2 थिसलूनिकी 1:4 - जीवन को च्यानणो (सेकावाटी नया नियम की पोथ्या)

⁴ इ ताँई जद कदै म्हें परमेसर की दुसरी बिस्वासी मंडळ्या म जावां हां जणा बाकै सामै थारै बई गुमान करबो कोनी भूलां। क्युं क थे जत्ता बी दुख अर सताव भोगो हो बा सगळा म बानै थारी सेह्बा की सक्‍ति अर बिस्वास क बारां म बेरो चालै ह।

2 थिसलूनिकी 1:4 Referans Kwoze

इबरानीआ 10:36

अर थानै चाए क थे मजबूत होवो जिऊँ क जद थे परमेसर की इंछ्यानै पूरी करो जणा जिको बादो बो कर्यो ह बो थे पा सको।

1 थिसलूनिकी 2:14

भाई-भाणो थारै सागै बी बाई होई जखी यहूदिआ दिसावर म परमेसर की बिस्वासी मंडळी क सागै होई ही, क्युं क बे बी थारी जंय्यां मसी ईसुनै मानता हा। अर थानै बी थारा मिनखाऊँ बंय्यांई दुख मिल्यो जंय्यां बानै यहूदि मिनखाऊँ मिल्यो।

1 थिसलूनिकी 2:19

थेई बताओ, आपणा परबु ईसु क सामै बिका आबा की टेम म्हारै ताँई म्हारी आस, खुसी अर बडाई को मुकट कूण होसी? बे थेई कोनी होस्यो के?

1 थिसलूनिकी 1:3

परम-पिता परमेसर क सामै म्हें जद बी जावां जणा थारा बिस्वास का कामानै, थारा परेम भर्या कामानै अर परबु ईसु मसी क ओज्यु आबा की आस म, थे सक्यु सेह्ता होया बी बिस्वास म पक्का हो, आ बातानै सदाई याद करां हां।

2 कुरन्थीयो 7:14

क्युं क म बिकै आगै थारी खूब बडाई करी ही, अर इ ताँई मनै निचो कोनी देखणो पड़्यो। पण जंय्यां म्हें थानै सची-सची बोल्या हां, बंय्यांई थारै बारां म म्हारो गुमान तितूस क सामै सचाई क सागै परगट होयो।

दरसाव 14:12

जखा मिनख परमेसर का हुकमानै मानै, अर ईसु प बिस्वास करै ह बानै थ्यावस अर बिस्वास राखबा की जुर्त ह।

1 कुरन्थीयो 7:17

परबु जिनै जंय्यां को बरदान दिओ ह अर जिनै जि रूप म टाळ्यो ह, बिनै चाए की बो बंय्यांई जीवै। अर म सगळी बिस्वासी मंडळ्यानै अंय्यांई सीखाऊँ हूँ।

2 पतरस 1:6

अर समजऊँ खुद प काबू राखबानै अर खुद प काबू राखबाऊँ थ्यावसनै अर थ्यावसऊँ परमेसर की भगतीनै,

याकूब 5:11

आपा बानै दुख मुसीबत सेह्बा की बजेऊँई भागहाळा बोलां हां। अर थे अयुब क थ्यावस राखबा क बारां म तो सुण्योई हो अर थे आबी सुण्या हो क परबु बिनै बिको काँई फळ दिओ क्युं क परबु तरस अर दया करबाळो ह।

इबरानीआ 6:15

जणा अब्राहम थ्यावस क सागै इ करारनै उडिक्यो अर परमेसर को करेड़ो करार पूरो होयो।

2 थिसलूनिकी 3:5

परबु थारा हियानै परमेसर का परेमनै समजबा की अर मसी की जंय्यां बरदास करबा की सक्‍ति देवै।

2 कुरन्थीयो 9:4

क्युं क काँई बेरो कदै मेरै सागै मकीदुनिया नगरी का मिनख थारै कनै आज्या अर जखो थारा बारां म बानै बतायो गयो हो, बंय्यां नइ देखै जणा म्हारूँ बेत्ती थानै सरमिंदा होणो पड़सी।

2 कुरन्थीयो 9:2

क्युं क मनै बेरो ह थे इ कामनै करबा ताँई सदाई त्यार रेह्ओ हो। जणाई म मकीदुनिया का मिनखा क सामै थारै बारां म गुमानऊँ खयो क अखाया का मिनख तो गेलड़ा बरसऊँई त्यार हीं अर थारी उजमानै देखर बोळा अंय्यां करबा ताँई आगै आया हीं।

रोमीयो 12:12

आस म राजी रेह्ओ, पिड़ा म थ्यावस राखो, लगातार अरदास करता रेह्ओ।

रोमीयो 8:25

पण ज आपा बि बात की आस करां जखी हाल ताँई पूरी कोनी होई जणा आपा बिनै थ्यावस राखर उडिकां हां।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

2 कुरन्थीयो 7:4

मनै थार प पूरो भरोसो ह। मनै थार प बोळो गुमान ह, थारी बजेऊँ म कदैई हिमत कोनी हारूँ, म्हारा दुख मुसीबत म बी म थारी बजेऊँ राजी हूँ।

2 कुरन्थीयो 12:10

हाँ म कमजोर होर, बेजत होर, दुख म, सताव म, परेसानी म राजी हूँ, ज बे मसी की बजेऊँ ह। क्युं क जद म कमजोर होऊँ हूँ, जणाई ताकतबर होऊँ हूँ।

इबरानीआ 6:12

क्युं क म्हें आ कोनी चावां क थे आळसी बणो, पण म्हें आ चावां हां क थे बा मिनखा किसी चाल चालो जखा बिस्वास अर थ्यावसऊँ बा बाता का वारिस हीं जाको करार परमेसर कर्यो हो।