2 थिसलूनिकी 1:10 - जीवन को च्यानणो (सेकावाटी नया नियम की पोथ्या)

¹⁰ ओ बी दिन होसी जद बो आपका सगळा परमेसर का मिनखाऊँ जखा बिपै बिस्वास करीं हीं बाऊँ मेमा अर आदरमान लेबा आसी। थे बी बा मिनखा म होस्यो, क्युं क म्हें जखो चोखो समचार थानै सुणायो ह बिपै थे बिस्वास कर्यो ह।

2 थिसलूनिकी 1:10 Referans Kwoze

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

1 कुरन्थीयो 3:13

जणा हरेक का काम सामै आसी, क्युं क न्यायहाळो दिन आगऊँ आनै चोड़ा म ल्यासी। अर बे कंय्यांको काम कर्या ही इकी परख आगऊँ होसी।

यहून्ना 17:10

बे सगळा जखा मेरा ह बे थारा हीं अर जखा थारा हीं बे मेरा ह, बाकै जरिए मनै मेमा मिली।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

2 थिसलूनिकी 2:13

पण परबु का लाडला बिस्वास्यो, थारै ताँई म्हानै सदाई परमेसर को धनेवाद करतो रेह्णो ह, क्युं क परमेसर खुदकी पबितर आत्मा की सक्‍तिऊँ थानै बचार बिका पबितर मिनख होबा अर छुटकारा का पेला फळ होबा ताँई पेल्याऊँ टाळ लिओ ह, क्युं क थे सच प बिस्वास कर्यो ह।

1 कुरन्थीयो 1:6

क्युं क मसी क बारां म थारै मांयनै, म्हारो संदेस पक्को साबित होयो ह।

2 तिमूतियूस 1:18

परमेसर बिपै मसी क ओज्यु आबाळा दिन दया करै! अर तू बी सूल जाणै ह क बो इफिसुस म मेर ताँई काँई-काँई कर्यो।

2 तिमूतियूस 1:12

अर इ बजेऊँई म अ सगळा दुख उठाऊँ हूँ। पण म इ ताँई सरमिंदा कोनी, क्युं क म जाणू हूँ क, मेरो बिस्वास किमै ह, अर म इ बात ताँई पक्को हूँ क, जोक्यु बो मनै सूप्यो ह बिनै मसी क ओज्यु आबाळा दिन ताँई बचाबा को बळबूतो राखै ह।

2 थिसलूनिकी 1:12

जिऊँ आपणा परमेसर अर परबु ईसु मसी की दयाऊँ आपणा परबु ईसु को नाम थारै म मान पावै अर थे बिमै मान पावो।

1 थिसलूनिकी 2:13

म्हें इ ताँई बी थारै ताँई परमेसर को धनेवाद करता कोनी रूकां, क जद म्हें थानै परमेसर को चोखो समचार सुणायो हो जणा थे इनै मिनखा कानि को कोनी जाण्या पण परमेसर को जा'णर इनै मान्या अर सच बी ओई ह, इ बजेऊँ परमेसर थारै म जखा बिस्वास करो हो काम करै ह।

1 थिसलूनिकी 2:1

मेरा लाडला बिस्वास्यो, आ बात थे खुदई जाणो हो क म्हारो थारै कनै आबो अळीयो कोनी गयो।

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

इफिसुस 3:16

परमेसर आपकी मेमा का धनऊँ बिकाळी पबितर आत्माऊँ थानै आ सक्‍ति देवै जिऊँ थे थारा खुदका मांयला मिनख म सक्‍ति पार तगड़ा होता जाओ।

इफिसुस 3:10

जिऊँ परमेसर का भात-भात का ज्ञाननै बिस्वास्या की बिस्वासी मंडळी क हाताऊँ उपरी सक्‍तिया प राज करबाळा अर अधिकार्यानै बतावै।

इफिसुस 2:7

ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै।

इफिसुस 1:14

आ पबितर आत्मा इ बात की जामनी ह क परमेसर आपका मिनखा ताँई जखो बादो कर्यो ह बो पूरो होज्यासी, अर आपणानै ओ बिस्वास दिलावै क जखा बी बिका ह बानै परमेसर पूरो-पूरो छुटकारो दिलासी जिऊँ बिकी मेमा की जे-जैकार होवै।

इफिसुस 1:12

जणाई म्हें मसी प आस लगाबाळा पेला हां, परमेसर की मेमा ताँई जे-जैकार करां हां।

इफिसुस 1:6

परमेसर की मेमाभरी दया ताँई बिकी जे-जैकार होवै, जखी बिका लाडला बेटा म आपानै सितमित म मिली ह!

गलातियो 1:24

अर बे मेरी बजेऊँ परमेसर की बडाई करबा लाग्या।

यहून्ना 11:4

जद ईसु इकै बारां म सुण्यो जणा बोल्यो, “आ बिमारी लाजर की मोत ताँई कोनी ह, पण आ परमेसर की मेमा ताँई ह, जिऊँ क बिका बेटा की मेमा हो।”

लूका 10:12

म थानै बिस्वास दिवाऊँ हूँ न्यायहाळै दिन सदोमऊँ बेत्ती, बि नगरी की दसा बुरी होसी।

मत्ती 25:31

“मिनख को बेटो जद ओज्यु आसी। जणा बो आपकी मेमा अर ईस्बर नगरी दुता क सागै आसी। बो एक राजा की जंय्यां आपका मेमाभर्या सिंघासन प बेठसी।

मत्ती 24:36

“बि दिन अर बि घड़ी क बारां म कोईबी कोनी जाणै। नइ तो ईस्बर नगरी दुत अर नइ बेटो पण परम-पिताई जाणै ह।

मत्ती 7:22

बि न्यायहाळै दिन बोळा मिनख मनै खेसी, ‘परबु हे परबु! म्हें थारै नामऊँ थारी बाता कोनी बताया हा के? अर थारै नामऊँ ओपरी बलायानै कोनी भगाया के? अर थारै नामऊँ बोळासारा ताजूब का काम कोनी कर्या हा के?’

मत्ती 16:27

जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।”

मत्ती 16:28

ईसु बाऊँ बोल्यो, “म थानै सची खेऊँ हूँ अठै खड़्या मिनखा मऊँ कई तो अंय्यां का हीं क बे जद ताँई मिनख का बेटानै बिका राज म आतो नइ देखलीं जद ताँई बे कोनी मरै।”

1 थिसलूनिकी 2:12

थारै मऊँ हरेकनै हिमत बंधाता, तसली देता अर समजाता हा क थारो चाल-चलन परमेसर जोगो होवै जखो थानै आपका राज अर मेमा म बुलावै ह।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।