2 कुरन्थीयो 3:6 - जीवन को च्यानणो (सेकावाटी नया नियम की पोथ्या)

⁶ अर बोई म्हानै नया करार को दास होबा जोगो बणायो ह। अर आ कोई मांडेड़ी बात कोनी ह पण ओ पबितर आत्मा को करार ह क्युं क मांडेड़ो नेम-कायदो तो मारै ह जदकी पबितर आत्मा जीवन देवै ह।

2 कुरन्थीयो 3:6 Referans Kwoze

यहून्ना 6:63

परमेसर की आत्मा तो जीवन देवै ह, पण मिनख की ताकत ख्याई काम की कोनी। जखी बात म थारूँ खई ह, बे परमेसर की आत्माऊँ ह अर जीवन देवै ह।

रोमीयो 7:6

पण इब आपानै नेम-कायदाऊँ छुटकारो दे दिओ गयो ह जिकै बंदण म आपा बंदर्या हा अर आपा बि नेम-कायदा ताँई मरलिआ। जिऊँ बि पुराणा मंडेड़ा नेम-कायदाऊँ नइ पण पबितर आत्मा की नएड़ी रीत गेल सेवा करां।

रोमीयो 8:2

क्युं क मसी ईसु म जीवन देबाळी पबितर आत्मा को नेम-कायदो मनै पाप अर मोत का बिधानऊँ छुटावै ह।

इबरानीआ 12:24

अर नया करार का बिचोलिआ ईसु कनै आग्या हो अर छिड़कबाळा लोय क कनै आग्या हो जखो हाबिल का लोयऊँ बी चोखा बचन बोलै ह।

इबरानीआ 7:22

इ सोगन की बजेऊँ ईसु एक चोखा करार की जामनी बणगो।

2 कुरन्थीयो 3:14

पण हालताई बाकी बुदी काम कोनी करै अर बे बि पुराणीया करारनै बाची हीं इ बजेऊँ बाकै आज बी आँख्या प बोई परदो पड़्यो ह। ओ परदो मसीई हटा सकै ह।

1 कुरन्थीयो 15:45

क्युं क पबितर सास्तर म मंडर्यो ह क “पेलो मिनख आदम जिनै एक जिंदा पराणी क रूप रच्यो गयो” पण आखरी मिनख मसी जीवन देबाळी आत्मा ह।

रोमीयो 3:20

नेम-कायदा का काम करबाऊँ कोईबी मिनख परमेसर क सामै धरमी कोनी हो सकै। क्युं क नेम-कायदाऊँ तो पाप की पिछाण होवै।

इबरानीआ 13:20

स्यांती देबाळो परमेसर थानै हर भली बात म भर्योपूरो करै। जिऊँ थे बिकी इंछ्या पूरी करो, अर ईसु मसी क जरिए आपणै मांयनै बी काम करै जंय्यां क बिनै चोखो लागै। परमेसर, आपणा परबु ईसुनै नइ मिटबाळा नया करार का लोय क जरिए मोतऊँ ओज्यु जीवायो जखो लल्ड्या को म्हान गुवाळ्यो ह। परमेसर की मेमा जुग-जुग ताँई होती रेह्‍वै। अंय्यांई होवै।

लूका 22:20

अंय्यांई रोटी खाबा क पाछै बो कचोळो लेर बानै बोल्यो, “ल्यो ओ कचोळो मेरा लोयऊँ करेड़ा नया करार की निसाणी ह। जखो थारै ताँई बहायो जार्यो ह।

1 कुरन्थीयो 11:25

अर अंय्यांई बो रोटी खाबा क पाछै कचोळो लिओ अर खयो, “ओ कचोळो परमेसर को नयो करार ह: जिपै मेरै लोयऊँ म्होर लगाई गई ह। जद बी थे इनै पीओ, जणा मेरी याद म पीआ करो।”

मत्ती 13:52

जणा ईसु बाऊँ खयो, “जत्ता बी सास्तरानै सीखाबाळा ज्ञानी परमेसर का राज का चेला बण्या हीं बे बि घर का मालिक की जंय्यां ह, जखो बक्साऊँ नई अर पुराणी चिजा निकाळै ह।”

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

1 तिमूतियूस 4:6

ज तू भाईड़ानै अ हिदायत देसी जणा तू मसी ईसु को चोखो दास होसी। इऊँ ओ बेरो पड़ै क, आत्मिक रूपऊँ बिस्वास का बचन अर सची सीख तेरै मांयनै ह, जखी तू मानतो आयो ह।

इफिसुस 3:7

परमेसर की दया का दानऊँ म चोखा समचार को सेवक बण्यो अर बिकी काम करबाळी सक्‍तिऊँ मनै ओ दान मिलेड़ो ह।

गलातियो 3:21

के जणा नेम-कायदा परमेसर का करेड़ा करार क खिलाप ह? अंय्यां पक्काई कोनी! क्युं क ज नियमानै मानबा की बजेऊँ परमेसरऊँ आपानै जीवन मिलतो, जणा सचमई नेम-कायदाऊँ पाप धुप जाता।

2 कुरन्थीयो 3:7

मोत ल्याबाळी सेवा जखी मूसा का नेम-कायदा गेल होती ही जखो भाठा की पट्या प मांड्यो गयो अर जद ओ बिधान दिओ गयो जणा परमेसर की मेमा परगट होई। बि टेम का मूसा का मुंडा की चमक होळ्या-होळ्या कम होरी ही इकै बावजुद बी बा अत्ती जोरकी ही क इजरायल का मिनख बिका मुंडा कानि कोनी देख पार्या हा।

