2 पतरस 2:3 - जीवन को च्यानणो (सेकावाटी नया नियम की पोथ्या)

³ अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

2 पतरस 2:3 Referans Kwoze

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

1 थिसलूनिकी 2:5

थे इ बातनै सूल जाणो हो क म्हें कदैई लालाचोपड़ी की बाता कोनी करी। अर नइ म्हें अंय्यां की कोई बाता बोली जिऊँ थारो धन लूटां , अर आ बाता को परमेसरई गुवा ह।

रोमीयो 16:18

क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं।

यहूदा 1:15

सगळा को न्याय करसी। बो बा सगळा मिनखानै जखा परमेसरनै कोनी मानी बाका बुरा करमा की सजा देसी, जखा बे कर्या हीं। परबु पक्काईऊँ परमेसरनै नइ मानबाळा मिनखानै बाका हरेक बुरा बोल ताँई सजा देसी जखा परबु बेई बे बोल्या ह।”

तितूस 1:11

ओ जरूरी होगो ह क बाको मुंडो बंद कर्यो जाय। क्युं क बे पिसा कमाबा क चकरां म आपकी सीखऊँ घर-घरनै सई सीख प बिस्वास कोनी करबा दे।

1 तिमूतियूस 6:5

अर बा मिनखा म राड़ होवै ह जाकी मत्ती मारी गई ह, अर जखा सचऊँ दूर होगा हीं, बे सोचीं हीं क, परमेसर की सेवा धन कमाबा को सादन ह।

2 पतरस 2:9

अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

2 पतरस 2:1

बि टेम का बी मिनखा म झूठा परमेसर की खेबाळा हा जंय्यां क आज थारै मांयनै झूठी सीख देबाळा हीं। बे नास करबाळा अर ओलैछानै पाखंड करसी, बे बि मालिक बेई नटसी जखो बानै मोल लिओ हो, अंय्यां बे तावळाई खुदको नास कर लेसी।

2 पतरस 1:16

म्हें थानै आपणा परबु ईसु मसी की सक्‍ति क बारां म अर बिकै ओज्यु आबा क बारां म जखो समचार सुणाया हां, बा कोई मन घड़त क्हाणी कोनी ही, पण म्हें खुद बिकी मेमानै म्हारी आँख्याऊँ देख्या हां।

1 पतरस 5:2

म थानै समजाऊँ हूँ क परमेसर की बिस्वासी मंडळी की जखी थारी देखरेख म ह बिकी रूखाळी करो। अर ओ काम कोईकै दबाव म आर मना करो पण परमेसर की इंछ्याऊँ राजी होर करो, अर धन का लालच की बजेऊँ ओ काम मना करो पण मन लगार इ कामनै करो।

तितूस 1:7

परमेसर का कामनै आपका हाता म लेबाळा भंडारी ताँई ओ जरूरी ह क बिमै कोई एब नइ हो। बो घमंड करबाळो नइ होवै, नइ तावळोई ताव खाबाळो होवै, नइ दारूड़ो, नइ मारपीट करबाळो अर नइ पिसा को लालची।

यहूदा 1:11

बापै स्यामत पड़सी! अ मिनख तो कैन की जंय्यांई बुराई का गेला प चालीं हीं, अर अ धन का लालच म बिलाम की जंय्यांई पाप करीं हीं। अ मिनख परमेसर क सामै होगा हीं जंय्यां कोरह होयो हो। जणा आ सगळी बाता बेई आको बी नास कर्यो जासी।

यहूदा 1:7

परमेसर इजरायल का बा मिनखा अर बा ईस्बर नगरी दुता की जंय्यां, सदोम अर अमोरानै अर बिकै कनै की नगर्या का मिनखानै जखा कुकरम करता हा, अर बुरा कामा क गेल भागता हा, बानै कदैई नइ बुत्तबाळी आग म झोकर सजा दिनी। जिऊँ अ बाता ओरा ताँई सबक होवै।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

1 पतरस 2:8

अर सास्तर म अंय्यां बी मांडेड़ो ह, “ओ बो भाठो ह जखो मिनखानै ठोकर खुवावै, आ बा ढाड ह जखी मिनखानै तळै पटकै ह।” बे ठोकर खावीं हीं, क्युं क बे परमेसर का बचन प कोनी चालीं जि बजेऊँ बे बि मोत को मुंडो देखी हीं, जखी अंय्यां का मिनखा ताँई त्यार करी गई ह।

1 तिमूतियूस 3:8

बिस्वासी मंडळी का सेवक बी सचा अर ईज्जत हाळा होणा चाए; बे पिसा का भूखा अर घणी अँगूरी पीबाळा नइ हो;

1 तिमूतियूस 3:3

बो दारूड़ो नइ हो, मारपीट करबाळो नइ हो, पण दयाऊँ भरेड़ो अर स्यांतीऊँ रेह्बाळो होवै, बिको मो रिपीआ म नइ होवै।

1 थिसलूनिकी 5:3

जद मिनख खेसी, “सक्यु चोखो ह, अर क्युंई डर कोनी,” जणा बापै चाणचुक परकोप आ पड़सी जंय्यां चाणचुकै पेटहाळी क दरद चालू होवीं हीं। अर बे कंय्यांई कोनी बचसी।

यहून्ना 2:16

अर कबूतर बेचबाळानै बोल्यो, “आनै लेर अठैऊँ चल्या जाओ। मेरा परम-पिता का घरनै बजार बणाबा की थारी हिमत कंय्यां होई?”

लूका 22:47

बो हाल बोलर्योई हो, क बठै भीड़ भेळी होगी अर बि भीड़ क आगै-आगै यहूदा होर्यो जखो बा बारा चेला मऊँ एक हो। बो ईसु कनै आर बिको माखो ले लिओ।

लूका 20:20

अर बे सगळा इ ताक म रेह्बा लागगा की बो कोई गळती करै। बे जासुसानै हक देर बिकै गेल छोड्या। जखा ईमानदारी ताँई जाण्या जाता हा। अर इ आस म की बे ईसुनै बाता म फसार बिऊँ क्युं गळत खुवा देसी। जिऊँ बे बिनै रोमी सरकार क हाता म सूप दिं।

लूका 18:8

म थारूँ खेऊँ हूँ बो बेगोई बाको न्याय चुकासी। पण मिनख का बेटानै जद बो इ धरती प आसी जणा बिस्वास लाधसी के?”

यहूदा 1:16

क्युं क अ मिनख बड़बड़ाबाळा, दुसरा मिनखा म दोस ढुंढबाळा, आपकी इंछ्यानै पूरी करबा बेई जिबाळा, बडा-बडा बोल बोलबाळा अर आपका फायदा ताँई दुसरा की चमचागरी करबाळा हीं।