2 कुरन्थीयो 4:7 - जीवन को च्यानणो (सेकावाटी नया नियम की पोथ्या)

⁷ आपणा जंय्यां का माटी का भांढा म आत्मिक जागिर धर राखी ह अर आ अनोरी सक्‍ति आपणी कोनी ह पण परमेसर की ह।

2 कुरन्थीयो 4:7 Referans Kwoze

2 कुरन्थीयो 5:1

क्युं क आपा जाणा हां आपणी काया जखी धरती का टापरा की जंय्यां ह जखी माटी होज्यासी। पण आपणा ताँई परमेसर जुग-जुग ताँई रेह्बाळो टापरो बणा राख्यो ह जखो ईस्बर नगरी म ह।

1 कुरन्थीयो 1:28

अर इ दुनिया की सोचनै मिटाबा ताँई परमेसर इ दुनिया म छोटा अर निचा देख्या जाबाळानै जानै क्युंई कोनी समज्यो जावै टाळ्यो।

कलुसीयो 2:3

मसी म सगळा ज्ञान अर बुदी को खजानो लुखेड़ो ह।

कलुसीयो 1:27

परमेसर आपका टाळेड़ा मिनखा प बि भेदभर्या सतनै परगट कर्यो जिकी बो मनस्या बणा राखी ही ओ सत बोळो मेमाभर्यो ह, अर ओ सगळा ताँई ह। ओ भेद भर्यो सत ओ ह क, मसी गैर-यहूदि मिनखा म बी रेह्‍वै ह जखो मेमा की आस ह।

इफिसुस 3:8

म परमेसर का सगळा मिनखा म सऊँ छोटो हूँ इकै पाछै बी परमेसर की आ दया मेर प होई ह जिऊँ म गैर-यहूदि मिनखानै मसी का अनमोल धन का चोखा समचार सुणाऊँ।

2 कुरन्थीयो 10:10

क्युं क क्युंक मिनख मेरै बारां म बोलै ह क, “बिकी चिठ्या हिया प ठेस लगाबाळी अर दुख देबाळी ह। पण जद बो म्हारै सामै होवै जणा बो खाट काटेड़ोसो लागै अर बिकी बाता म बी दम कोनी होवै ह।”

मत्ती 13:44

“ईस्बर नगरी को राज खेत म गाडेड़ा धन की जंय्यां ह। ओ एक मिनखनै लाध्यो पण बो बिनै ओज्यु बठैई लुखा दिओ। अर बो राजी होर जोक्यु बी बिकन हो बो बिनै बेचर बि खेतनै मोल ले लिओ।

2 तिमूतियूस 2:20

बडा घर म भात-भात का बरतन होवीं हीं, क्युं लकड़ी अर चिकणी माटी का बणेड़ा अर क्युं सोना अर चाँदी का, क्युं खास मोका ताँई अर क्युं घर म रोजकी बरतबा ताँई।

2 कुरन्थीयो 4:1

म्हारै प परमेसर की दया होई जिऊँ म्हानै आ सेवा मिली ह, जणा म्हें हिमत कोनी हारां।

कलुसीयो 2:12

अर जद थे बतिस्मो लिआ जणा मसी क सागै गाड्या गया हा अर परमेसर की काम करबाळी सक्‍ति प थारा बिस्वासऊँ ओज्यु मसी क सागै जीवाया गया हा। जि मसीनै परमेसर मरेड़ा मऊँ ओज्यु जीवायो हो।

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

इफिसुस 2:5

अर परमेसर का हुकमानै नइ मानबा की बजेऊँ आपा तो आत्मा म मरेड़ा हा। पण मसी क जीबा की बजेऊँ बो आपानै पाप भर्या जीवनऊँ बचार आत्मा म जीवायो। आ परमेसर की दयाई ह जिकी बजेऊँ आपा बचगा।

2 कुरन्थीयो 13:4

बो कमजोरी म हो जणा बो सुळी प मर्यो, पण बो परमेसर की सक्‍तिऊँ जिंदो ह। अर म्हें बी बिमै तो कमजोर हां पण परमेसर की सक्‍ति की बजेऊँ बिकै सागै जीवां हां जिऊँ थानै सुदार सकां।

2 कुरन्थीयो 6:10

म्हारा हिया म पिड़ा ह पण म्हें सदाई राजी रेह्‍वां हां, म्हें कंगला की जंय्यां दिखां हां पण ओरानै पिसाळा बणा देवां हां, म्हें रिता हात दिखां हां पण म्हारै कनै सक्यु ह।

मत्ती 13:52

जणा ईसु बाऊँ खयो, “जत्ता बी सास्तरानै सीखाबाळा ज्ञानी परमेसर का राज का चेला बण्या हीं बे बि घर का मालिक की जंय्यां ह, जखो बक्साऊँ नई अर पुराणी चिजा निकाळै ह।”

यहून्ना 16:33

“म अ बाता थारूँ इ ताँई बोल्यो क थानै स्यांती मिलै। जगत म तो थानै दुखई मिल्यो ह पण हिमत राखो म जगतनै जीत लिओ हूँ।”

1 थिसलूनिकी 4:4

थानै हरेकनै थारी खुदकी लूगाई क सागै पबितर अर आदरमान क सागै जीवन जिबो चाए,