1 कुरन्थीयो 12:28

अर परमेसर बिस्वासी मंडळी म न्यारा-न्यारा मिनखानै न्यारा-न्यारा पद दिओ ह, पेलानै भेजेड़ा चेला को, दुसरानै परमेसर की बात बताबा को, तीसरानै गरूजी को अर कोईनै चमत्कार का काम करबाको, अर कोईनै निरोगा करबाको, अर कोईनै मदद करबाको, अर कोईनै बेबस्ता करबाको तो कोईनै न्यारी-न्यारी बोली बोलबा को काम सोप्यो ह।

1 कुरन्थीयो 3:5

जणा थेई बताओ अपुलोस कूण ह अर पोलुस कूण ह? म्हें तो परमेसर का मामुलीसा सेवक हा जाकी बजेऊँ थे बिस्वास म आया। म्हारै मऊँ हरेक जणो बो काम करै ह जखो परमेसर म्हानै करबा ताँई दिओ ह।

रोमीयो 4:15

क्युं क नेम-कायदा का नियमानै तोड़बाऊँ परमेसर की झाळ मिनखा प पड़ै ह अर जठै नेम-कायदा कोनी बठै बिनै तोड़बा की गुंजाईस कोनी।

यहून्ना 5:21

जंय्यां परम-पिता मरेड़ानै जीवावै ह, बंय्यांई बेटो बी जिनै चावै बिनै जीवन देवै ह।

मरकुस 14:24

अर ईसु बाऊँ बोल्यो, “ओ मेरो लोय ह ओ परमेसर का नया करार की सेलाणी ह जखो बोळा ताँई बहायो जार्यो ह।

मत्ती 26:28

क्युं क इ कचोळा की अँगूरी मेरा लोय को नयो करार ह। ओ लोय बोळा मिनखानै पापऊँ माफ करबा ताँई बहायो ज्यासी।

2 कुरन्थीयो 3:9

जद मोत ल्याबाळी सेवा मेमाऊँ भरेड़ी ही जणा जीवन ल्याबाळी सेवा जखी धरमी बणावै ह बा बिऊँ बेत्ती मेमाऊँ भरेड़ी क्युं कोनी होसी?

रोमीयो 4:17

जंय्यां क पबितर सास्तर म मंडर्यो ह, “म तनै बोळा कूणबा को बाप बणायो।” बि परमेसर क सामै जिपै बो बिस्वास कर्यो जखो मरेड़ानै ओज्यु जीवावै ह अर जखी बात आथई कोनी बानै परगट करै ह बो अब्राहम आपणो बाप ह।

1 यहून्ना 1:1

इ चिठी म म्हें, बि एक की बात करां हां, जिनै बचन बोल्यो गयो ह , जखो क्युबी रच्या जाबाऊँ पेली हो, जखो कदैई नइ खतम होबाळो जीवन देवै ह। म्हें बि अजर-अमर जीवन को हेलो थारै मांयनै पाड़ां हां, जखो परम-पिता क सागै हो अर म्हारै प परगट कर्यो गयो। बो जुगादऊँई हो , पण जद बो मिनख रूप मई धरती प आयो जणा म्हें इनै सुण्या, म्हारी आँख्याऊँ देख्या, अर म्हें खुद बिकै हात अड़ाया।

2 तिमूतियूस 1:11

परमेसर मनै चोखा समचार को हेलो सुणाबा ताँई एक हलकारा, सीखाबाळा अर ईसु का भेजेड़ा चेला को काम दिओ ह।

इफिसुस 2:5

अर परमेसर का हुकमानै नइ मानबा की बजेऊँ आपा तो आत्मा म मरेड़ा हा। पण मसी क जीबा की बजेऊँ बो आपानै पाप भर्या जीवनऊँ बचार आत्मा म जीवायो। आ परमेसर की दयाई ह जिकी बजेऊँ आपा बचगा।

1 कुरन्थीयो 3:10

परमेसर की दयाऊँ म एक चोखा चेजारा की जंय्यां निम धरी ह। अर बिपै ईमारत दुसरो बणार्यो ह। पण सगळानै ओ ध्यान राखबो चाए की बो बिपै कंय्यांको काम करर्यो ह।

इफिसुस 2:1

पाप अर परमेसर का हुकमानै नइ मानबा की बजेऊँ थे आत्मिक रूपऊँ मरेड़ा हा।

2 कुरन्थीयो 3:3

थे चिठी की जंय्यां हो जिनै खुद मसी मांडी ह अर म्हारै हाता भेजी ह। आ चिठी स्याईऊँ भाठा की पट्या प कोनी मांडी गई पण जीवता परमेसर की पबितर आत्माऊँ मिनखा की हिया की पटी प मांडी गई ह।

2 कुरन्थीयो 11:23

बे मसी का दास हीं जणा म बावळा की जंय्यां खेऊँ हूँ, म बाऊँ बी बढर मसी को दास हूँ। म बाऊँ बेत्ती मेनत करी ह, बार-बार केद म गयो हूँ, अर बोळीबर कोड़ा खाया, बार-बार मोत को सामनो कर्यो हूँ।

इबरानीआ 8:13

अर अंय्यां बो इनै “नयो करार” खेर पुराणा करारनै बेकार बणा दिओ; अर जखो पुराणो अर बेकार ह बो तावळोई मिटज्यावै ह।