो फेरसी।

2 थिसलूनिकी 1:11

इ ताँई, म्हें थारै ताँई सदाई अरदास करां हां क, आपणो परमेसर थानै जुग-जुग का जीवन जोगो बणावै, जि ताँई थानै बो बुलायो ह। परमेसर थानै सक्‍तिऊँ भरै जिऊँ थे भलाई की हरेक इंछ्यानै अर बिस्वास का हरेक कामानै पूरा करो।

रोमीयो 8:17

अर ज आपा बिकी ओलाद हां जणा परमेसर का वारिस अर मसी क सागै पाँतीवाळ बी हां, ज आपा बिकै सागै दुख म पाँतीवाळ हां जणा बिकै सागै मेमा म बी पाँतीवाळ हां।

दरसाव 16:7

बिकै पाछै म बेदीऊँ उवाज सुण्यो, “ओ परबु परमेसर थे सऊँ सक्‍तिसाली हो। थारो न्याय सचो अर सई ह।”

दरसाव 15:4

ओ परबु, बस थेई पबितर हो! देस-देस का मिनख थारै कनै आसी अर थारी जे-जैकार करसी। सगळा थारूँ डरसी अर थारो मान करसी, क्युं क थारी धारमिक्‍ता परगट होई ह।”

दरसाव 3:4

क्युंबी हो सरदिस, तेरै मांयनै क्युंक मिनख ह जखा खुदका गाबानै मेला कोनी होबा दिआ। बे धोळा गाबा पेर'र मेरै सागै-सागै डोला-फिरी करसी क्युं क बे इ जोगा हीं।

1 थिसलूनिकी 2:14

भाई-भाणो थारै सागै बी बाई होई जखी यहूदिआ दिसावर म परमेसर की बिस्वासी मंडळी क सागै होई ही, क्युं क बे बी थारी जंय्यां मसी ईसुनै मानता हा। अर थानै बी थारा मिनखाऊँ बंय्यांई दुख मिल्यो जंय्यां बानै यहूदि मिनखाऊँ मिल्यो।

कलुसीयो 1:12

परम-पितानै धनेवाद देता रह्यो, बो थानै इ जोगो बणायो ह क उजाळा का राज म जोक्यु परमेसर आपका मिनखा ताँई धर राख्यो ह बिमै थारी पाँती होवै।

इफिसुस 4:1

इ ताँई म, जखो परबु की सेवा ताँई केदि हूँ थारूँ आ अरदास करूं हूँ क जखा हेलाऊँ थानै बुलायो गयो हो बिकै जोगीई चाल चालो,

रोमीयो 2:5

पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।

भेजेड़ा चेला का काम 13:46

जणा पोलुस अर बरनाबास हिमत कर बोल्या, “ओ जरूरी हो क परमेसर को बचन सऊँ पेली थानै सुणायो जावै पण थे इनै थारूँ दूर कर्या अर खुदनै अजर-अमर जीवन को भागी कोनी मान्या जणा इब म्हें गैर-यहूदिआ क कनै जावां हां।

लूका 21:36

इ ताँई सदाई चेता म रेह्ओ अर सदाई अरदास करता रेह्ओ जिऊँ थे सगळी होबाळी बाताऊँ बच सको अर मिनख का बेटा क सामै खड़्या हो सको।”