2 कुरन्थीयो 6:5 - जीवन को च्यानणो (सेकावाटी नया नियम की पोथ्या)

⁵ म्हानै मार्यो, रूंद्‍यो अर जेळ म दिओ गयो म्हारूँ हदऊँ बेत्ती काम करवायो गयो अर म्हें नइ तो सो सक्या अर नइ खा सक्या।

2 कुरन्थीयो 6:5 Referans Kwoze

2 कुरन्थीयो 11:27

पिड़ा अर बोळी मेनत करबा क पाछै बी बार-बार भूखो तिसायो रिह्यो जिऊँ म सोयो बी कोनी। अर बोळी बार तो दावा म बिना गाबा क धुजतो रिह्यो।

भेजेड़ा चेला का काम 17:5

इपै यहूदि जळता-बळता पिसा देर क्युंक बदमास मिनखानै आपकै सागै कर लिओ अर नगरी म बिदरो मचाबा लागगा। बे पोलुस अर सीलासनै भीड़ क सामै ल्याबा क चकर म यासोन क घरा धावो बोल्यो।

दरसाव 2:10

जखा दुख तनै भोगणा ह बाऊँ मना डर। क्युं क सेतान थारै मऊँ कयानै बिचासबा ताँई काळ-कोठड़ी म गेरसी अर थानै बठै दस दिना ताँई सताव भोगणो पड़सी। पण तू बिस्वास जोगो रेह्जे चाए तनै मोतई क्युं नइ आज्यावै। जणा म तनै तेरी जीत क रूप म अजर-अमर जीवन को मुकट देस्युँ।

इबरानीआ 13:23

अर म चाऊँ हूँ क थानै खबर लागै क आपणो बिस्वासी भाई तिमूतियूस छुटगो ह। अर ज बो तावळोई मेरै कनै आसी जणा म बी बिकै सागै थारूँ मिलबा आस्युं।

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

इबरानीआ 11:36

कया को तमासो बणायो गयो, कया क बेत मारी गई, कयानै बां'दर जेळ म गेर्यो गयो।

2 तिमूतियूस 4:5

तू स्यांतीऊँ टिक्यो रेह अर दुख भोगबा ताँई त्यार रेह। चोखा समचारनै बोलबा ताँई कड़ी मेनत कर अर तेरी जुबाबदारीनै चोखा ढंगऊँ निभा।

2 तिमूतियूस 2:9

अर इ चोखा समचारनै परचार करबा की बजेऊँई म दुख उठार्यो हूँ अर एक मुलजिम की जंय्यां साकळा म बंदर्यो हूँ, पण परमेसर का बचना प कोई बंदण कोनी।

2 तिमूतियूस 1:8

जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

1 तिमूतियूस 4:10

आपा इ ताँई मेनत अर कोसिस करां हां, क्युं क आपणी आस जीवता परमेसर म ह। जखो सगळानै, खासकर बिस्वास्यानै बचाबाळो ह।

1 थिसलूनिकी 2:9

मेरा लाडला बिस्वास्यो, म्हें जाणा क थे म्हारी मेनतनै जखी म्हें थार ताँई करी अर दुखानै याद राखो हो। अर थानै पक्काई याद होगो क जद म्हें थानै परमेसर को चोखो समचार सुणार्या हा बि टेम का म्हारो पेट भरबा ताँई रात-दिन कंय्यां मेनत करी। क्युं क म्हें थार प म्हारो बोज कोनी लादबो चावा हा।

फलिपी 1:13

इ बजेऊँ सगळा रोमी म्हेला का पेरादारानै अर दुसरा मिनखानै इ बात को बेरो पड़गो की म मसी को सेवक हूँ इ ताँई म केद म हूँ।

इफिसुस 3:1

इ बजेऊँ म, पोलुस थारै ताँई जखा गैर-यहूदि हो, मसी ईसु को दास हूँ, आई मेरै केदि होबा की बजे ह।

1 कुरन्थीयो 15:10

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

1 कुरन्थीयो 7:5

थे मोट्यार लूगाई एक दुसरा की इंछ्या मना मारज्यो। पण आपसरी म बतळार क्युंक देर ताँई इनै टाळ सको हो जिऊँ थारै अरदास करबा म दिकत नइ होवै, अर इकै पाछै थे ओज्यु एक सागै रह्यो; क्युं क कदै अंय्यां नइ हो क खुदनै बस म राखबा की कमी को फाईदो उठार सेतान थानै बिचासै।

