2 कुरन्थीयो 5:11 - जीवन को च्यानणो (सेकावाटी नया नियम की पोथ्या)

¹¹ जणाई म्हें परबु को डर मानर ओरानै परमेसर कानि फिरबा ताँई हिमत बंधावां हां। परमेसर म्हानै जाणै ह, अर म आस करूं हूँ, क थे बी म्हारा बारां म सक्यु जाणो हो।

2 कुरन्थीयो 5:11 Referans Kwoze

यहूदा 1:23

थे आगै बढर बा मिनखानै बचाल्यो जखा बचबो चावीं हीं। बानै बंय्यां बचाल्यो जंय्यां थे कोईनै लायऊँ बचाया हो। बापै परबु को डर मानर दया करो। पण बाका बा गाबाऊँ जापै बाकी बुरा करमा की गंदगी लागरी ह नफरत करो, मतबल बाका पाप भर्या करमाऊँ नफरत करो।

इबरानीआ 10:31

जीवता परमेसर क हाता म पड़बो भेंकर बात ह।

दरसाव 20:15

अर जिको बी नाम जीवन की पोथी म मांडेड़ो कोनी मिल्यो बिनै बी इ आग का कूंड म गेर दिओ गयो।

2 कुरन्थीयो 6:1

परमेसर का संगी होबा क नातै म्हें थानै समजावां हां क परमेसर की दया थार प होई ह बिनै बेकार मना जाबाद्‍यो।

2 कुरन्थीयो 5:20

म्हें मसी ताँई ओ काम करां हां। अर थे आ मानो की परमेसर म्हारै जरिए थानै चेतावै ह। इ ताँई म्हें मसी क कानिऊँ थारूँ हात जो'ड़र खेवां हां क थे परमेसरऊँ मेळमिलाप करल्यो।

भेजेड़ा चेला का काम 18:13

“ओ मिनख मिनखानै परमेसर की भगती करबा की अंय्यां की रीत सीखावै जखी मूसा का नेम-कायदा क खिलाप ह।”

लूका 12:5

पण म थानै चेताऊँ हूँ, परमेसरऊँ डरो जखो थानै मार'र नरक म गेरबा को हक राखै ह, सगळा बिऊँई डरो।

गलातियो 1:10

के म मिनखाऊँ मंजुरी लेबो चाऊँ? मनै इकी जुर्त कोनी! जिकी मनै जुर्त ह बा परमेसर की मंजुरी ह! म मिनखानै राजी करबो कोनी चाऊँ ज म अंय्यां करबो चाऊँ जणा म मसी को सेवक कोनी।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

भेजेड़ा चेला का काम 28:23

जणा बे पोलुस की सुणबा ताँई एक दिन राख्यो। अर बि दिन जठै बो रेहर्यो हो बठै बोळासारा मिनख आर भेळा होया। जणा बो मूसा का नेम-कायदा अर परमेसर की खेबाळा की पोथ्याऊँ ईसु क बारां म समजाबा की कोसिस करतो बानै परमेसर का राज क बारां म समजायो। बो दिनग्याऊँ लेर दिन ढळबा ताँई इमई लाग्यो रिह्यो।

भेजेड़ा चेला का काम 26:26

म्हराज अगरीपा अ बाता म थानै बेधड़क खे सकूँ हूँ, क्युं क थे आ सगळी बाता क बारां म जाणो हो। अर अ सगळी बाता थारूँ छानी कोनी क्युं क अ बाता ओला अर कूणा म कोनी घटी।

भेजेड़ा चेला का काम 19:26

अर थानै जंय्यां बेरोई ह क पोलुस इफिसुस मई नइ पण सगळा एसिया म मिनखानै भंगरा इ बातनै मनवावै ह क हातऊँ बणाएड़ी मूरती ईस्बर कोनी।

भेजेड़ा चेला का काम 18:4

पोलुस हर यहूदिआ का अरामहाळा दिन अरदास करबाळी झघा म यहूदि अर यूनानी मिनखा क सागै चरचा करतो अर बानै समजातो हो।

भेजेड़ा चेला का काम 13:43

सभा क खतम होबा क पाछै यहूदि अर गैर-यहूदि जखा यहूदि धरम पंथ म रळेड़ा भगत हा बे पोलुस अर बरनाबास क गेल होलिआ। पोलुस अर बरनाबास बाऊँ बात कर बानै समजाया की परमेसर की दया म बण्या रेह्ओ।

लूका 16:31

जणा बो बिऊँ बोल्यो, ‘जद बे मूसा अर परमेसर की खेबाळा की पोथ्या की बातानै कोनी मानी जणा बे मर्या पाछै जिबाळा की कंय्यां मानसी?’”

मत्ती 25:46

जणा बे मिनख कदैई नइ खतम होबाळी सजा पासी अर धरमी मिनख अजर-अमर जीवन पासी।”

मत्ती 10:28

“थे बा मिनखाऊँ मना डरो जखा थारी कायानै नास कर सकीं हीं पण थारी आत्मानै नास कोनी कर सकीं। पण परमेसरऊँ डरो जखो थारी आत्मा अर काया दोन्यानै नरक म गेर'र नास कर सकै ह।

इफिसुस 5:21

मसी को डर राख'र एक-दुसरा क बस म रह्यो।

इबरानीआ 12:29

क्युं क आपणो परमेसर भसम करबाळी आग ह।