2 कुरन्थीयो 4:6 - जीवन को च्यानणो (सेकावाटी नया नियम की पोथ्या)

⁶ क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

2 कुरन्थीयो 4:6 Referans Kwoze

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

2 पतरस 1:19

अर म्हारै कनै परमेसर की खेबाळा का जखा बचन ह बिऊँ आ साबित बी होवै ह। अर थे समजर इपै ध्यान करो हो अंय्यां कर थे चोखोई करो हो। क्युं क बो च्यानणो ह, जखो अँधेरा म जद ताँई च्यानणो देसी जद ताँई दिन नइ निकळै अर थारा हिया म भोर को तारो नइ उग्यावै।

इफिसुस 5:8

क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

इबरानीआ 1:3

परमेसर को बेटो परमेसर की मेमा को उजाळो अर बिमै बिकोसोई सुभाव ह। बोई आपका बचना की सक्‍तिऊँ सरस्टि की सगळी चिजानै थाम राखी ह। बो मिनखा का पापनै धोर ईस्बर नगरी म सऊँ सक्‍तिसाली परमेसर क दायणै हात जार बेठगो।

2 कुरन्थीयो 3:18

इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।

यहून्ना 11:40

ईसु बिऊँ बोल्यो, “के म तेरूँ कोनी बोल्यो हो, ज तू बिस्वास करै जणा परमेसर की मेमा देखसी?”

कलुसीयो 1:15

दिखबाळो ईसु मसी नइ दिखबाळा परमेसर की जंय्यां ह। बो सगळी चिजा म पेलो अर सगळी सरस्टिऊँ बोळो म्हान ह।

इफिसुस 1:17

अर आपणा परबु ईसु मसी का परमेसर जखो मेमाभर्यो परम-पिता ह, बिऊँ माँगु हूँ क बो थानै बुदी देबाळी अर परगट करबाळी आत्मा दे, जिऊँ थे बिनै चोखा ढंगऊँ जाण सको।

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

1 पतरस 1:12

पण बानै ओबी बतायो गयो क, बे खुदकी नइ पण थारी सेवा ताँई अ बाता बोल्या हीं। बे थारै ताँई ईस्बर नगरीऊँ आईड़ी पबितर आत्मा की सक्‍तिऊँ चोखा समचार को हेलो पाड़्या। जदकी आ बातानै जाणबा ताँई ईस्बर नगरी दुत बी तरसीं हीं, पण इकै वावजुद बी अ बाता बस थारै ताँई परचार करी गई।

फलिपी 2:6

बो परमेसर का सुभाव म होर बी परमेसर क बराबर होबा को हक कोनी जतायो।

यहून्ना 12:41

यसाया अंय्यां इ ताँई बोल्यो हो, क्युं क बो ईसु की मेमा देख लिओ हो, अर बिकै बारां म बोल्यो।

लूका 10:22

“मेरो परम-पिता मनै सक्यु दे दिओ अर परम-पिता क सिवाय कोई कोनी जाणै क बेटो ईसु कूण ह? अर बेटा ईसु क सिवाय कोई कोनी जाणै क परम-पिता कूण ह? अर के बो जाणै जिनै बेटो ईसु बतावै।”

भेजेड़ा चेला का काम 26:18

जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’

1 कुरन्थीयो 12:8

अर पबितर आत्माऊँ एकनै बुदी भर्यो समचार अर दुसरानै ज्ञान की बाता बोलबा ताँई दि जावै ह।

2 कुरन्थीयो 2:10

पण ज थे कोईनै बी कोई बात ताँई माफ करो हो जणा म बी बिनै माफ करूं हूँ। अर जोक्यु बी म माफ करूं हूँ बो मसी क सामै थारै ताँई करूं हूँ,

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

1 थिसलूनिकी 2:12

थारै मऊँ हरेकनै हिमत बंधाता, तसली देता अर समजाता हा क थारो चाल-चलन परमेसर जोगो होवै जखो थानै आपका राज अर मेमा म बुलावै ह।

इबरानीआ 6:4

क्युं क जखा मिनखनै एकर परमेसर को ज्ञान मिलगो, जखो ईस्बर नगरी का बरदाना को सुवाद चखलिओ, जखो पबितर आत्मा को संगरो कर लिओ,