2 कुरन्थीयो 6:11 - जीवन को च्यानणो (सेकावाटी नया नियम की पोथ्या)

¹¹ ओ कुरन्थी नगरी का म्हारा भाईड़ो म्हें थारूँ साप-साप बोल्या हां। अर म्हारा हिया की बाता थारै सामै खोल दिनी ह।

2 कुरन्थीयो 6:11 Referans Kwoze

फलिपी 1:8

म मसी ईसु का हिया जंय्यां को लगाव राख'र थारै सगळा ताँई तरसर्यो हूँ, अर इ बात को गुवा खुद परमेसर ह।

2 कुरन्थीयो 12:15

अर जठै ताँई मेरी बात ह, मेरै कनै जोक्यु बी ह, बिनै थारै ताँई राजी होर खरच करस्युं, अठै ताँई क म खुदनै बी थारै ताँई दे देस्युँ। अर जद म थारूँ, अत्तो प्यार-परेम करूं हूँ, जणा थे कंय्यां मेरूँ, थोड़ो प्यार-परेम कर सको हो?

2 कुरन्थीयो 2:4

क्युं क म अ बाता दुखी हियाऊँ अर पिड़ा म आसुआ क सागै थानै मांडी ही। इको मतबल ओ कोनी क म थानै दुखी करबो चावै हो पण इ ताँई मांडी ह क जखो परेम म थारूँ करूं हूँ बिनै थे जाणल्यो।

दरसाव 22:12

ईसु सगळा मिनखाऊँ बोलै ह, “सुणो, म तावळोई आऊँ हूँ। अर सागै थारा करमा गेल थारै ताँई फळ ल्याऊँ हूँ।

फलिपी 4:15

फलिपीयो, थे इ बातनै सूल जाणो हो क, चोखा समचार को परचार करबा हाळा सरू का दिना म जद म थारा मकीदुनिया परदेसऊँ रवाना होयो हो जणाऊँ थारीई बिस्वासी मंडळी एक अंय्यां की ही जखी मेरी मदद करी; अर थेई एक अंय्यां का हा जखा मेरा फायदा अर घाटा-मोसी म मेरो सागो दिओ हो।

गलातियो 3:1

ओ बावळो गलाति मिनखो, थानै कूण भंगरा दिओ? म थानै साप-साप बता दिओ हो, क कंय्यां ईसु मसीनै सुळी प चढायो गयो हो।

इफिसुस 6:8

याद राखो जखा चोखा काम करसी परबु मसी बा हरेकनै इनाम देसी चाएसै बो गुलाम हो अर चाएसै अजाद।

भेजेड़ा चेला का काम 18:1

जणा पाछै पोलुस एथेंसऊँ कुरन्थी म आयो।

भेजेड़ा चेला का काम 18:8

जणा अरदास घर को अधिकारी आपका सगळा परवार सेत्युं परबु म बिस्वास कर्यो अर बाकै सागै बोळा कुरन्थी म रेह्बाळा पोलुस की बाता सुणर बिस्वास कर्या अर बतिस्मो लिओ।

गलातियो 4:12

ओ मेरा लाडला बिस्वास्यो, म थारूँ अरदास करूं हूँ क थे मेरै जंय्यां बणो, क्युं क म बी थारी जंय्यां बण्यो हो। थे मेरो क्युंई बुरो कोनी कर्या।

इफिसुस 6:19

अर सागै की सागै मेर ताँई बी अरदास कर्या करो क बोलबा की घड़ी परमेसर मनै अंय्यां को जोरदार समचार दे जिका भेदनै म बेधड़क होर बता सकूँ।