2 पतरस 3:16 - जीवन को च्यानणो (सेकावाटी नया नियम की पोथ्या)

¹⁶ पोलुस आपकी सगळी चिठी म आ बाता किई चरचा करी ह, अर जामै कत्ती बाता तो अंय्यां की ह जानै समजबो ओखो ह। अज्ञानी अर जखा मजबूत कोनी बे मिनख बाको गळत मतबल लगार खुदनै नास करीं हीं। बे दुसरा सास्तर की सीखनै मानी हीं।

2 पतरस 3:16 Referans Kwoze

मत्ती 15:6

इ बात की बजेऊँ बिनै बिका माँ-बाप को मान करबा की जुर्त कोनी अंय्यां कर थे थारा रिती-रिवाजऊँ परमेसर का हुकमानै कोनी मानो।

इबरानीआ 5:11

आकै बारां म खेबा ताँई म्हारै कनै बोळी बाता हीं, पण थानै समजाबो दोरो ह क्युं क थे सुणबा म कचा हो।

2 पतरस 2:14

बे सदाई बि कुकरमी लूगाई की तक म रेह्‍वै जिकै सागै अ कुकरम कर सकै। अर बे पाप कर्या बिना कोनी सकै। अ भोळा-भाळा मिनखानै भूळा-फुसळार आपकै सागै कर लेवीं हीं आको हियो लालची ह अ सराप की ओलाद हीं।

याकूब 1:8

बो मिनख दो मन हाळो ह अर बिना पिंदा को ह।

फलिपी 3:19

अर बे नरक म नास होबा जार्या हीं। क्युं क बाको पेटई बा ताँई परमेसर ह। जखी बाता प बे घमंड करीं हीं बा बाता प बानै सरम आणी चाए अर बे संसार की चिजा क बारां मई सोचीं हीं।

1 पतरस 2:8

अर सास्तर म अंय्यां बी मांडेड़ो ह, “ओ बो भाठो ह जखो मिनखानै ठोकर खुवावै, आ बा ढाड ह जखी मिनखानै तळै पटकै ह।” बे ठोकर खावीं हीं, क्युं क बे परमेसर का बचन प कोनी चालीं जि बजेऊँ बे बि मोत को मुंडो देखी हीं, जखी अंय्यां का मिनखा ताँई त्यार करी गई ह।

मत्ती 22:29

ईसु बाऊँ बोल्यो, “थे गळत हो। थे नइ तो सास्तरानै जाणो अर नइ परमेसर की सक्‍तिनै।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

2 पतरस 2:1

बि टेम का बी मिनखा म झूठा परमेसर की खेबाळा हा जंय्यां क आज थारै मांयनै झूठी सीख देबाळा हीं। बे नास करबाळा अर ओलैछानै पाखंड करसी, बे बि मालिक बेई नटसी जखो बानै मोल लिओ हो, अंय्यां बे तावळाई खुदको नास कर लेसी।

मत्ती 15:3

ईसु बाऊँ बोल्यो, “थे थारा बडका का रिती-रिवाजनै मानर परमेसर का हुकमानै तोड़ द्‍यो हो।

1 पतरस 1:1

म ईसु मसी को भेजेड़ो चेलो पतरस, आ चिठी परमेसर का टाळेड़ा मिनखानै मांडूँ हूँ। जखा पिन्तुस, गलातिया, कपुदूकिया, एसिया अर बितूनिया परदेसा म तीनतेरा होगा।

2 पतरस 3:2

जिऊँ थे बा बातानै जानै परमेसर की खेबाळा पेल्याई खे दिआ हा याद राख सको अर परबु, अर आपणानै छुटकारो देबाळा का हुकमनै याद राखो जखो थानै भेजेड़ा चेला की बजेऊँ दिओ हो।

2 पतरस 3:14

ओ लाडलो, थे आ बाता की आस देखो हो, जणा कोसिस करो क परमेसर की नजर्या म खरा, बेदाग अर स्यांतीऊँ रेह्बाळा बाजो।