2 कुरन्थीयो 5:9 - जीवन को च्यानणो (सेकावाटी नया नियम की पोथ्या)

⁹ इ ताँई म्हारा हिया की इंछ्या तो आ ह क चाए धरती प रेह्‍वां चाए ईस्बर नगरी म रेह्‍वां पण परमेसरनै भाता रेह्‍वां।

2 कुरन्थीयो 5:9 Referans Kwoze

कलुसीयो 1:10

जिऊँ थे परबु जंय्यां चावै ह बंय्यां जी सको अर हर बाता म सदाई परबु मसीनै राजी राख सको। थारै जीवन म भला कामा का फळ लागै अर थे परमेसर का ज्ञान म दिन-दिन बढता रह्यो।

रोमीयो 14:18

जखो इ तरिकाऊँ मसी की सेवा करै ह, बिऊँ परमेसर राजी रेह्‍वै ह। अर मिनख बिकी ईज्जत करै ह।

2 पतरस 3:14

ओ लाडलो, थे आ बाता की आस देखो हो, जणा कोसिस करो क परमेसर की नजर्या म खरा, बेदाग अर स्यांतीऊँ रेह्बाळा बाजो।

1 तिमूतियूस 4:10

आपा इ ताँई मेनत अर कोसिस करां हां, क्युं क आपणी आस जीवता परमेसर म ह। जखो सगळानै, खासकर बिस्वास्यानै बचाबाळो ह।

1 थिसलूनिकी 4:11

थानै ध्यान रेह्‍वै, थे दुसरा क सागै मेळमिलापऊँ रेह्‍वो। थारो ध्यान थारा काम मई रेह्‍वै, अर खुद कमार खाओ बंय्यांई करो जंय्यां म्हें थानै आदेस दिआ हां,

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

1 कुरन्थीयो 15:58

इ ताँई मेरा लाडला बिस्वास्यो, बिस्वास म मजबूत बण्या रेह्ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।

रोमीयो 15:20

मेरी सदाई आ मनस्या ह क म बठै चोखा समचार को हेलो पाड़ूँ जठै कोई मसी को नामई कोनी जाणै, इकी आ बजे ह क म कोई दुसरा मिनख की धरेड़ी निम प चिणाई नइ करूं।

रोमीयो 14:8

ज आपा जीवां हां बो परबु ताँई अर ज मरा हां जणा बो बी परबु ताँई। जणा चाए आपा जीवां नहिस मरा, आपा परबु का हां।

भेजेड़ा चेला का काम 10:35

बो धरती का सगळा मिनखानै अपणावै जखा बिको डर मानै अर नेक काम करै चाए बो कोईबी हो।

इबरानीआ 12:28

इ ताँई आपानै अंय्यां को राज मिलबाळो ह जिनै हलायो कोनी जा सकै, जणा आओ आपा परमेसर को डर मानर बाको मान करता होया बिनै राजी करबाळी भगती क सागै बिको धनेवाद करां।

इबरानीआ 4:11

जणा आओ आपा बि अराम हाळी झघा म बड़बा ताँई पूरी कोसिस करां, क्युं क कदै अंय्यां नइ होवै क आपणा बा बडका की जंय्यां परमेसर का हुकमानै नइ मानबा की बजेऊँ बि अराम हाळी झघा म जाबाऊँ चूक ज्यावां।

कलुसीयो 1:29

इ ताँई तो म, मेर म दम क सागै काम करबाळी बिकी सक्‍तिऊँ कड़ी मेनत करर्यो हूँ।

2 कुरन्थीयो 5:8

जणा आपानै हिमत राखबो चाए क्युं क खुदकी कायानै छोडर परबु क सागै बिका घर म रेह्बो चोखो ह।

2 कुरन्थीयो 5:6

इ ताँई आपानै सदाई हिमत राखबो चाए क्युं क आपा जाणा हां क जद ताँई इ काया म हां, जणा बि झघाऊँ दूर हा जठै आपा परबु क सागै रेहस्यां।

यहून्ना 6:27

रोट्या ताँई मेनत मना करो क्युं क बे तो बुसज्यावै, पण अजर-अमर जीवन देबाळी रोटी ताँई मेनत करो। आ बा रोटी ह जखी मिनख को बेटो थानै देसी, क्युं क परम-पिता परमेसर बिनै ओ अधिकार दिओ ह।”

इफिसुस 1:6

परमेसर की मेमाभरी दया ताँई बिकी जे-जैकार होवै, जखी बिका लाडला बेटा म आपानै सितमित म मिली ह!