2 कुरन्थीयो 8:8 - जीवन को च्यानणो (सेकावाटी नया नियम की पोथ्या)

⁸ आ बात म हुकम देर कोनी खेर्यो पण इ ताँई खेर्यो हूँ क दुसरा मिनखा क खुला हियाऊँ दान देबा की बात सुणर थारै हिया म दुसरा मिनखा ताँई जखो परेम ह बि परेम की सचाई को सबूत द्‍यो।

2 कुरन्थीयो 8:8 Referans Kwoze

1 कुरन्थीयो 7:6

अर म आ बात मेरै कानिऊँ खेऊँ हूँ पण ओ हुकम कोनी ह।

इबरानीआ 10:24

आपानै ओ बी ध्यान राखबो चाए क एक दुसरानै परेम अर भला कामानै करबा ताँई कंय्यां हिमत दे सकां हां।

2 कुरन्थीयो 9:7

हर कोई बत्तोई दान दे जत्तो बो देबा की मन म करी ह। नइ बेमनऊँ अर नइ कोई क दबाव म आर, क्युं क परमेसर राजी हियाऊँ देबाळाऊँ परेम करै ह।

2 कुरन्थीयो 6:6

म्हारी खराई, ज्ञान, थ्यावस, दया, सचो परेम, सच का समचार, पबितर आत्मा,

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

इफिसुस 6:24

अर जखा आपणा परबु ईसु मसीऊँ नइ मिटबाळो प्यार-परेम राखै ह, बा सगळा प परमेसर की दया होती रेह्‍वै।

इफिसुस 4:15

पण इकी बजाय आपानै प्यार-परेमऊँ सचाईनै बतार सगळी बाता म मसी म बढणो चाए। आपा बिस्वास्या को सीर मसी ह, जिमै सगळी काया का न्यारा-न्यारा अंग एक सागै जुड़्या रेह्‍वै। आ सगळी काया जोड़ा की मददऊँ एक सागै जुड़री ह। इ ताँई जद काया का अ न्यारा-न्यारा अंग प्यार-परेमऊँ आपको काम करै जणा सगळी काया मजबूती क सागै बढै ह।

2 कुरन्थीयो 9:2

क्युं क मनै बेरो ह थे इ कामनै करबा ताँई सदाई त्यार रेह्ओ हो। जणाई म मकीदुनिया का मिनखा क सामै थारै बारां म गुमानऊँ खयो क अखाया का मिनख तो गेलड़ा बरसऊँई त्यार हीं अर थारी उजमानै देखर बोळा अंय्यां करबा ताँई आगै आया हीं।

2 कुरन्थीयो 8:24

इ ताँई थे बानै थारो परेम दिखाज्यो अर थारै बारां म म्हें जखी बडाई करां हां, बिनै बिस्वासी मंडळ्या क सामै साबित करज्यो।

2 कुरन्थीयो 8:10

इ मामला म, म मेरी राय देबा जार्यो हूँ जखी थारै ताँई फाईदा मंद ह। थे गेलड़ा बरस दान देबा की इंछ्या दिखाबा मई नइ पण दान देबा म बी सगळाऊँ आगै हा।

1 कुरन्थीयो 7:25

कुंआरी ताँई परबु क कानिऊँ मनै कोई हुकम कोनी मिल्या। इ ताँई म परबु की दयाऊँ अर बिस्वास जोगो होबा की बजेऊँ सला देऊँ हूँ।

1 कुरन्थीयो 7:12

अर इब आकै अलावा जखा मिनख रेह्गा बानै परबु कोनी पण म खेऊँ हूँ, ज कोई बिस्वासी भाईड़ा क लूगाई होवै अर बा बिस्वास कोनी करै पण बिकै सागै रेह्बा ताँई राजी ह जणा बो मिनख आपकी लूगाईनै नइ छोडै।

रोमीयो 12:9

थारो परेम सचो होवै। बुराईऊँ बेर करो अर भलाई करता रेह्ओ।