2 कुरन्थीयो 4:3 - जीवन को च्यानणो (सेकावाटी नया नियम की पोथ्या)

³ अर चोखो समचार जिनै म्हें सुणावां हां ज बिपै परदो पड़्यो ह जणा बो बा मिनखा ताँई ह जखा नास होर्या हीं।

2 कुरन्थीयो 4:3 Referans Kwoze

2 कुरन्थीयो 3:14

पण हालताई बाकी बुदी काम कोनी करै अर बे बि पुराणीया करारनै बाची हीं इ बजेऊँ बाकै आज बी आँख्या प बोई परदो पड़्यो ह। ओ परदो मसीई हटा सकै ह।

1 कुरन्थीयो 1:18

मसी क सुळी भोगबा को समचार नास होबाळा मिनखा ताँई बकवास ह। पण आपणा ताँई जखा बचाया जार्या हां परमेसर की सक्‍ति ह।

मत्ती 11:25

बठैई ईसु बोल्यो “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञान्याऊँ अर स्याणाऊँ लखोर राखी अर गुठा छाप प आका भेदानै खोल्या।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

रोमीयो 2:16

अ बाता चोखा समचार गेल जिको म परचार करूं हूँ बि दिन होसी जि दिन परमेसर मसी ईसु क जरिए मिनखा की लुखेड़ी बाता को न्याय करसी।

1 तिमूतियूस 1:11

आ खरी सीख धने परम-परधान परमेसर की लिला का बि चोखा समचार क गेल ह जखो मनै दिओ गयो ह।

1 थिसलूनिकी 1:5

क्युं क ओ चोखो समचार थारै कनै बोली रूप मई कोनी पुग्यो पण सक्‍ति, पबितर आत्मा अर इकै सच की पुक्‍ताई क सागै पुग्यो ह। जंय्यां थे जाणोई हो क, म्हें थारा भला ताँई थारै मांयनै कंय्यां जिया।

2 कुरन्थीयो 2:12

जद म मसी का चोखा समचार को परचार करबा तरोआस गयो हो जणा मेरै ताँई परबु गेलो खोल दिओ।

1 कुरन्थीयो 2:6

आपा परमेसर की आत्मा म पक्का मिनखानै इ ज्ञान क बारां म बतावां हां। पण ओ ज्ञान दुनिया अर इ दुनिया प राज करबाळी सक्‍ति को कोनी ह जखी नास होरी ही।