1 कुरन्थीयो 4:11

अर म्हें इब ताँई भूखा तिसाया अर उघाड़ा हां, म्हारै सागै मारा पिटी करी जावै ह अर म्हें बेघर हां।

भेजेड़ा चेला का काम 28:30

बो पूरा दो बरसा ताँई आपका किराया का मकान म रिह्यो, अर जखा बी बिकन आता हा, बो बा सगळा की आवभगत करतो हो।

भेजेड़ा चेला का काम 26:29

पोलुस बोल्यो, “के थोड़ो टेम, के बोळो, पण म तो परमेसरऊँ आई अरदास करूं हूँ क थे अर जत्ता बी मनै आज अठै सुणी हीं बे जि साँकळाऊँ म बंदर्यो हूँ आनै छोडर बाकी बाता म मेरै जंय्यां का होज्यावै।”

भेजेड़ा चेला का काम 26:10

अर म यरूसलेम म अंय्यांई कर्यो हो। अर परधान याजकाऊँ अधिकार लेर परमेसर का मिनखानै जेळ म गेर्यो हो अर जद बानै मार गेर्यो जातो हो जणा म बी बाकै खिलाप मेरी हामी देतो हो।

भेजेड़ा चेला का काम 24:27

अर जद दो बरस बितगा जणा पुरकीयुस फेतूस फेलिक्स की झघा आयो। अर फेलिक्स यहूदि मिनखानै राजी करबा क चकरां म बिनै केद मई छोडगो।

भेजेड़ा चेला का काम 23:35

जणा बो बिऊँ बोल्यो, “जद तेरै प मुकदमाबाजी करबाळा आसी जणा तेरा मुकदमा की सुणाई होसी।” अर बे बिनै हेरोद का गड म निगरानी म राखबा ताँई ओडायो।

भेजेड़ा चेला का काम 23:10

अर जद बाकी राड़ घणी बढगी जणा इ डरऊँ क बे कदै पोलुस का टुकड़ा-टुकड़ा नइ कर दिं, पलटण को सरदार आपकी पलटण का क्युं क सिपाईड़ानै ओडायो क, “जाओ अर जोरामादी बिनै बामैऊँ काड ल्याओ अर सेनाहाळा गड म लेज्याओ।”

भेजेड़ा चेला का काम 20:31

जणा इब थे चेता म रेह्‍वो अर आ कदैई मना भूलज्यो की तीन बरसा ताँई दिन-रात आसुआ क सागै थानै एक-एकनै चेताबो कोनी भूल्यो।

भेजेड़ा चेला का काम 14:23

अर बे सगळी बिस्वासी मंडळ्या म मुखिया टाळ्या अर बरत क सागै अरदास कर बानै परबु क हाता म सूप दिआ जिपै बे बिस्वास कर लिआ हा।

भेजेड़ा चेला का काम 14:19

इकै पाछै अंताकीया अर इकोनियुम नगर्याऊँ क्युंक यहूदि आर भीड़नै भड़कार खुद म मिला लिओ। अर बे पोलुसनै भाठाऊँ मार'र बिनै मरेड़ो समजर बिनै नगरी क बारनै घिसर गेर दिआ।

भेजेड़ा चेला का काम 13:3

जणा बे बरत अर अरदास कर बाकै माथा प हात म्हेलर बानै बिदा कर्या।

भेजेड़ा चेला का काम 5:18

अर बे बा भेजेड़ा चेलानै पकड़र कोठड़ी म बंद करवा दिआ।

मत्ती 14:10

बो आपका आदम्यानै काळ-कोठड़ी क मांयनै भेज्यो जिऊँ क बे यहून्ना का सीरनै का'टर ल्यावै।

मत्ती 14:3

क्युं क हेरोद आपका भाई पिळीपुस क जिंदा होतासोता बिकी लूगाईऊँ ब्या कर लिओ हो इ ताँई यहून्ना हेरोदनै ओळमो दिओ। जणा हेरोदिआस क खया म आर बिनै कोठड़ी म गिरवा दिओ।

मत्ती 9:15

जणा ईसु बानै खेबा लाग्या, “ब्या की टेम जद बिंद आपका भाईला क सागै ह जणा बिका भाईला दुख मनावै ह के? पण बे दिन आसी जद बनड़ो बाऊँ न्यारो कर्यो जासी जणा बे बरत करसी।