2 कुरन्थीयो 7:7 - जीवन को च्यानणो (सेकावाटी नया नियम की पोथ्या)

⁷ अर बिकै अठै आबाऊँ बढर तो म्हें आ सुण्या क थे बिको चोखो आदरमान कर्यो जणा म्हानै ओर बी बेत्ती हिमत मिलगी। बो म्हानै बतायो क थे मेरूँ मिलबा ताँई कत्ता तरसो हो, थे थारा किया प सरमिंदा हो अर म्हारी चिंत्या करो हो अंय्यां सुणर म ओर बी राजी होयो।

2 कुरन्थीयो 7:7 Referans Kwoze

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।

2 कुरन्थीयो 5:2

इ काया म आपा टसकता रेह्‍वां हां, अर नया गाबा की जंय्यां ईस्बर नगरी की कायानै पेरबा ताँई तड़पां हां।

2 यहून्ना 1:4

म, इ बातऊँ बोळो राजी हूँ क, थारा क्युंक टाबर सच प चालै ह जंय्यां क परम-पिता आपानै सच प चालबा ताँई हुकम दिओ हो।

याकूब 5:17

एलिआ बी आपणी जंय्यां एक मिनख हो। अर बो बिस्वास क सागै अरदास कर्यो क मी नइ बरसै जणा साडे तीन बरसा ताँई धरती प मी कोनी बरस्यो।

इबरानीआ 2:1

आपा जखी बी बाता सुणी ह बापै आपानै हियो लगाणो चाए, जिऊँ आपा नइ भटकां।

1 थिसलूनिकी 3:8

क्युं क ज थे परबु म मजबूत बण्या रह्यो जणा म्हारै जी म जी रेह्‍वै ह।

1 थिसलूनिकी 3:6

पण तिमूतियूस थारै कनैऊँ पाछो आयोक जणा म्हानै थारै बिस्वास अर प्यार-परेम का चोखा समचार सुणाया। बो म्हानै बतायो क थे सदाई म्हानै प्यार-परेम क सागै याद करो हो, अर जंय्यां म्हारो जी थानै देखबानै करै ह बंय्यांई थारो बी करै ह।

कलुसीयो 2:5

बंय्यां तो म कायाऊँ थारूँ दूर हूँ पण आत्माऊँ थारै कनै हूँ, म राजी हूँ अर सुणर्यो हूँ क थे सई ढंगऊँ हो अर मसी म थारो बिस्वास मजबूत ह।

फलिपी 1:20

मेरी दिली इंछ्या अर आस ह क, म कदैई मेरा काम म सरमिंदा नइ होऊँ, पण हर टेम अर खासकर इब म हिमतऊँ भरज्याऊँ जिऊँ चाएस म जीऊँ अर मरूँ बस मेरी काया क जरिए मसी की मेमा होवै।

2 कुरन्थीयो 8:16

परमेसर को धनेवाद हो, क बो तितूस क हिया म थारै बेई बाई चिंत्या दि जखी म राखूँ हूँ।

2 कुरन्थीयो 2:9

म सगळी बाता इ ताँई थानै मेरी गेलड़ी चिठी म मांडी ही जिऊँ मनै ओ बेरो पड़ सकै क थे मेरी हिदायतानै मानो हो क कोनी।

2 कुरन्थीयो 1:14

जंय्यां क थे म्हानै हाल क्युंक हदताई समजो हो। पण जद परबु ईसु क ओज्यु आबा का दिन थे सगळा म्हारै प गुमान करस्यो जंय्यां म्हें थार प करां हां।

रोमीयो 1:12

मेरो मतबल ओ ह क, जद म थारै सागै होऊँ जणा थानै मेरा अर मनै थारा बिस्वासऊँ हिमत मिलै।

भेजेड़ा चेला का काम 11:23

बरनाबास बठै परमेसर की दयानै देखर राजी होयो। अर बानै उपदेस दिओ की तन मनऊँ बिस्वास जोगा अर परमेसर म बण्या रेह्ओ।

लूका 22:44

अर बो बोळो दुखी होर ओर बी बेत्ती लगन क सागै अरदास करबा लाग्यो। अर बिको पसिनो लोय का टपका की जंय्यां धरती प गिरै हो।

मत्ती 26:75

जणा पतरसनै ईसु की खेईड़ी बा बात याद आई क, “मुरगा क बांग देबाऊँ पेल्या तू तीन बार मेर ताँई खेसी म इनै कोनी जाणू।” अर बो बारनै चलेगो अर पछाड़ा घा'लर रोबा लाग्यो।

मत्ती 5:4

भागहाळा ह बे जखा रोवै ह; क्युं क परमेसर बानै स्यांती देसी!

1 कुरन्थीयो 5:2

अर थे अंय्यां कर गुमान म फूलर्या हो जदकी थानै दुखी होणो चाए। अर थानै अंय्यां करबो चाए की जखो मिनख अंय्यां को काम करै ह बिनै थारूँ न्यारो कर देणो चाए।

2 कुरन्थीयो 1:4

अर जद आपणा प कळेस आवै ह जणा बे आपानै हिमत बंधावै ह। जिऊँ आपा बी परमेसर की बि हिमत की बजेऊँ बा मिनखानै जखा कळेस म पड़्या हीं हिमत बंधा सकां।

2 कुरन्थीयो 7:6

पण दुखियारानै स्यांती देबाळो परमेसर तितूसनै म्हारै कनै भेजर म्हारी हिमत बंधाई।

2 कुरन्थीयो 7:8

थे मेरी गेलड़ी चिठीऊँ दुखी होया होगा, पण मनै बि चिठीनै मांडबा को इब जमाई पछताओ कोनी। मनै इ बात को पेली दुख हो पण इब मनै बेरो पड़्यो ह क थे बि चिठीऊँ क्युंक टेम ताँई दुखी होया हा।