2 पतरस 3:7 - जीवन को च्यानणो (सेकावाटी नया नियम की पोथ्या)

⁷ पण आज का आसमान अर धरती बिका बचनऊँ इ ताँई बणाएड़ा हीं क, बे बाळ्या ज्यावीं। अर अ जद ताँई अंय्यांई रेह्सी जद ताँई पापी मिनखा को न्याय अर बाको नास नइ होज्यावै।

2 पतरस 3:7 Referans Kwoze

2 पतरस 3:10

परबु क ओज्यु आबा को दिन चोर की जंय्यां चाणचुक आज्यासी। बि दिन आसमान जोरऊँ गरजसी अर बो सुजसी कोनी। अर आसमान म जत्ता बी गरह ह बे तपर पिघळ ज्यासी, अर आ धरती अर इपै जोक्यु बी ह बो सक्यु बळ ज्यासी।

2 पतरस 3:12

अर थानै परमेसर का न्याय का दिननै उडिकबो चाए। बो दिन तावळो आवै इकी थानै कोसिस करबो चाए। बि दिन आसमान आगऊँ बळ ज्यासी अर बाकी की चिजा पिघळ ज्यासी।

दरसाव 21:1

इकै पाछै म एक नई ईस्बर नगरी अर धरतीनै देख्यो। पेलड़ी ईस्बर नगरी अर पेलड़ी धरती कोनी री, अर समदर बी कोनी रिह्यो।

मत्ती 24:35

अकास अर धरती टळ ज्यासी पण मेरी बाता कोनी टळै।

2 पतरस 2:9

अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

दरसाव 20:11

इकै पाछै म बडोसारो धोळो सिंघासन अर बिकै उपर जखो बेठ्यो हो बिनै देख्यो। बिकै सामैऊँ आसमान अर धरती भाग छुट्या अर बाको नामो निसानई कोनी रिह्यो।

मत्ती 12:36

पण न्यायहाळै दिन सगळा मिनखानै आपकी खेईड़ी बुरी बाता को लेखो देणो पड़सी।

यहूदा 1:7

परमेसर इजरायल का बा मिनखा अर बा ईस्बर नगरी दुता की जंय्यां, सदोम अर अमोरानै अर बिकै कनै की नगर्या का मिनखानै जखा कुकरम करता हा, अर बुरा कामा क गेल भागता हा, बानै कदैई नइ बुत्तबाळी आग म झोकर सजा दिनी। जिऊँ अ बाता ओरा ताँई सबक होवै।

1 तिमूतियूस 6:9

पण जानै धन भावै, बे लालच अर उजाड़बाळी बोळी बुरी इंछ्या म पड़ीं, जखी मिनखनै बरबादि अर बिनास क गर्त म गेरै ह।

फलिपी 1:28

थे थारा बेरीयाऊँ कंय्यांई कोनी डरो ओ बा ताँई इ बात को सबूत ह क बे हार ज्यासी अर थे जीत ज्यास्यो, क्युं क आ जे परमेसर थानै देवै ह।

1 यहून्ना 4:17

इऊँ आपणा म परेम साबित होयो ह क, जद न्याय होसी जणा बिस्वास म बण्या रेह्‍वां, क्युं क आपा बंय्यांई इ दुनिया म जीवन जीवां हां जंय्यांकी मसी जीवन जियो हो।

2 थिसलूनिकी 2:3

क्युंबी हो, बाकी बाताऊँ मना भेक जाज्यो। क्युं क आ बात जद ताँई पूरी कोनी होवै जद ताँई परमेसर को बिरोद करबाळा सगळा मिनख चोड़ा म नइ आज्यावीं, सागै की सागै आबी जरूरी ह क बो एक मिनख परगट होसी जखो परमेसर का सगळा नियम कायदानै तोड़सी जिकी सजा नरक म जुग-जुग ताँई ह।

रोमीयो 2:5

पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।

मरकुस 6:11

अर कोई गाँव अर नगरी म थारी आवभगत नइ होवै जणा थे बि नगरी अर गाँवऊँ बारनै चल्या जाओ अर बाकै खिलाप बानै चेताबा ताँई थे थारै पगा की धूळ बी बठैई झाड़ दिज्यो।”

मत्ती 11:24

पण म थारूँ खेऊँ हूँ न्यायहाळै दिन थारा मिनखा की दसा सदोम नगरी का मिनखाऊँ बेत्ती खराब होसी।”

मत्ती 11:22

पण न्यायहाळै दिन थारी दसा सूर अर सैदाऊँ बोळी बेत्ती बुरी होसी।

मत्ती 10:15

म थारूँ सची खेऊँ हूँ जद न्याय होसी, बि दिन बि नगरी की दसा सदोम अर अमोरा नगरीऊँ बी बेकार होसी।

दरसाव 17:11

अर बो खुखार ज्यानबर जखो पेला जिंदो हो, पण इब कोनी, बो खुद आठूओ राजा ह ओ बा सात्यु राजा की जंय्यांई बुरो होसी अर, इको बी नास कर दिओ जासी।

दरसाव 17:8

जि खुखार ज्यानबरनै तू देख्यो ह, बो पेली हो इब कोनी पण बो जिंदो होर पताळऊँ ओज्यु आसी अर बिको नास होज्यासी। अर धरती प रेह्बाळा बे मिनख जाका नाम जुगादऊँई जीवन की पोथी म कोनी मांडेड़ा बे इ खुखार ज्यानबरनै देखर ताजूब करसी, क्युं क ओ पेला जिंदो हो पण इब कोनी पण बो आबाळो ह।

यहून्ना 12:48

बे जखा मनै अर मेरा बचनानै कोनी मानी, बाको न्याय करबाळो एक ह, बोई बाको न्याय करसी। मेरा बोल जखा म बोल्यो हो, बेई बानै आखरी दिन दोसी बतासी!

1 कुरन्थीयो 3:13

जणा हरेक का काम सामै आसी, क्युं क न्यायहाळो दिन आगऊँ आनै चोड़ा म ल्यासी। अर बे कंय्यांको काम कर्या ही इकी परख आगऊँ होसी।

इबरानीआ 12:29

क्युं क आपणो परमेसर भसम करबाळी आग ह।