2 कुरन्थीयो 7:13 - जीवन को च्यानणो (सेकावाटी नया नियम की पोथ्या)

¹³ इ बजेऊँ म्हानै हिमत मिली। म्हानै हिमत मिलबा क अलावा तितूस क राजी होबाऊँ ओर बी बेत्ती खुसी होई, क्युं क थारी बजेऊँ बिकी आत्मानै स्यांती मिली।

2 कुरन्थीयो 7:13 Referans Kwoze

2 कुरन्थीयो 7:6

पण दुखियारानै स्यांती देबाळो परमेसर तितूसनै म्हारै कनै भेजर म्हारी हिमत बंधाई।

1 कुरन्थीयो 16:13

चेता म रेहज्यो अर मजबूती क सागै बिस्वास म बण्या रेहज्यो। थे हिमत राखबाळा अर ठाडा बणो।

1 कुरन्थीयो 12:26

इ ताँई ज काया को एक अंग दुख पावै जणा बिकै सागै सगळा अंग दुख पावै ह अर ज एक अंगनै मान मिलै ह जणा सगळा अंग बिकै सागै राजी होवीं हीं।

रोमीयो 15:32

अर म परमेसर की इंछ्या गेल राजी मनऊँ थारै कनै आर थारै सागै राजी हो सकूँ।

1 पतरस 3:8

मेरी आखरी हिदायत आ ह क, थे सगळा मेळमिलापऊँ रेह्ओ, भलाई करो, प्यार-परेमऊँ भाईचारो राखो, तरस खाओ अर खुदनै छोटा बणाओ।

फिलेमोन 1:20

मेरा लाडला बिस्वासी भाई, ज तू मेरै ताँई आ बात करदे, जणा परबु ईसु मसी क नामऊँ मेरा काळज्या म ठंड पड़ज्या।

2 तिमूतियूस 1:16

परबु उनेसिफुरूस क कूणबा प दया करै, क्युं क बो बोळीबर मनै सारो दिओ ह अर मेरै केद होबा की बजेऊँ बी सरमिंदा कोनी होयो।

फलिपी 2:28

बिनै थारै कनै भेजबा की म बोळी इंछ्या राखूँ हूँ जिऊँ बिनै पाछा देखर थे राजी होज्याओ अर इऊँ मेरो बी दुख कट ज्यासी।

2 कुरन्थीयो 7:15

बो जदबी आ याद करै ह क थे कंय्यां बिकी बात मान्या अर आदरमान क सागै कंय्यां बिकी मनवार करी ही जणा बिको परेम थारै बेई ओर बी बेत्ती उमड़ै ह।

2 कुरन्थीयो 2:13

पण बठै जद मनै बिस्वासी भाईड़ो तितूस कोनी लाध्यो जणा मेरा जीव म तसली कोनी आई। अर म बठैऊँ बिदा होर मकीदुनिया कानि चाल पड़्यो।

2 कुरन्थीयो 2:3

जणाई तो म थानै गेलड़ी चिठी म मांड्यो हो क जद म थारै कनै आऊँ जणा थारूँ जखा मनै सुक देवै ह बाऊँ दुखी नइ होऊँ। क्युं क मनै थारै उपर भरोसो ह क मेरी खुसी मई थारी खुसी ह।

रोमीयो 12:15

जखा राजी हीं बाकै सागै राजी होवो अर जखा रोइ हीं बाकै सागै रोओ।

1 कुरन्थीयो 16:18

बे मेरी अर थारी आत्मानै राजी करी ह। इ ताँई अंय्यां का मिनख ईज्जत क जोगा हीं।

2 कुरन्थीयो 7:14

क्युं क म बिकै आगै थारी खूब बडाई करी ही, अर इ ताँई मनै निचो कोनी देखणो पड़्यो। पण जंय्यां म्हें थानै सची-सची बोल्या हां, बंय्यांई थारै बारां म म्हारो गुमान तितूस क सामै सचाई क सागै परगट होयो।

फिलेमोन 1:7

क्युं क मेरा बिस्वासी भाईड़ा, म तेरा प्यार-परेमऊँ बोळो राजी हूँ, अर बिऊँ मनै हिमत मिलै ह। तेरी बजेऊँ परमेसर का मिनखा का हिया राजी हीं।