2 कुरन्थीयो 7:10 - जीवन को च्यानणो (सेकावाटी नया नियम की पोथ्या)

¹⁰ क्युं क जखो दुख परमेसर क कानिऊँ होवै ह बो पापऊँ हियानै बदलबा ताँई होवै ह बिको मकसद छुटकारो ह बिऊँ इ बात को पछताओ कोनी होवै क म्हें क्याले पापऊँ हियो बदल्यो। पण जखो दुख जगतऊँ मिलै ह, बिको फळ मोत ह।

2 कुरन्थीयो 7:10 Referans Kwoze

भेजेड़ा चेला का काम 3:19

इ ताँई थे थारा पापऊँ तौबा करो अर हियानै ईस्बर कानि लगाओ जिऊँ परमेसर थारा पाप धो देसी।

भेजेड़ा चेला का काम 11:18

अ बाता सुणर बे बिऊँ जिरै करबो बंद कर दिओ अर सगळा परमेसर की आ खेर बडाई करबा लागगा की, “परमेसर गैर-यहूदि मिनखानै बी सचो जीवन जीबा ताँई पापऊँ मन फेरबा को दान दिओ ह।”

लूका 18:13

पण बो दुसरो जखो चुंगी लेबाळो हो बो दूर खड़्यो होर आपकी छाती कुट-कुटर खेबा लाग्यो, ‘परमेसर मेर प दया करो म पापी हूँ।’ बो खुदनै ईस्बर नगरी कानि मुंडो उठार देखबा जोगोई कोनी जाण्यो।

लूका 15:10

म थारूँ बोलुँ हूँ ठिक अंय्यांई जद कोई पापी पापऊँ तौबा करै ह, जणा परमेसर का ईस्बर नगरी दुता क सामै खुसी मनाई जावै ह।”

इबरानीआ 12:17

अर थे जाणो हो क बो इ आसिरबादनै लेबो चायो पण बो इकै जोगो कोनी गिण्यो गयो। अर रो-रोर बि आसिरबादनै ढुंढबा की कोसिस कर्यो पण हियो बदलबा को मोको कोनी पा सक्यो।

2 कुरन्थीयो 12:21

अर मनै ओ बी डर ह क, जद म थारूँ मिलबा आऊँ, जणा मनै परमेसर क सामै सरमिंदा नइ होणो पड़ै। अर मनै बा ताँई रोबो नइ पड़ै जखा पेल्या पाप करता हा, बे कुकरम, सूगली बाता, अर रांडबाजी म जीवन जीता हां, इकै पाछै बी, बे आपका पापऊँ तौबा कोनी कर्या।

मत्ती 26:75

जणा पतरसनै ईसु की खेईड़ी बा बात याद आई क, “मुरगा क बांग देबाऊँ पेल्या तू तीन बार मेर ताँई खेसी म इनै कोनी जाणू।” अर बो बारनै चलेगो अर पछाड़ा घा'लर रोबा लाग्यो।

2 कुरन्थीयो 7:9

इब म राजी हूँ। म इ ताँई राजी कोनी हूँ क थानै दुखी कर्यो हो पण म इ बात बेई राजी हूँ क बि दुख की बजेऊँ थे थारा हियानै पापऊँ फिराया। थानै बो दुख परमेसर कानिऊँ होयो जिऊँ क म्हारै जरिए थारो क्युंई नुकसान नइ होवै।