2 कुरन्थीयो 3:1 - जीवन को च्यानणो (सेकावाटी नया नियम की पोथ्या)

¹ के म्हें खुद म्हारी बडाई करर्या हां? नहिस म्हें दुसरा मिनखा की जंय्यां चापलुसी की चिठी मांडर थानै देवां नहिस थारूँ ल्यां?

2 कुरन्थीयो 3:1 Referans Kwoze

2 कुरन्थीयो 12:11

म बावळा की ढाळ बोल्यो, पण अंय्यां करबा ताँई थेई मनै उकसाया। जदकी म तो क्युंबी कोनी हूँ, पण थानै तो मेरी बडाई करबो चाए, क्युं क म थारा बा भेजेड़ा चेला मऊँ, एक बात म बी कम कोनी हूँ।

2 कुरन्थीयो 10:12

क्युं क म्हें बा मिनखा की जंय्यां कोनी जखा खुदकी बडाई खुदई करीं हीं। बे खुदकी एक दुसराऊँ बराबरी करीं हीं अर अंय्यां कर बे खुदई बावळा खुवावीं हीं।

2 कुरन्थीयो 5:12

जणा बी म्हें थारै सामै खुदकी बडाई कोनी कर्या। पण थानै एक मोको देवां हां क थे म्हारै प गुमान कर सको। अर जखो मिनख आपकी हिया की बातानै छोडर दिखावटी बाता प गुमान करै ह बानै थे जुबाब दे सको।

भेजेड़ा चेला का काम 18:27

अर जद अपुलोस अखाया परदेस जाबा की मन म करी जणा बठै का भाईड़ा बिकी मदद करी अर बिकै हात चेलानै एक कागद भेज्यो क बे बिकी आवभगत करै। अर बो बठै जार बा मिनखा की मदद करी जखा परमेसर की दयाऊँ बिस्वास म आया हा।

1 कुरन्थीयो 16:3

अर जद म थारै कनै आस्युं जणा बा मिनखानै जानै थे चास्यो, बिनै अधिकार चिठी देर थारा दाननै बाका हाता यरूसलेम भेज देस्युँ।

2 कुरन्थीयो 12:19

हो सकै ह! थे अंय्यां सोचो हो क, म्हें अंय्यां बोलर खुदको बचाव करर्या हां। नइ! म्हें मसी का दास होर बोल्या, अर इ बात को गुवा परमेसर ह। ओ मेरा लाडला भाईड़ो! म्हें जोक्यु बी कर्या बो थानै आत्मिक रूपऊँ मजबूत करबा ताँई कर्या।

2 कुरन्थीयो 10:8

परबु म्हानै थारै उपर जखो अधिकार दिओ ह बिपै ज म गुमान करूं जणा बिपै मनै सरमिंदा होबा की जुर्त कोनी। क्युं क ओ अधिकार थारै आत्मिक जीवननै बणाबा ताँई ह इनै बिगाड़बा ताँई कोनी।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

1 कुरन्थीयो 10:33

मेरी जंय्यां बिना आ सोच्या की मनै काँई फाईदो होसी म दुसरा को फाईदो देखूँ हूँ अर सगळानै राजी राखूँ हूँ बंय्यांई करो, जिऊँ बे बचा लिआ जावै।

1 कुरन्थीयो 4:15

क्युं क ज मसी जीवन म थानै समाळबाळा दस झार होवै, जणा बी थारो बाप तो एकई ह। क्युं क म मसी को चोखो समचार सुणाबा क जरिए मसी म थारो बाप बणगो।

1 कुरन्थीयो 3:10

परमेसर की दयाऊँ म एक चोखा चेजारा की जंय्यां निम धरी ह। अर बिपै ईमारत दुसरो बणार्यो ह। पण सगळानै ओ ध्यान राखबो चाए की बो बिपै कंय्यांको काम करर्यो ह।

रोमीयो 16:1

किंखिरीआ की बिस्वासी मंडळी की सेवा करबाळी आपणी बिस्वासी भाण फिबे की थारूँ सिपारीस करूं हूँ।

2 कुरन्थीयो 10:18

क्युं क जखो खुदकी बडाई करै ह बा नइ पण जिकी परबु बडाई करै ह बा बडी बात ह।