2 यहून्ना 1:12 - जीवन को च्यानणो (सेकावाटी नया नियम की पोथ्या)

¹² थानै मांडबा ताँई तो मेरै कनै ओर बी बोळो क्युं ह, पण म बानै कागद प स्याईऊँ मांडबो कोनी चाऊँ। इकै बदलै म आ आस करूं हूँ क म थारै कनै आर आमै-सामै बतळाऊँ जिऊँ क आपा राजी होवां।

2 यहून्ना 1:12 Referans Kwoze

यहून्ना 16:12

“बताबा ताँई मेरै कनै बोळी बाता हीं पण थे बानै इबी कोनी सेह सको।

यहून्ना 15:11

म आ बात थारूँ इ ताँई बोल्यो, क मेरी खुसी थानै मिलै, अर थे सची खुसीऊँ भरपूर होज्याओ।

1 यहून्ना 1:4

अर म्हें थानै अ बाता इ ताँई मांडां हां क आपणो राजी होबो पूरो होज्या।

इबरानीआ 13:19

म ओज्यु थारूँ बोळी अरदास कर खेऊँ हूँ क, थे अरदास कर्या करो, जिऊँ क म थारै कनै तावळोई आ सकूँ।

रोमीयो 15:24

म आस करूं हूँ क स्पेन जाती टेम म थारूँ मिलूँ। अर थारै सागै क्युंक दिन रूकबा को सुक उठाबा क पाछै म आस करूं हूँ क आगै का सफर ताँई मनै थारूँ मदद मिलै।

यहून्ना 17:13

“इब म थारै कनै आर्यो हूँ पण अ बाता म इ जगत म रेह्ता-सेह्ता बोलुँ हूँ, जिऊँ क बाको हियो मेरी खुसीऊँ भरज्या।

यहून्ना 16:24

हाल ताँई थे मेरा नामऊँ क्युंई कोनी माँग्या। माँगो थानै मिलसी जिऊँ थे राजी-खुसी रेह्‍वो।

इबरानीआ 13:23

अर म चाऊँ हूँ क थानै खबर लागै क आपणो बिस्वासी भाई तिमूतियूस छुटगो ह। अर ज बो तावळोई मेरै कनै आसी जणा म बी बिकै सागै थारूँ मिलबा आस्युं।

फिलेमोन 1:22

मेरै ताँई एक कोठो त्यार राखजे, क्युं क मनै आस ह की थारी अरदास की बजेऊँ थारूँ मिलस्युं।

2 तिमूतियूस 1:4

मेरै कनैऊँ जाती टेम का तेरा आसुआनै याद कर मेरै हिया म आ इंछ्या होवै क, म तनै देखूँ अर राजी होऊँ।

यहून्ना 3:29

बिंद बोई ह जिकै बिनणी ह। पण बिंद को भाईलो जखो खड़्यो होर बिकी सुणै ह, बो जद बिंद बोलै जणा बिकी उवाज सुणर राजी होज्यावै ह। ठिक बंय्यांई म बी राजी होयो।

3 यहून्ना 1:10

इ ताँई जद म आस्युं जणा बतास्युं क बो काँई-काँई करै ह। बो म्हारै बारां म भड़काबाळी बाता फेलावै ह। बो आई कोनी करै पण बिस्वासी भाया की बी आवभगत कोनी करै। अर जखो कोई बाकी आवभगत करबो बी चावै ह बानै बो करबा कोनी देवै अर बो बानै बिस्वासी मंडळी क बारनै काड देवै ह।