2 कुरन्थीयो 6:8 - जीवन को च्यानणो (सेकावाटी नया नियम की पोथ्या)

⁸ म्हानै मान दिओ जावै ह अर म्हारी बेजती बी करी जावै ह, म्हानै बुरा बी बतावीं अर भला बी बतावीं, म्हारै सागै अंय्यां बरताव कर्यो जावै ह क म्हें ठग हां। इकै बावजुद बी म्हें परमेसर क सामै बिस्वास जोगा हां।

2 कुरन्थीयो 6:8 Referans Kwoze

मत्ती 27:63

अर खया, “म्हराज, म्हानै याद ह जद बो धोकेबाज जीताजी हो जणा खेतो हो क मेरी मोत क पाछै म तीसरै दिन ओज्यु जिंदो होज्यास्युं।

1 पतरस 4:14

ज मसी क नाम की बजेऊँ थानै दुख अर बेजती सेणी पड़ै जणा बिनै सोभाग मानो। आ बात इनै दिखावै ह क परमेसर की मेमा भरी आत्मा थारै सागै ह।

दरसाव 3:9

सुण, तेरै कनै अंय्यां का मिनख ह जखा सेतान की बिस्वासी मंडळी का हीं बे खुदनै यहूदि बतावै जदकी बे ह कोनी, बे झूठा हीं। म बाकै सागै अंय्यां को बरताव करस्युं जिऊँ बे तेरै कनै आर तेरा पगा म धोक खासी अर आ जाणज्यासी क म तेरूँ परेम करूं हूँ।

1 तिमूतियूस 4:10

आपा इ ताँई मेनत अर कोसिस करां हां, क्युं क आपणी आस जीवता परमेसर म ह। जखो सगळानै, खासकर बिस्वास्यानै बचाबाळो ह।

भेजेड़ा चेला का काम 28:22

पण म्हें तेरा बिचार तेरा मुंडाऊँई सुणबो चावै हां, क्युं क जि पंथऊँ तू ह बिकै खिलापत म सगळी झघा लोग बाता करै ह।”

भेजेड़ा चेला का काम 24:5

ओ मिनख अपरादि ह अर म्हें इनै जगत का सगळा यहूदिआ म बबाळ मचाता देख्या हा, अर ओ नासरी पंथ को खास नेता ह।

3 यहून्ना 1:12

दिमेतीयुसनै जाणबाळा बिस्वासी बिकै बारां म चोखो बोलीं हीं अर ओ सच बी ह। अर म्हें खुदबी बिनै भलो मिनख बतावां हां अर थे तो जाणोई हो क म्हारी गुवाई सची ह।

इबरानीआ 13:13

जणा आओ आपाबी बिकी बेजतीनै लेर, डेरा क बारनै बिकन चालां।

रोमीयो 3:8

जणा “आओ ल्यो बुराई करां” जिऊँ भलाई होवै। जंय्यां क क्युंक म्हारी बुराई कर म्हारै प दोस लगावीं हीं क म्हें अंय्यां बोलां हां। अंय्यां का मिनख दंड का भागी हीं।

भेजेड़ा चेला का काम 22:12

“बि नगरी म हनन्या नाम को एक मिनख हो जखो नेम-कायदा प चालबाळो अर बठै का यहूदि मिनखा म मान्यो-थान्यो हो।

भेजेड़ा चेला का काम 16:39

जणा बे खुद आर बाकै सामै हाता जोड़ी करी अर बठैऊँ बानै बारनै ल्याया अर हात जो'ड़र कह्या, “थे दया कर इ नगरीऊँ चल्या जाओ।”

भेजेड़ा चेला का काम 10:22

जणा बे बिऊँ बोल्या, “म्हारी पलटण को सुबेदार कुरनेलियुस जखो धरमी अर परमेसरऊँ डरबाळो मिनख ह, सगळा यहूदि मिनखा म जिकी बूज ह बो एक परमेसर का पबितर ईस्बर नगरी दुतनै दरसाव म देख्यो अर बो दुत बिनै बोल्यो ह की बो तनै बुलार तेरूँ परमेसर को बचन सुणै।”

