2 कुरन्थीयो 3:2 - जीवन को च्यानणो (सेकावाटी नया नियम की पोथ्या)

² म्हारी चिठी तो थे हो, जखी म्हारै हिया की पट्या प मंडरी ह बिनै सगळा मिनख जाणै अर बाचै ह।

2 कुरन्थीयो 3:2 Referans Kwoze

1 थिसलूनिकी 1:8

क्युं क थारी बजेऊँ परबु को बचन थारूँ लेर मकीदुनिया अर अखाया मई कोनी फेल्यो, पण जठै बी म्हें जावां बठै परमेसर म थारा बिस्वास की चरचा सुणा हां। जि बजेऊँ म्हानै क्युं खेबा की जुर्तई कोनी पड़ै।

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

रोमीयो 1:8

सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह।

2 कुरन्थीयो 12:15

अर जठै ताँई मेरी बात ह, मेरै कनै जोक्यु बी ह, बिनै थारै ताँई राजी होर खरच करस्युं, अठै ताँई क म खुदनै बी थारै ताँई दे देस्युँ। अर जद म थारूँ, अत्तो प्यार-परेम करूं हूँ, जणा थे कंय्यां मेरूँ, थोड़ो प्यार-परेम कर सको हो?

2 कुरन्थीयो 11:11

अर मेरा खेबा को ओ मतबल थोड़ी ह क म थारूँ परेम कोनी करूं? परमेसर इ बातनै जाणै ह क म थारूँ परेम करूं हूँ।

2 कुरन्थीयो 7:3

म अ बाता थानै बुरो बताबा ताँई कोनी खेर्यो। पण जंय्यां पेल्या म थानै बतायो हो क थे म्हारा हिया म बसर्या हो, अर म्हें थारै सागै जीवां-मरां हां।

1 कुरन्थीयो 3:10

परमेसर की दयाऊँ म एक चोखा चेजारा की जंय्यां निम धरी ह। अर बिपै ईमारत दुसरो बणार्यो ह। पण सगळानै ओ ध्यान राखबो चाए की बो बिपै कंय्यांको काम करर्यो ह।

2 कुरन्थीयो 3:1

के म्हें खुद म्हारी बडाई करर्या हां? नहिस म्हें दुसरा मिनखा की जंय्यां चापलुसी की चिठी मांडर थानै देवां नहिस थारूँ ल्यां?