2 कुरन्थीयो 4:10 - जीवन को च्यानणो (सेकावाटी नया नियम की पोथ्या)

¹⁰ क्युं क म्हें सदाई इ बातनै ध्यान म राखां हां क ईसुनै मिनख मार्या। जणा बिका समचार को हेलो पाड़बा ताँई जद म्हें हांडा हां जणा मिनख म्हानै बी मार सकीं हीं इकै पाछै बी म्हें डरां कोनी पण मरबानै त्यार हां। जिऊँ क ईसु को जीवन बी म्हारी काया म खुला रूप म दिखै।

2 कुरन्थीयो 4:10 Referans Kwoze

रोमीयो 6:5

ज आपा बिकीसी मोत म बिकै सागै एक होगा हां, जणा बिका ओज्यु जी उठबा म बी बिकै सागै एक होज्यास्यां।

2 तिमूतियूस 2:11

आ बिस्वास जोगी बात ह, “ज आपा बिकै सागै मरेड़ा हां, जणा बिकै सागै जिस्यां।

1 पतरस 4:13

पण राजी होवो क थानै मसी की जंय्यां दुख भोगबा को मोको मिल्यो। आ बात थानै बि बडी खुसी ताँई त्यार करसी जखी मसी जि दिन आपकी मेमा क सागै आसी जणा होसी।

रोमीयो 6:8

अर जंय्यां आपा मसी क सागै मर्या हा, जणा आपणो बिस्वास ह क आपा बिकैई सागै जिस्यां।

2 कुरन्थीयो 13:4

बो कमजोरी म हो जणा बो सुळी प मर्यो, पण बो परमेसर की सक्‍तिऊँ जिंदो ह। अर म्हें बी बिमै तो कमजोर हां पण परमेसर की सक्‍ति की बजेऊँ बिकै सागै जीवां हां जिऊँ थानै सुदार सकां।

2 कुरन्थीयो 1:5

क्युं क जंय्यां मसी जखी पिड़ा भोगी बिनै म्हें बी भोगां हां जिऊँ आपा मसी की बजेऊँ परमेसर की बि म्हान मददनै बी भोगां।

रोमीयो 8:36

जंय्यां क पबितर सास्तर म मंडेड़ो ह: “क्युं क तेरी बजेऊँ म्हानै हर टेम मोत को मुंडो देखणो पड़ै; म्हें कटबाळी लल्डी समज्या जावां हां।”

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

2 कुरन्थीयो 1:9

अर म्हें हिया म आ बी सोचली ही क म्हानै मोत की सजा होगी ह। जिऊँ म्हें खुद प भरोसो नइ कर परमेसर प भरोसो कर सकां जखो मरेड़ानै बी ओज्यु जीवावै ह।

गलातियो 6:17

इब म आखरी म खेऊँ हूँ क, आगै कोई बी मनै दुखी नइ करै, क्युं क म तो मेरी काया म ईसु मसी का घाव लेर घूमर्यो हूँ।

यहून्ना 14:19

क्युंक टेम पाछै आ सरस्टि मनै कोनी देखसी, पण थे मनै देखस्यो। क्युं क म जीऊँ हूँ, अर थे बी जिस्यो।

दरसाव 1:17

जद म बिनै देख्यो जणा बिका पगा म मरेड़ा मिनख की जंय्यां पड़गो। अर बो आपको दाइणो हात मेर प धर मेरूँ बोल्यो, “डरै मना। म पेलो अर आखरी हूँ।

2 कुरन्थीयो 4:11

ईसु की बजेऊँई म्हें जखा जीवता हां मोत क हाता म सूप्या जावां जिऊँ ईसु को जीवन नास होबाळी काया म खुला रूपऊँ सामै आवै।

1 पतरस 4:14

ज मसी क नाम की बजेऊँ थानै दुख अर बेजती सेणी पड़ै जणा बिनै सोभाग मानो। आ बात इनै दिखावै ह क परमेसर की मेमा भरी आत्मा थारै सागै ह।