2 कुरन्थीयो 8:9 - जीवन को च्यानणो (सेकावाटी नया नियम की पोथ्या)

⁹ क्युं क थे आपणा परबु ईसु मसी की दयानै जाणो हो। बो सक्याको मालिक होर बी थारै ताँई गरीब बण्यो। जिऊँ थे बिकी गरीबी की बजेऊँ हर चिज का धणी बण सको।

2 कुरन्थीयो 8:9 Referans Kwoze

रोमीयो 8:32

जखो आपका बेटानै बी आपणा सगळा ताँई मरबानै दे दिओ। जणा पाछै बो बिकै सागै आपानै सक्यु क्युं कोनी देसी?

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

रोमीयो 5:8

पण परमेसर आपणाऊँ अंय्यां को परेम कर्यो क जद आपा पापीई हा बि टेम का बो मसीनै आपणै ताँई मरबा भेज्यो।

2 कुरन्थीयो 6:10

म्हारा हिया म पिड़ा ह पण म्हें सदाई राजी रेह्‍वां हां, म्हें कंगला की जंय्यां दिखां हां पण ओरानै पिसाळा बणा देवां हां, म्हें रिता हात दिखां हां पण म्हारै कनै सक्यु ह।

इफिसुस 2:7

ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै।

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

1 तिमूतियूस 6:18

चोखा काम करबा ताँई बानै आदेस दे, जिऊँ बे चोखा काम करबाळा, दान देबाळा अर हियाऊँ देबाळा होवीं।

2 कुरन्थीयो 13:14

परबु ईसु मसी की दया अर परमेसर को परेम अर पबितर आत्मा को संगरो थारै सगळा क सागै होतो रेह्‍वै।

लूका 16:11

खेबा को मतबल ओ ह की जद थे दुनिया का धन मई बिस्वास जोगा कोनी रिह्या जणा थार प कूण बिस्वास करसी क थे बि सचा धन म बिस्वास जोगा हो सको हो?

इबरानीआ 1:2

पण आ आखरी दिना म परमेसर आपका बेटा क जरिए आपणाऊँ बातचित करी। बिनै बो सगळी चिजा को वारिस बणायो अर बिकै जरिए बो सगळी सरस्टिनै रच्यो।

लूका 9:58

ईसु बिऊँ बोल्यो, “गादड़ा की घुर अर अकास म उडबाळा पंछ्या का घुरस्ळा होवीं पण मिनख का बेटा को तो सीर लुखाबा को बी ठिकाणो कोनी।”

दरसाव 3:18

इ ताँई म तनै सला देऊँ हूँ क, तू मेरूँ आगऊँ तपाईड़ो सोनो मोल लेले जिऊँ तू पिसाळो होज्यावै। अर पेरबा ताँई मेरूँ धोळा गाबा बी मोल लेले, जिऊँ तेरो सरमिंदगी भर्यो नंगोपुणो ढक ज्यावै। अर तेरी आँख्या म घालबा ताँई सूरमो लेले जिऊँ तनै सुजबा लागज्या।

इफिसुस 3:19

अर मसी का बि प्यार-परेमनै जाण सको जखो सगळी समजऊँ नाकै ह। अर थे परमेसर का सुभाव म भर्यापूरा होज्याओ।

1 कुरन्थीयो 1:4

थार प मसी ईसु क जरिए जखी दया करी गई ह, बि ताँई म मेरा परमेसरनै सदाई धनेवाद देऊँ हूँ।

लूका 2:7

अर बिकै पेलीपोत को छोरो होयो जिनै बा गाबा म लपेटर ल्हास म सुवायो क्युं क बानै रेह्बा की झघा कोनी मिली।

यहून्ना 16:15

बे सगळी चिजा मेरी ह जखी परम-पिता की ह जणाई तो म बोल्यो क पबितर आत्मा जोक्यु मेरूँ सुणसी बाई थानै बतासी।

यहून्ना 1:17

मूसा क जरिए परमेसर नेम-कायदा दिआ। पण दया अर सच ईसु मसी की बजेऊँ आयो।

यहून्ना 1:10

बचन जगत म हो, पण कोई बिनै कोनी जाण्यो, जदकी परमेसर बिकै जरिए इ सरस्टि की रचना करी।

मत्ती 8:20

बे बिकी इ बातनै सुणर बिऊँ बोल्यो, “गादड़ा की घुर अर अकास म उडबाळा पंछ्या का घुरस्ळा होवीं पण मिनख का बेटा को तो सीर लुखाबा को बी ठिकाणो कोनी।”

दरसाव 21:7

जखो बी जीतसी बो आ सक्याको मालिक होसी। म बाको परमेसर होस्युं अर बे मेरा टाबर होसी।

1 कुरन्थीयो 15:47

पेला मिनखनै धरती की माटीऊँ सरज्यो गयो। पण दुसरो मिनख मसी ईस्बर नगरीऊँ आयो।

रोमीयो 11:12

अंय्यां ज बाकै गळती करबा को मतबल जगत भर्योपूरो होवै अर बाकी नाकामीऊँ गैर-यहूदि मिनख भर्यापूरा होवै, इ ताँई ज बे सगळा एक सागै जुड़ज्यावै, जणा कत्ती भरपूरी होसी।

यहून्ना 17:19

म बा ताँई खुदनै पबितर कर थारी सेवा करूँ हूँ, जिऊँ सच क जरिए बे बी पबितर होर थारी सेवा कर सकीं।

यहून्ना 12:30

पण ईसु बाऊँ बोल्यो, “आ उवाज मेरै फाईदा की कोनी ह, पण थारा फाईदा की ह।

मरकुस 6:3

के ओ बोई खाती कोनी? जखो मरीयम को बेटो अर याकूब, युसूफ, यहूदा अर समोन को भाई ह। इकी भाणा आपणै सारैई कोनी रेह्‍वै के?” इ बजेऊँ बे लोग ईसु की कोनी सुणी।

मत्ती 17:27

पण आपा आको अपमान कोनी करां इ ताँई दरिआव क किनारै काँटो गेर अर जखी पेली मछी हात आवै बिको मुंडो पा'ड़र देखजे तनै बिकै मुंडा म एक सीक्को मिलसी। बिनै तेरै अर मेरै ताँई कर म दे दिजे।”

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

लूका 8:3

अर हेरोद का मुनिम खुजा की लूगाई योअन्ना, अर सुसन्ना ओर बी बोळी ही। अ सगळी लूगाया आपका बळबूता पई ईसु अर बिका चेला की मदद करती।

रोमीयो 15:3

क्युं क मसी खुदनै राजी कोनी कर्यो हो। पण जंय्यां क, पबितर सास्तर म मंडेड़ो ह, “जखा तेरो अपमान कर्यो हो, बो अपमान मेर प आ पड़्यो ह।”

दरसाव 2:9

म थारा दुख अर गरीबी क बारां म जाणू हूँ, इकै वावजुद बी थे भर्यापूरा हो। अर जखा खुदनै यहूदि खेवै ह पण बे ह कोनी, म बा मिनखा की बुरी बातानै बी जाणू हूँ जखी थारै बेई बे करै ह, बे सेतान की बिस्वासी मंडळी ह।