2 कुरन्थीयो 5:16 - जीवन को च्यानणो (सेकावाटी नया नियम की पोथ्या)

¹⁶ इ ताँई आपा इब आगैऊँ कोईबी मिनख क सागै इ दुनिया को न्याय कोनी करां। एक टेम आपा मसी क सागै इ दुनिया गेल न्याय कर्यो हो। पण इब अंय्यां कोनी।

2 कुरन्थीयो 5:16 Referans Kwoze

कलुसीयो 3:11

अर इब कोई यूनानी अर यहूदि, सुन्नत हाळो अर बिना सुन्नत हाळो, बिना लोतर का, कुजात, गुलाम अर अजाद म कोई अंतर कोनी ह पण मसी सक्यु अर सगळा म ह।

यहून्ना 6:63

परमेसर की आत्मा तो जीवन देवै ह, पण मिनख की ताकत ख्याई काम की कोनी। जखी बात म थारूँ खई ह, बे परमेसर की आत्माऊँ ह अर जीवन देवै ह।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

गलातियो 5:6

क्युं क मसी ईसु म नइ तो सुन्नत कराबाळो, अर नइ सुन्नत नइ कराबाळो क्यु मांयनै राखै ह। पण बिस्वास जखो परेम की बजेऊँ काम करै ह बोई मांयनै राखै ह।

यहून्ना 15:14

ज थे मेरा बताया गेला प चालो जणा थे मेरा भाईला हो।

यहून्ना 2:4

ईसु बोल्यो, “मावड़ी, मेरूँ क्युं बी करबा ताँई मना बोल। हाल मेरो टेम कोनी आयो।”

मत्ती 10:37

“जखो बी मिनख मेरूँ बेत्ती आपका माँ-बापानै नहिस आपका बाळबच्चानै परेम करै बो मेरै जोगो कोनी।”

2 कुरन्थीयो 11:18

क्युं क बोळा हीं जखा काया-माया को गुमान करीं हीं, जणा म बी गुमान करस्युं।

यहून्ना 8:15

थे मिनखा का बणाएड़ा तरिकाऊँ न्याय करो हो। पण म कोईकोई न्याय कोनी करूं।

फलिपी 3:4

म अंय्यां की बाता प घमंड कर सको हो, ज कोई सोचै ह की बो जगत की बाता प घमंड कर सकै ह जणा मेरै कनै आपै घमंड करबा ताँई बिऊँ बी बडी बजै ह।