2 कुरन्थीयो 8:1 - जीवन को च्यानणो (सेकावाटी नया नियम की पोथ्या)

¹ सुणो मेरा लाडला बिस्वास्यो, इब म्हें थानै मकीदुनिया दिसावर की बिस्वासी मंडळ्या प जखी दया परमेसर करी ही बिकै बारां म बतावां हां।

2 कुरन्थीयो 8:1 Referans Kwoze

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

1 थिसलूनिकी 4:10

सचमई थे सगळा मकीदुनिया का बिस्वासी भाई-बंदा क सागै प्यार-परेम राखो हो। पण म्हें चावां हां क थे प्यार-परेम म ओर बी बढता जाओ।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

भेजेड़ा चेला का काम 16:9

बठै पोलुस एक दरसाव देख्यो। अर बि दरसाव म बो काँई देखै ह क एक मकीदुनिया को मिनख बिनै हात जो'ड़र खेर्यो ह क, “थे मकीदुनिया आर म्हारी मदद करो।”

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

2 कुरन्थीयो 9:2

क्युं क मनै बेरो ह थे इ कामनै करबा ताँई सदाई त्यार रेह्ओ हो। जणाई म मकीदुनिया का मिनखा क सामै थारै बारां म गुमानऊँ खयो क अखाया का मिनख तो गेलड़ा बरसऊँई त्यार हीं अर थारी उजमानै देखर बोळा अंय्यां करबा ताँई आगै आया हीं।

रोमीयो 15:26

क्युं क मकीदुनिया अर अखाया की बिस्वासी मंडळी का मिनखानै ओ चोखो लाग्यो क यरूसलेम म परमेसर का मिनखा म जखा गरीब हीं बानै दान देवीं।

भेजेड़ा चेला का काम 11:23

बरनाबास बठै परमेसर की दयानै देखर राजी होयो। अर बानै उपदेस दिओ की तन मनऊँ बिस्वास जोगा अर परमेसर म बण्या रेह्ओ।

2 कुरन्थीयो 11:9

अर जद म थारै कनै हो जणा मनै कमी-घटी होई ही पण बि टेम बी म थार प कोई बोज कोनी गेर्यो। क्युं क मकीदुनियाऊँ मेरा बिस्वासी भाईड़ा आर मेरी सगळी जुर्ता पूरी करी। अर म हर बर खुदनै थार प बोज बणबाऊँ रोक्यो, अर आगै बी रोकस्युं।

2 कुरन्थीयो 9:12

क्युं क इ सेवा की बजेऊँ परमेसर का मिनखा की जुर्तई पूरी कोनी होवै पण मिनख परमेसरनै धनेवाद बी देवीं हीं।

2 कुरन्थीयो 9:4

क्युं क काँई बेरो कदै मेरै सागै मकीदुनिया नगरी का मिनख थारै कनै आज्या अर जखो थारा बारां म बानै बतायो गयो हो, बंय्यां नइ देखै जणा म्हारूँ बेत्ती थानै सरमिंदा होणो पड़सी।

भेजेड़ा चेला का काम 24:17

कई बरसा ताँई दिसावर म रेह्बा क पाछै म मेरा यहूदि मिनखानै दान का रिपीआ देबा अर चढावो चढाबा आयो हो।

मत्ती 25:22

बिकै पाछै दो थेली हाळो आर खयो, ‘मालिक थे मनै दो थेली दिआ हा। जिऊँ म दो ओर कमाली।’