2 पतरस 2:1 - जीवन को च्यानणो (सेकावाटी नया नियम की पोथ्या)

¹ बि टेम का बी मिनखा म झूठा परमेसर की खेबाळा हा जंय्यां क आज थारै मांयनै झूठी सीख देबाळा हीं। बे नास करबाळा अर ओलैछानै पाखंड करसी, बे बि मालिक बेई नटसी जखो बानै मोल लिओ हो, अंय्यां बे तावळाई खुदको नास कर लेसी।

2 पतरस 2:1 Referans Kwoze

मत्ती 7:15

“थे बा परमेसर की खेबाळाऊँ बचर रेहज्यो जखा झूठ बोलै ह! बे लल्डी की खोळ म पाड़ खाबाळा ल्याळी हीं।

यहूदा 1:4

पण थारै म अंय्यां का मिनख घुसगा हीं, जिकै बारां म सास्तर म पेल्याऊँई मांडेड़ो ह क, बानै सजा मिलसी। बे परमेसरनै कोनी मानी अर आपणा परमेसर की दयानै कुकरम करबा ताँई हरी झंडी मानी हीं। बे आपणा परबु जखो आपणो मालिक ह बि ईसु मसीनै मानबाऊँ बी मना करीं हीं।

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

2 तिमूतियूस 4:3

अंय्यां को टेम आर्यो ह जद मिनख चोखी सीखनै कोनी सुणसी, पण इकी झघा बे खुद ताँई अंय्यां का सीखाबाळा ढुंढलेसी। अंय्यां का सीखाबाळा बानै बे बाताई बतासी जखी सुणबो बानै चोखो लागै ह।

मत्ती 24:11

बोळा झूठा परमेसर की खेबाळा आसी अर लोगानै भटकासी।

गलातियो 2:4

म्हें बठै बा मिनखा की बजेऊँ गया जखा म्हारै बिचमै ओलै-छानै मसी ईसु क गेल चालबाळा बणर आगा हा। अर बे अंय्यां इ बजेऊँ कर्या क मसी ईसुऊँ आबाळी अजादि को चोखो समचार जखो म्हानै मिल्यो ह बिको भेद लेर म्हानै दास बणावै।

1 कुरन्थीयो 11:19

क्युं क इमै कोई सक कोनी क थारै मांयनै मतभेद कोनी, जिऊँ जखा मिनख खरा हीं बे सामै आ सकै।

1 यहून्ना 4:1

लाडलो, हरेक मिनख की बाता को बिस्वास मना करो जखो खेवै ह क, म, आत्माऊँ बोलुँ हूँ। पण सदाई बाकी आत्मानै परखो अर देखो क बामै परमेसर ह क कोनी। म थारूँ अंय्यां इ ताँई खेर्यो हूँ, क्युं क इ दुनिया म बोळा झूठा परमेसर की खेबाळा घुमर्या हीं।

कलुसीयो 2:8

सचमई मसी ईसु जखो मिनख बणर आयो बिमै परमेसर को सगळो सुभाव भरपूरी क सागै बास करै ह। इ ताँई थे बेमतबल की जिरै-बाजीऊँ समळर रेह्ओ कदै कोई थानै आको गुलाम नइ बणाले क्युं क अ मसी कानिऊँ नइ पण मिनखा का रिती-रिवाजा अर जगत प राज करबाळी आत्मा कानिऊँ आवै ह।

तितूस 3:10

फूट गेरबाळा मिनखनै चिता अर ज बो एक बर म नइ मानै जणा बिनै दुसरकै चिता जद बो दुसरकै बी नइ मानै जणा बिऊँ किनारो करले।

तितूस 1:11

ओ जरूरी होगो ह क बाको मुंडो बंद कर्यो जाय। क्युं क बे पिसा कमाबा क चकरां म आपकी सीखऊँ घर-घरनै सई सीख प बिस्वास कोनी करबा दे।

फलिपी 3:19

अर बे नरक म नास होबा जार्या हीं। क्युं क बाको पेटई बा ताँई परमेसर ह। जखी बाता प बे घमंड करीं हीं बा बाता प बानै सरम आणी चाए अर बे संसार की चिजा क बारां मई सोचीं हीं।

1 कुरन्थीयो 6:20

क्युं क परमेसर थारी किमत चुकार थानै मोल लिआ ह। इ ताँई थे थारी कायाऊँ परमेसर की मेमा कर्या करो।

मरकुस 13:22

थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

दरसाव 2:9

म थारा दुख अर गरीबी क बारां म जाणू हूँ, इकै वावजुद बी थे भर्यापूरा हो। अर जखा खुदनै यहूदि खेवै ह पण बे ह कोनी, म बा मिनखा की बुरी बातानै बी जाणू हूँ जखी थारै बेई बे करै ह, बे सेतान की बिस्वासी मंडळी ह।

इबरानीआ 10:29

जणा थे सोचो बो कत्ती सजा भोगसी जखो आपका पगा तळै परमेसर का बेटानै चिथ्यो, अर बि नया करार का लोयनै जखो बिनै पबितर कर्यो हो सूगलो जाण्यो, अर दया करबाळी पबितर आत्मा को अनादर कर्यो।

