2 कुरन्थीयो 3:7 - जीवन को च्यानणो (सेकावाटी नया नियम की पोथ्या)

⁷ मोत ल्याबाळी सेवा जखी मूसा का नेम-कायदा गेल होती ही जखो भाठा की पट्या प मांड्यो गयो अर जद ओ बिधान दिओ गयो जणा परमेसर की मेमा परगट होई। बि टेम का मूसा का मुंडा की चमक होळ्या-होळ्या कम होरी ही इकै बावजुद बी बा अत्ती जोरकी ही क इजरायल का मिनख बिका मुंडा कानि कोनी देख पार्या हा।

2 कुरन्थीयो 3:7 Referans Kwoze

1 कुरन्थीयो 13:10

पण जद सगळी बाता पूरी करबाळो आसी जणा ओ अधुरो मिट ज्यासी।

रोमीयो 10:4

मसी नेम-कायदा को अंत ह जिऊँ जखो बिस्वास करै बो परमेसर की नजर्या म धरमी बणै।

2 कुरन्थीयो 3:6

अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।

2 कुरन्थीयो 3:3

थे चिठी की जंय्यां हो जिनै खुद मसी मांडी ह अर म्हारै हाता भेजी ह। आ चिठी स्याईऊँ भाठा की पट्या प कोनी मांडी गई पण जीवता परमेसर की पबितर आत्माऊँ मिनखा की हिया की पटी प मांडी गई ह।

रोमीयो 4:15

क्युं क नेम-कायदा का नियमानै तोड़बाऊँ परमेसर की झाळ मिनखा प पड़ै ह अर जठै नेम-कायदा कोनी बठै बिनै तोड़बा की गुंजाईस कोनी।

रोमीयो 7:10

अर म जाणग्यो क नेम-कायदा को हुकम जखो जीवन देबा ताँई हो मेर ताँई मोत ल्यायो।

भेजेड़ा चेला का काम 6:15

जणा पंचायत म बेठ्या सगळा मिनख आपकी आँख्या बिका मुंडा प गाड दिनी अर बानै बिको मुंडो ईस्बर नगरी दुत की जंय्यां दिख्यो।

रोमीयो 7:22

मेरी अन्तर-आत्मा क मांयनै तो म परमेसर का नेम-कायदानै राजी पेटा मानू हूँ।

इबरानीआ 9:4

इ भाग म सोना की धूप जळाबाळी बेदी जिपै सुगंद देबाळी चिजा चढाई जाती ही, सोनाऊँ मंढेड़ो करार को बक्सो अर इ बक्सा क मांयनै सोनाऊँ बणेड़ो बरतन हो जिकै मांयनै मन्ना हो, हारुण की कुपळ फूटेड़ी लाठी अर करार मांडेड़ा भाठा बी हा।

रोमीयो 5:20

नेम-कायदा इ ताँई आया क पाप बढ सकीं। पण जठै पाप बढ्यो बठै परमेसर की दया इऊँ ओर बी ज्यादा बढी।

रोमीयो 7:5

क्युं क जद आपा मिनख सुभाव क गेल जिर्या हां जणा आपणी पाप भरी इंछ्या नेम-कायदा क जरिए आपणा म काम करबा लागी जिको फळ मोत हो।

2 कुरन्थीयो 3:8

जणा जीवन ल्याबाळी सेवा जखी पबितर आत्मा गेल होवै ह बिऊँ बेत्ती भळका मारबाळी क्युं कोनी होसी?

गलातियो 3:10

जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

गलातियो 3:21

के जणा नेम-कायदा परमेसर का करेड़ा करार क खिलाप ह? अंय्यां पक्काई कोनी! क्युं क ज नियमानै मानबा की बजेऊँ परमेसरऊँ आपानै जीवन मिलतो, जणा सचमई नेम-कायदाऊँ पाप धुप जाता।

इबरानीआ 3:3

जंय्यां घरनै बणाबाळानै घरऊँ बेत्ती मान दिओ जावै ह बंय्यांई ईसुनै बी मूसाऊँ बेत्ती मान दिओ गयो।

इबरानीआ 12:18

थे तो बी बळता डूँगर क कनै कोनी गया जिकै हात अड़ायो जा सकै हो। अर नइ थे अँधेरा, घोर अँधकार अर भंबुळिया क कनै गया।