भेजेड़ा चेला का काम 6:3

इ ताँई यहूदि भाई-भाणो, थारै मऊँ थे सात चोखी पेठहाळा मिनखानै टाळल्यो जखा म पबितर आत्मा अर बुदी होवै अर बानै इ काम की जिमेदारी आपा दे देस्यां।

भेजेड़ा चेला का काम 5:13

बाकै सागै होबा की हिमत कोई मई कोनी ही पण इकै बावजुद बी लोग बाकी बडाई करता।

भेजेड़ा चेला का काम 4:21

जणा पंच बानै सूल चेतार छोड दिआ, अर बानै सजा देबा को गेलो कोनी लाध्यो, क्युं क जोक्यु होयो हो बिकी बजेऊँ लोग परमेसर को गुणगान गार्या हा।

यहून्ना 7:12

अर भीड़ बी बिकै बारां म कानाफुसी करबा लागरी ही। क्युंक बोलर्या हा क, “बो चोखो मिनख ह।” क्युंक बोलर्या हा, “नइ, बो तो मिनखानै भंगरावै ह।”

मरकुस 12:14

बे ईसु कनै गया अर बिऊँ बोलबा लाग्या, “ओ गरूजी म्हें जाणा हां क तू बोळो ईमानदार ह अर तू इ बात की परवा कोनी करै क लोग तनै काँई खेवै ह अर तेरा बारां म काँई सोचै ह। अर तू मिनखा को मुंडो देखर बाता कोनी करै पण परमेसर क कनै जाबा ताँई जखो गेलो ह बिनै तू सच-सच बतावै ह। पण म्हें तनै बुजां हां क कैसरनै चुंगी देणी चाए क कोनी?”

मत्ती 22:16

जणा बे हेरोद का गुट का क्युंक मिनखा क सागै आपका चेलानै ईसु कनै भेज्या। अर बे ईसुनै कह्या, “गरूजी म्हें जाणा हां थे सचा हो अर परमेसर आपणाऊँ काँई चावै बिनै खराईऊँ बताओ हो। म्हें आबी जाणा हां थे मुंडो देखर टिको कोनी काडो अर नइ खिकी परवा करो हो।

मत्ती 10:25

इ ताँई चेलानै गरूजी क बराबर होबा म अर दासनै मालिक क बराबर होबा मई सबर राखबो चाए। अर जद बे मिनख घर का मालिकनैई बालजबुल खेवै ह जणा बिका घर का मिनखा क सागै तो ओर बी बुरो सलुक करसी!

1 तिमूतियूस 3:7

बो अंय्यां को मिनख होणो चाए जिकी बिस्वासी मंडळी क अलावा बारका मिनखा म बी ईज्जत हो, अंय्यां नइ हो क बो काळो मुंडो करवार सेतान का जाळ म फस जावै।

2 कुरन्थीयो 1:18

पण परमेसर बिस्वास जोगो ह, इ ताँई जखा बोल म्हें थानै बोल्या हा बे सचा हीं।

2 कुरन्थीयो 4:2

म्हें बेसरमी का काम कोनी करां। नइ तो म्हें कपट राखां हां अर नइ झूठी बातानै परमेसर की कर बतावां हां। पण परमेसर क सामै म्हें सच बोलर्या हां अर जखा सचा हीं बेई इ बातनै जाणी हीं।

2 कुरन्थीयो 11:21

के म सरमिंदा होर खेऊँ हूँ म्हें बाकी जंय्यां थारै सागै सलुक करबा म बोळा कमजोर हां? पण ज कोई ख्याताई बी गुमान करबा की हिमत कर सकै ह जणा म बावळापुणाऊँई खेऊँ हूँ क म बी हिमत करस्युं।

2 कुरन्थीयो 12:16

थे मानो हो क, म थार प बोज कोनी हूँ। पण दुसरै नाकै थारै मऊँ क्युंक खेवै ह क, म चलाक होर थानै मेरी चलाकी म फसा लिओ।

1 थिसलूनिकी 2:3

क्युं क म्हारो उपदेस झूठो, धोको देबाळो अर छळकपट करबाळो कोनी,