2 कुरन्थीयो 8:2 - जीवन को च्यानणो (सेकावाटी नया नियम की पोथ्या)

² मेरा खेबा को मतबल ओ ह क बा मंडळ्या का मिनख कळेस म बी बोळा राजी हा अर बे गरीब होतासोता बी दान देबा का मामला म पिछै कोनी रिह्या।

2 कुरन्थीयो 8:2 Referans Kwoze

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

दरसाव 2:9

म थारा दुख अर गरीबी क बारां म जाणू हूँ, इकै वावजुद बी थे भर्यापूरा हो। अर जखा खुदनै यहूदि खेवै ह पण बे ह कोनी, म बा मिनखा की बुरी बातानै बी जाणू हूँ जखी थारै बेई बे करै ह, बे सेतान की बिस्वासी मंडळी ह।

2 कुरन्थीयो 6:10

म्हारा हिया म पिड़ा ह पण म्हें सदाई राजी रेह्‍वां हां, म्हें कंगला की जंय्यां दिखां हां पण ओरानै पिसाळा बणा देवां हां, म्हें रिता हात दिखां हां पण म्हारै कनै सक्यु ह।

2 कुरन्थीयो 9:13

थारी इ सेवा की बजेऊँ बे परमेसरनै मेमा देसी। क्युं क बा ताँई अर सगळा बिस्वासी ताँई थारो खुला हियाऊँ दान करबो ओ साबित करै ह क थे मसी का चोखा समचार प चालबाळा हो।

1 थिसलूनिकी 1:6

थे कळेस क बावजुद बी पबितर आत्मा का दियड़ा आनंद क सागै परमेसर का बचननै मानर म्हारी अर परबु की जंय्यां चालबाळा बणग्या।

रोमीयो 12:8

ज कोईसानै दुसरानै हिमत बंधाबा को बरदान मिल्यो ह जणा बो हिमत बंधावै। ज कोईसानै दान देबा को बरदान मिलेड़ो ह जणा बो खुला मनऊँ देवै। ज कोईसानै मुख्याई करबा को दान मिलेड़ो ह जणा बो मन लगार मुख्याई करै, अर ज कोईसानै दया करबा को बरदान मिलेड़ो ह जणा बो राजी हियाऊँ दया करै।

1 थिसलूनिकी 2:14

भाई-भाणो थारै सागै बी बाई होई जखी यहूदिआ दिसावर म परमेसर की बिस्वासी मंडळी क सागै होई ही, क्युं क बे बी थारी जंय्यां मसी ईसुनै मानता हा। अर थानै बी थारा मिनखाऊँ बंय्यांई दुख मिल्यो जंय्यां बानै यहूदि मिनखाऊँ मिल्यो।

2 कुरन्थीयो 9:11

थानै हर ढाळ भर्योपूरो कर्यो जासी जिऊँ हर मोका प थे खुला हियाऊँ हात बढाबाळा बणो। अर जद म्हें थारा दियड़ा दानऊँ ओरा क आडा आस्यां जणा बे परमेसरनै धनेवाद देसी।

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

मत्ती 20:15

मेरा धन क सागै म क्युं बी करूं इको हक मनै कोनी के? म चोखो मिनख हूँ इ ताँई तू जळै ह के?’

रोमीयो 2:4

थे बिकी दया अर बिकी सहनसिलता अर बिका थ्यावसनै ख्याई जोगो कोनी समजो के? तू सचमई जाणै ह क परमेसर की दया तनै पापऊँ मन फिराबा कानि लेज्यावै ह।

2 कुरन्थीयो 2:9

म सगळी बाता इ ताँई थानै मेरी गेलड़ी चिठी म मांडी ही जिऊँ मनै ओ बेरो पड़ सकै क थे मेरी हिदायतानै मानो हो क कोनी।