कलुसीयो 2:18

जखो मिनख देख-दिखावा की नरमाई बरतै अर ईस्बर नगरी दुतानै पूजबा को काम करै ह बिनै थारा इनाम पाबा म रोड़ो मना बणबा द्‍यो। अंय्यांलको मिनख सदाई बा दिव्य दरसावा की फांप मारतो रेह जखा बो देख्या हा अर बो आपका अर मिनखा का बिचार म झूठोई गुमान म फुल्यो रेह्‍वै ह,

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

मत्ती 10:33

पण जखो बी मिनख मनै लोगा क सामै कोनी मानसी जणा म बी ईस्बर नगरी म रेह्बाळा परम-पिता क सामै बिनै कोनी मानस्युं।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

दरसाव 2:13

म जाणू हूँ क, तू बठै रेह्‍वै ह जठै सेतान को सिंघासन ह। इकै वावजुद बी तू मेरै नाम प सचो बिस्वास करै ह। तेरी नगरी म सेतान को सिंघासन ह जठै मेरा बिस्वास जोगा दास अन्तिपासनै मार्यो गयो जणाबी तू मेर प बिस्वास करबो कोनी छोड्यो।

यहूदा 1:18

बे थानै खया हा क, “आखरी दिना म अंय्यां का मिनख बी आसी जखा परबु अर बिका मिनखा को तमासो बणासी, परमेसरनै नइ मानबाळा बे मिनख आपकी बुरी इंछ्या गेल मन मरजी करसी।”

1 यहून्ना 2:26

म अ बाता बा मिनखा बेई थानै मांडी ह जखा थानै भंगराबा की कोसिस करीं हीं।

1 पतरस 1:8

थे बिनै बिना देख्याई परेम करो हो, अर अठै ताँई बिनै बिना देख्या बिपै बिस्वास कर अंय्यां राजी होवो हो, जिको बखान कोनी कर्यो जा सकै। अ बाता मेमाभरी ह।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

गलातियो 5:20

मूरती पूजा, जादू-टोणो, बैर भाव, राड़-झगड़ा, बळोकड़ोपूणो, झाळ्या भरबो, फूट गेरबो, भेद-भाव करबो, होड करबो,

गलातियो 4:17

बिधी-बिधान प चलाबाळा मिनख थार म मो तो राखै ह पण बाकी नीत सई कोनी। बे थानै मेरूँ न्यारो करबो चावीं हीं, जिऊँ थे बी बामै मो घालल्यो।

रोमीयो 16:18

क्युं क अंय्यां का मिनख आपणा परबु मसी की नइ पण आपकी इंछ्या की सेवा करीं हीं। अर अ आपकी मिठी-मिठी अर चापलुसी की बाताऊँ भोळा-भाळा मिनखा को हियो छळी हीं।

लूका 21:8

ईसु बोल्यो, “चोकन्ना रेहज्यो कदै कोई थानै भंगर्या म नइ गेर दे, क्युं क मेरा नामऊँ बोळा आसी अर खेसी बे मसी हीं, अर बा घड़ी आगी ह। पण थे बाकै गेल मना होज्याज्यो।

लूका 6:26

हाय ह थार प जाकी सगळा मिनख बडाई करीं हीं, क्युं क बाका बाप-दादा बी बा मिनखा क सागै अंय्यांई करता हा जखा खेता हा, म्हें परमेसर कानिऊँ बोलां हां पण बे सचमई परमेसर की खेबा की बजाय खुदकी खेता हा।

मत्ती 24:5

म थानै अंय्यां इ ताँई बोलुँ हूँ क्युं क मेरै नामऊँ बोळा आसी अर खेसी, ‘म मसी हूँ।’ अंय्यां बोलर बे बोळा मिनखानै धोको देसी।

गलातियो 3:13

मसी आपणा सरापनै आपकै उपर लेर आपानै नेम-कायदा का सरापऊँ अजाद कर दिओ। क्युं क पबितर सास्तर म मंडेड़ो ह क, “जखो बी सुळी प लटकायो जासी बो सरापित ह।”

1 कुरन्थीयो 7:23

परबु थारो मोल देर थानै मोल लिआ ह। इ ताँई मिनखा का गुलाम मना बणो।

दरसाव 3:8

म तेरा करमानै जाणू हूँ। म तेरै सामै एक दरूजो खोल्यो हूँ जिनै कोईबी कोनी जुड़ सकै। म जाणू हूँ क तेरै कनै थोड़ीई ताकत ह पण तू मेरा हुकमानै मान्यो ह, अर मेरो नाम लेबो कोनी छोड्यो।

लूका 12:9

पण जखो मिनखा क सामै मनै कोनी मानसी। जणा म बी बिनै परमेसर का ईस्बर नगरी दुता क सामै कोनी अपणास्युं।

1 तिमूतियूस 5:8

पण ज कोई आपका रिस्तेदारा की, खासकर आपका घरहाळा की साळसमाळ नइ करै जणा बो बिस्वासऊँ मुकरगो ह अर बो एक बिस्वास नइ करबाळाऊँ बी भत्तर होगो ह।

दरसाव 6:10

बे जोर-जोरऊँ हेलो पाड़र्या हा, “ओ पबितर अर सचा परबु, थे कद न्याय करस्यो? इ धरती का मिनखा को न्याय अर जखा म्हानै मार्या हा बानै कद सजा देस्यो?”