2 कुरन्थीयो 5:8 - जीवन को च्यानणो (सेकावाटी नया नियम की पोथ्या)

⁸ जणा आपानै हिमत राखबो चाए क्युं क खुदकी कायानै छोडर परबु क सागै बिका घर म रेह्बो चोखो ह।

2 कुरन्थीयो 5:8 Referans Kwoze

2 कुरन्थीयो 5:6

इ ताँई आपानै सदाई हिमत राखबो चाए क्युं क आपा जाणा हां क जद ताँई इ काया म हां, जणा बि झघाऊँ दूर हा जठै आपा परबु क सागै रेहस्यां।

1 यहून्ना 3:2

ओ लाडलो, इब आपा परमेसर का टाबर हां, पण आबाळा टेम म आपा काँई होस्यां इकै बारां म आपानै ज्ञान कोनी करायो गयो ह। पण चाए जखोबी हो आपा आ जाणा हां क जद मसी ओज्यु परगट होसी जणा आपा बिकै जंय्यां का होज्यास्यां, क्युं क जंय्यां बो ह बंय्यांई बिनै आपा देखस्यां।

यहून्ना 14:3

बठै थारै ताँई झघा बणाया पाछै म थानै लेबा आस्युं। बिकै पाछै आपा सागैई रेहस्यां।

2 कुरन्थीयो 5:9

इ ताँई म्हारा हिया की इंछ्या तो आ ह क चाए धरती प रेह्‍वां चाए ईस्बर नगरी म रेह्‍वां पण परमेसरनै भाता रेह्‍वां।

दरसाव 22:3

बठै कोईबी सराप कोनी होसी। परमेसर अर उन्या को सिंघासन बि नगरी म होसी, अर बिका दास बिकी भगती करसी।

भेजेड़ा चेला का काम 21:13

पण पोलुस बाऊँ बोल्यो, “थे ओ काँई करो हो? आ ढंगा रो-रोर थे मेरो मन कचो करो हो, म तो परबु ईसु का नामऊँ यरूसलेम म खाली बंदि बणबा ताँई नइ पण मरबा ताँई बी त्यार हूँ।”

यहून्ना 17:24

ओ परम-पिताजी, जखा मिनख थे मनै सूप्या हो म चाऊँ हूँ क बे बी बठै मेरै सागै होवीं जठै म हूँ, जिऊँ क बे बि मेमानै देख सकीं जखी थे मनै दिआ हो, क्युं क इ सरस्टिनै रचबाऊँ पेली थे मेरूँ परेम कर्यो।

लूका 2:29

“परबु थे थारा कह्यानै पूरो कर्या हो इब थारो दास सुक-स्यांतीऊँ मर सकै ह।

मत्ती 25:23

मालिक बिनै बी बोल्यो, ‘स्याबास तू बी बिस्वास जोगो अर चोखो दास ह। तू बी थोड़ा म बिस्वास राख्यो इ ताँई म तनै बी बोळी चिजा प अधिकार देस्युँ। आर मेरै सागै खुसी मना।’

मत्ती 25:21

बिकी इ बातनै सुणर मालिक खयो, ‘स्याबास तू बिस्वास जोगो अर चोखो दास ह। तू थोड़ा म बिस्वास राख्यो इ ताँई म तनै ओर बोळी चिजा प अधिकार देस्युँ। आर मेरै सागै खुसी मना।’

यहून्ना 12:26

जखो बी मेरी सेवा करबो चावै ह, बिनै मेरै गेल चालनो पड़सी जिऊँ क मेरा दास मेरै सागैई रेह्‍वै। जखो मेरी सेवा करसी, बानै मेरो परम-पिता मान देसी।